Nikumoona 33
33
Nikumoon XXXIII.
1Muma̔takooseesta̔k ka Tipāye̔chekāt, O keyawaw kwiusk ootitatissewuk: weya ā na̔hesku̔k kwiusk ootitatissew kitta nunaskoomoot.
2Mume̔chimee̔k ka Tipāye̔chekāt kitoo̔chekuna o̔che: nikumoosta̔k kitoo̔chekuni̔k, kitoo̔chekun ā meta̔twapāku̔k.
3Nikumoosta̔k ka Tipāye̔chekāt ooske nikumoon o̔che: tapetowāye̔tumook ā nikumoostowāk.
4Oot ayumewin ka Tipāye̔chekāt tapwāmukuneyew: mena ka̔keyow oot isse̔chekāwina tapwāwuneyewa.
5Sake̔taw kwiusk itatissewin mena ooyussoowāwin: uske sakuskināo oo meywatissewin o̔che ka Tipāye̔chekāt.
6Oot ayumewin o̔che ka Tipāye̔chekāt ke̔ ose̔taw kesikwa: mena ka̔keyow tu̔to kākwi ka ayak ākota oo yā̔yāwin o̔che.
7Mamowinum nippeä wenepākoo̔k: mena utte mamowustaw ā timmeyik, tapiskooch ustasoonikumik.
8Keyam missewā uske kitta koosikwāyimik ka Tipāye̔chekāt: koosikwāyimee̔k, ka̔keyow keyawaw ka ayayāk uskee̔k.
9Weya ā itwāt, ākose ka̔ e̔kee̔k: ke̔ itussoowāo, ākose ke̔ ayeetuneyew.
10Ka Tipāye̔chekāt itustawāo oo yussoowāwineyew āka ka ayumehayit āka nantow kitta itaputuneyik: mena isse̔tawāo ā itwāyit ayiseyinewa āka kitta ke̔ e̔kineyik.
11Oo yussoowāwin ka Tipāye̔chekāt kakekā kitta e̔tukwuneyew: mena ā itāye̔tu̔k oo’ tā̔i̔k ā isko aniskā e̔tayit ayiseyinewuk.
12Sowāye̔takoosewuk āwukwunik ayiseyinewuk, ka oo Munetoomitchik ka Tipāye̔chekāyit Jehovah: mena sowāye̔takoosewuk unekee, ka ke̔ nowusoonat kitta oot ayanit.
13Ka Tipāye̔chekāt nase kunowapew ke̔che kesikoo̔k o̔che, mena kunowapumāo ka̔keyow ayiseyinewa: oot e̔tawini̔k o̔che nakutowāyimāo ka̔keyow ka ayayit uskee̔k.
14Ke̔ ose̔tawāo oo’ tā̔eyewa ka̔keyow: mena kiskāye̔tumwāo ka̔keyow oot isse̔chekāwineyewa.
15Numoweya ā me̔chāteyit ā wechāwat ke̔che ookemaw kā o̔che pimachehoot: mena numoweya oo soo̔katissewin ka pimachehikoot ā soo̔katissit napāo.
16Mistutim numma kitta ke̔ pimachehāo napāwa: mena numoweya oweya kitta ke̔ pimachehāo oo ke̔che muskowisseewin o̔che.
17Kunowapumāo ka Tipāye̔chekāt unehee ka koosikwāyimikoot: mena unehee ka mumisseetotumeyit oo kissāwatisseewin;
18Kitta pimachehat oot a̔cha̔kooyee̔k nippoowini̔k o̔che: mena kitta ussumat mākwach ā we̔ mechesoowee̔t.
19Ke ke̔ pāhanow ket a̔cha̔koona̔k ka Tipāye̔chekāt: weya ā wechehitu̔k, mena ā natumatu̔k.
20Ke’ tā̔ena̔k ke ga muma̔takoohikoonow: weya ā ke̔ uspāyimoowu̔k oo kunache We̔yoowin.
21Keyam ke kissāwātisseewe meyo totakāwin, O Tāpāye̔chekāyun, ne ga ayakoonan: ka isse mumisseetotata̔k.
Currently Selected:
Nikumoona 33: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
