Nikumoona 17
17
Nikumoon XVII.
1Nutoo̔ta ā isse kwiuskwu̔k, O Tāpāye̔chekāyun, nakutowāye̔ta ā kitimakwā̔katan: mena nutoo̔ta ne mowimooschekāwin, ka o̔chepuyik ne’ tooni̔k āka ā wuyāsimitan.
2Keyam n’ooyussoowatikoowin kitta pā o̔cheew ket astumewini̔k: mena keyam ke’ skesikwa o̔che kunowapu̔ta unima ka kwiuskwu̔k.
3Ke ke̔ kootāye̔tān mena ke ke̔ kukāskimin ne’tā̔i̔k mākwach ā tipiskak: ke ke̔ nutowe kiskāyimin, maka numoweya ke ga miskān muche pimatissewin: weya ā itāye̔tuman āka kitta wunetotakāyan ne’tooni̔k o̔che.
4Chikāma oot isse̔chekāwinewaw ayiseyinewuk o̔che, ka totu̔kik ā anwā̔tu̔kik ket ayumewin: ne ke̔ mitchiminisoon oot itatissewini̔k o̔che oonissewunachehewāo.
5O mitchimina net itoo̔tāwina ke māskuna̔k: āka kitta sooskoopuyeyan n’ootahumawini̔k.
6Ke ke̔ nutwāwāmitin, O Muneto, weya kitta pā̔toweyun: pā itustwowin k’e̔towukuy, mena nutoo̔ta net ayumewina.
7Wapu̔teyewā ke mamuskache meyo totakāwin, keya ka Pimachehutchik unekee ka mumisseetotaskik: unehee o̔che ka mayāye̔tumeyit ke ke̔cheniskeyew.
8Kunowāyimin tapiskooch me’ skesik: kasin seepa ā chikastātikee ke tutu̔kwuna.
9Oomuchatissewuk o̔che ka mikooskachehitchik: ka pukwasitchik ne waskaskakwuk ā we̔ otinatchik net a̔cha̔kwa.
10Kā̔chewak oo weeyinoowinewaw kipa̔hookwuk: mena oo’toonewa̔k ā ayimootu̔kik kistāyimoowin.
11Pimissinwuk ā pāhootchik ne māskunana̔k missewā itta o̔che: moo̔che̔k ā itapitchik;
12Tapiskooch lion ka kasukatotu̔k oo nutowāye̔chekāwin: mena tapiskooch lion oot owasimisa, ā kasoot kemooch itta.
13Pussikoo, Tāpāye̔chekāyun, ayukawāye̔tumoo, mena nee̔chewāpin: we̔kwutche net a̔cha̔k oomuchatissew o̔che, ka oosemakuni̔koomaneyun;
14Ayiseyinewuk ke chee̔chee̔k o̔che, O Tāpāye̔chekāyun, ayiseyinewuk o̔che, net itwan, mena muche uske o̔che: ka ayatchik oo tipuke̔tumakoowinewaw ota pimatissewini̔k, wutawawa ke sakuskina̔tawan ket ayana o̔che.
15Ayawāwuk owasisa piko eyekoo̔k ā nutowāyimatchik: mena nukutumowāwuk oot ayanewawa oot owasimisewawa.
16Maka weya neya, ne ga kunowapu̔tān ke’skesik kwiusk itatissewini̔k: mena ispe wuniskayane ke nuspitakoowini̔k isse, ne ga tāpāye̔tumchikoon.
Currently Selected:
Nikumoona 17: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
