Nikumoona 22
22
Nikumoon XXII.
1Ne Munetoom, ne Munetoom, tanā̔kā ke wāpinin: mena wa̔yow ka o̔che nutoo̔toweyun ā nunatoomitan?
2O ne Munetoom, ke mowimoostatin ā kesikak, maka numma ke nutoo̔towin: mena ā tipiskak ussitche numma net uywāpin.
3Ākose tu̔kee ā kunatisseyun: O keya ka mowimoostask Israel.
4N’o̔tawenanuk ke ke̔ uspāyimoototakwuk: ke ke̔ mumisseetotakwuk, ākose ke ke̔ natumowawuk.
5Ke ke̔ mowimoostakwuk, ākose ke wechehawuk: ke ke̔ mumisseetotakwuk, ākose numma o̔che wawanāye̔tumwuk.
6Maka weya neya, munechoosi̔k net itāye̔takoosin, numoweya ayiseyinew: ā mawutche atowāye̔takooseyan ka i̔tusit ayiseyinew.
7Ka̔keyow tu̔to ka wapumitchik ne pa̔pehikwuk: kinotoonāpuyehoowuk, mena wāwāpiskwāpuyehoowuk, omisse itwāwuk,
8Ke̔ mumisseew Munetoowa, kitta natumakoot: keyam maka ākwa kitta natumak, keespin we̔ ayawik.
9Maka keya ka ke̔ otineyun ne’ kawe wuta̔k o̔che: keya ke ke̔ uspāyimoototatin, pechāyik kāyapitch ā noo̔yit ne’ kawe.
10Keya ke ke̔ mitoonāyimin uspin ā ne̔tawekeyan o̔che: k’ Oomunetoomimitin nistum ā o̔cheeyan o̔che.
11Oākaweya nukusin, mākwach ayimissewin kissewak ā e̔tukwu̔k: ākose āka oweyuk ā e̔tat kitta wechehit.
12Me̔chāt yapāwe mistooswuk n’ ootee̔tikwuk: ā weeyinootchik yapāwuk Basani̔k o̔che ne waskaskakwuk.
13Ne tawutookoonāstakwuk: tapiskooch ā nākimoot Lion.
14Nippe ka isse sekasekowu̔k net isse ayan, mena ka̔keyow ne’skuna kootikoopuyewa: ne’ tā̔ mena tapiskooch pikew ā ti̔kisoot isse ayaw.
15Ne muskowisseewin pastāo, mena ne’ tayune ne koona̔k mitchimoo̔tin: ākose ke ga pāsewin nippoowini̔k.
16Weya me̔chāt utimwuk ā otissitchik: mena oomuchatissewuk ā ooyussoowasitchik.
17Ke̔ sapoostahumwuk ne chee̔cheeä, mena ne’ sita: ne ga ke̔ we̔tān ka̔keyow ne’ skuna: nepowewuk soo̔ke ā kunowapumitchik mena ā kunowapumitchik.
18Matinumatoowuk net ayoowinisa: mena kukwā kiskāye̔tumwuk owāna kā ayat net ukoohoon.
19Maka ākaweya wa̔yow aya, O Tāpāye̔chekāyun: keya ka wecheheyun, keyepe wechehin.
20Natumow net a̔cha̔k semakuni̔koomani̔k o̔che: naspitch ka sakehuk utimoo̔k o̔che.
21Pimachehin Lion oo’ tooni̔k o̔che: ke ke̔ pā̔towin assi mākwach oot ā̔skunewa̔k Unicornuk o̔che.
22Ne ga we̔tumowawuk ke We̔yoowin ne’ chewamuk: mākwach ā mamowe ayumecha̔k ke ga mume̔chimitin.
23O mume̔chimee̔k ka Tipāye̔chekāt, keyawaw ka koosikwāyimāk: kistachime̔ek, ka̔keyow keyawaw oot owasimisa Jacob, mena koosikwāyime̔ek, ka̔keyow keyawaw oot owasimisa Israel;
24Weya āka ā o̔che atowāyimat ā isse tupu̔tāye̔takooseyit ookitimakissewa: numoweya o̔che kasoostowāo, maka ā mowimoostakoot ke̔ nutoo̔towāo.
25Ke ga mume̔chimitin itta ā mamowe ayumeha̔k: ne ke̔che itwāwina ne ga tipetotān ā wapumeyit unekee ka koosikwāyimikoot.
26Ka kitimakissit kitta mechesoo, mena kitta tāpāye̔tu̔k: unekee ka nutoonowatchik ka Tipāye̔chekāyit kitta mume̔chimāwuk; ke’ tā̔ewawa kitta pimatissemukunwa kakekā.
27Missewā uskee̔k kitta kiskissetotasoowuk, äkose kitta natamoostowāwuk ka Tipāye̔chekāyit: mena ka̔keyow ka tu̔toskanāmukisseyit ayiseyinewuk kitta putuppeestak.
28Weya oot ayan otānow ka Tipāye̔chekāt: mena weya Ke̔che tipāyimāo ayiseyinewa.
29Ka̔keyow tu̔to ka weeyinootchik uskee̔k: ke̔ mechesoowuk, mena ke̔ putuppeestowāwuk.
30Ka̔keyow unekee ka itoo̔tātchik uske̔ek kitta neepuskoopeestowāwuk: mena numoweya oweyuk ke̔ pimachehāo oot a̔cha̔kwa.
31Net owasimisa kitta utooskak: ka Tipāye̔chekāt kitta utooskakoot kitta itukimimawa.
32Kitta pāche we̔tumowawuk kwiusk oot itatissewineyew: unehee ayiseyinewa kā ne̔tawekeyit, ka Tipāye̔chekāt ka ke̔ ose̔hat.
Currently Selected:
Nikumoona 22: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
