Nikumoona 144
144
Nikumoon CXLIV.
1Kitta mume̔chimaw ka Tipāye̔chekāt ne muskowisseewin: ka kiskino̔humowit kitta nutoopuyeyan ne’ chee̔cheeä o̔che, mena kitta nootinikāyan ne yeyekechee̔chana o̔che;
2Net uspāyimoowin mena net ayasoowekumik, net ayeechekumik mena n’ oopimachehewām, ka natumowit ā mumisseeyan: ka sakoohat net eyineema ka owusimāskowimuk.
3Tāpāye̔chekāyun, tanisse āspee̔tāye̔takoosit napāo, ka isse kistāyimut: a̔po napāwe koosisan, ka isse mitoonāyimut?
4Napāo tapiskooch numma kākwi itāye̔takoosew: oo pimatissewin mā̔che mayawepuyeyew tapiskooch ā chikastāpuyik.
5Pāche nee̔tiska ke kesikooma, O Tāpāye̔chekāyun, pāche nasuskā: samina wutcheeä, ākose kitta pepootāwa.
6Wuyowewāpina ke wastāpuyewina, ākose tatopita: pimootu̔kwā ke keenekutoosa, ākose mā̔chehik.
7Pā nasitissa̔ha ke’ chee̔chee ispimi̔k o̔che: pimachehin, mena otinin ke̔che nippee̔k o̔che, oo’ chee̔cheewa̔k o̔che peetoos owasisuk;
8Oo’ toonewa̔k o̔che ka ayimootu̔kik pukwunuta kākwi: mena oo ke̔cheniskoowawa muche pimatissewe ke̔cheniska.
9Ke ga nikumoostatin ooske nikumoon, O Muneto: mena ke ga nikumoostatin kitta mume̔chimitan kitoo̔chekuni̔k ā meta̔twapākissit.
10Ke ke̔ meeyawuk ke̔che ookemawuk kitta sakoo̔twatchik: mena ke ke̔ pimachehaw David ket utooskāyakun semakuni̔koomani̔k o̔che.
11Pimachehin, mena natumowin oo’ chee̔cheewa̔k o̔che peetoos owasisuk: oo’ toonewa̔k o̔che ka ayimootu̔kik pukwunuta kākwi, mena oo ke̔cheniskoowawa muche pimatissewe ke̔cheniska.
12Ne koosisenanuk kitta oo̔pikitchik tapiskooch ooske kistekana: mena ne tanisenanuk tapiskooch ā meyo̔ta̔k ā ke̔kāyak ke̔che ayumehāwekumikoo̔k kitta isse ayatchik.
13Ne kistekanikumikoonana kitta sakuskinākee mena kitta me̔chātee̔k ka̔keyow nunatoo̔k kākwiä: ne mayutchi̔koomenanuk ke̔che meta̔toometunow kitta ne̔tawekehitootchik mena meta̔twaw ke̔che meta̔toometunow ne māskunana̔k.
14Net ayapāmenanuk kitta muskowisseetchik ā utooskātchik, āka kitta noo̔tāpuyee̔k: āka kitta sipwā̔tahitoonanewu̔k kitta owa̔katitoo̔k, mena āka kitta sakwāyimoowe‐keeswanewu̔k ne māskunana̔k.
15Meyo ayawuk ayiseyinewuk ākose ka isse ayatchik: tapwā, sowāye̔takoosewuk ayiseyinewuk ka ayawatchik Tāpāye̔chekāyit ā oo Munetoomitchik.
Currently Selected:
Nikumoona 144: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
