OO MEYO ACHIMOOWIN ST MARK 16
16
PISKE̔TUSSINA̔HIKUN XVI.
1Ākose ispe ayumehāwe kesikaw ka̔ muyawepuyik, Mary Magdalene, mena Mary oo’ kaweya James, mena Salome, utawāwuk seewe̔ke muske̔keä, kitta ke̔ pā itoo̔tātchik mena kitta muske̔kewa̔watchik. 2Ākose naspitch ā kākesāpayayik nistum ā kesikayik āwuko ā ispuyeyik, pā itoo̔tāwuk chepuyekumikoo̔k a wuniskayit peesimwa. 3Ākose omisse ititoowuk, Owāna kā te̔tipinumatu̔k ussineä chepuyekumikoowe iskwa̔tāmi̔k o̔che? 4Ākose ispe ātapitchik, wapu̔tumwuk ussineä ā ke̔ oo̔pimā isse te̔tipinimee̔t: weya naspitch ā ke̔ missekiteyit. 5Ākose ā pee̔tokwātchik pee̔che chepuyekumikoo̔k, wapumāwuk ooskeneekewa ā uppeyit ke̔cheniski̔k itā̔kä, ā weya̔tumeyit ā kinwayik wapiske weya̔chekun; ākose ke̔ sākissewuk. 6Ākose omisse itāo, Ākaweya sākissik: Ke nutoonowawaw Jesus Nazarethi̔k ka o̔cheet ka ke̔ cheestahaskwatee̔t: ke̔ wuniskaw; numoweya ota ayaw: cheest itta ka ke̔ a̔yatchik. 7Maka kewāk, we̔tumowima̔k oo kiskino̔humowakuna ussitche Peter ā nekanoo̔takooyāk Galileei̔k isse: ākota kā wapumāk, ka ke̔ isse we̔tumakooyāk. 8Ākose wuyoweewuk keyepe, mena oosimoowuk chepuyekumikoo̔k o̔che; weya ā ke̔ nunumepuyitchik mena ā mamuskatu̔kik: mena numoweya nantow oweya itawuk; chikāma ke̔ sākissewuk.
9Ispe maka Jesus ka̔ wuniskat weputch nistum ā kesikayik āwuko ā ispuyeyik, nistum ke̔ otee̔tāo Mary Magdalenea, unehee tāpukoo̔p muche a̔cha̔kwa ka ke̔ wuyoweetissa̔hoomat we’yoweyee̔k o̔che. 10Ākose ke̔ nutowe we̔tumowāo, unehee ka ke̔ wechākooyit, weya āka ā na̔āye̔tumeyit mena ā matooyit. 11Ākose weyawaw, ispe peyā̔tu̔kik ā pimatisseyit, mena ā ke̔ wapumayit, numoweya tapwā̔tumwuk.
12Uskoo̔ch āwuko otee̔tāo petoos isse ā neseyit weyawaw o̔che, makwach ā pimoo̔tāyit, mena kotuk uskee̔k ā itoo̔tāyit. 13Ākose nutowe we̔tumowāwuk kotuka: mena numoweya tapwā̔towāwuk āwukwunee.
14Patima otee̔tāo metatu̔t pāukoosap ka i̔tusseyit mākwach ā uppeyit ā mechesooyit, ākose kitootāo oot anwā̔tumoowineyew o̔che mena oo muskowetā̔hāwineyew o̔che, chikāma numoweya ke̔ tapwā̔towāwuk unehee ka ke̔ wapumikoot ka̔ wuniskat. 15Ākose omisse itāo, Itoo̔tāk missewā uskee̔k, mena we̔tuma̔k meyo achimoowin ka̔keyow ayiseyinew. 16Una kā tapwā̔tu̔k mena kā seekaha̔ta̔t kitta pimachehaw; maka una āka kā tapwā̔tu̔k kitta nissewunachehaw. 17Mena ohoo kiska̔hikuna kitta pimitissa̔hookwuk unekee ka tapwā̔tu̔kik; Ne we̔yoowini̔k kitta wuyoweewāpināwuk muche a̔cha̔kwa; kitta ayumewuk ooske metāyuneä o̔che; 18Kitta otināwuk kināpikwa; mena keespin mini̔kwatu̔kwawe nantow nippoowe kākwi, numoweya kitta a̔koohikwuk; kitta samināwuk oota̔koosewa, ākose kitta meyo ayayewa.
19Ākose maka, ka Tipāye̔chekāyit ka̔ ayumehikootchik, ke̔ otinaw ke̔che kesikoo̔k isse, mena ke̔ uppew oo ke̔cheniski̔k Muneto. 20Ākose ke̔ sipwā̔tāwuk, mena ke̔ kukāskmiawusoowuk missewā ittā, ka Tipāye̔chekāt ā wecheütooskāmat, mena ā ayeeche̔tat ayumewin mamuskache kākwia ā ussitchepuyeyikee.
Currently Selected:
OO MEYO ACHIMOOWIN ST MARK 16: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
