Nikumoona 138
138
Nikumoon CXXXVIII.
1Ke ga meeyitin nunaskoomoowin, O Tāpāye̔chekāyun, missewā ne’ tā̔ o̔che: a̔po mākwach munetoowuk ā ayatchik, ke ga nikumoostatin.
2Ne ga putuppeestān ke kunache ayumehāwekumik isse, mena ne ga mume̔che̔tān ke We̔yoowin, chikāma ke sakehewāwin mena ke tapwāwin o̔che: weya ā ke̔ ke̔che totumun ke We̔yoowin, mena ket Ayumewin, ispee̔ch ka̔keyow kākwiä.
3Ispe ā mowimoostatan ke ke̔ pā̔towin: mena ke ke̔ weya̔tahaw net a̔cha̔k mistahā muskowisseewin o̔che.
4Ka̔keyow ke̔che ookemawuk uskee̔k ke ga mume̔chimikwuk, O Tāpāye̔chekāyun: weya ā ke̔ pā̔tu̔kik ayumewina ke’ tooni̔k o̔che.
5Tapwā, kitta nikumoowuk oot itatissewini̔k isse ka Tipāye̔chekāt: ā ke̔che ayewuneyik oo kistatissewin ka Tipāye̔chekāt.
6Weya ka Tipāye̔chekāt ā ata kistāye̔takoosit, kāyapitch mitoonāyimāo ka tupu̔tāyimooyit: maka weya ookistāyimoowa, wa̔yow o̔che kunowapumāo.
7Keyam mākwach ayimissewini̔k ā pimoo̔tāyan, kāyapitch ke ga sāsawiskowin: ke ga soowiniskātotowawuk ā a̔kwatissitchik ka pukwasitchik, ākose ke ke̔chenisk ne ga pimachehikoon.
8Ka Tipāye̔chekāt kitta ayeeche̔taw oo sakehewāwin neya o̔che: tapwā, ke kissāwatisseewin, O Tāpāye̔chekāyun, e̔tukwun kakekā; ākaweya maka atowāye̔ta ket isse̔chekāwina ke’ chee̔cheeä o̔che.
Currently Selected:
Nikumoona 138: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
