OO MEYO ACHIMOOWIN ST MATTHEW 3
3
PISKE̔TUSSINA̔HIKUN III.
1Āwukwunnee kesikawa tākoosee̔k John oo Seekaha̔takāo, ā kukāskimawusoot pukwutuskee̔k Judea, 2Omisse ā itwāt, Kwāskatissik: weya ke̔che kesikoowe otānowewin kissewak ā e̔tukwu̔k. 3Āwuk’owa ka ke̔ achimikoot ookiskewāhikāwa Esaias, omisse ā itwāyit, Pā̔takoosew pāuk ā kukāskimawusoot pukwutuskee̔k, Kwyache̔tawa̔k oo māskunow ka Tipāye̔chekāt, kwiusk itumoo̔tawa̔k oo māskunowa. 4Āwuko John pisiskewpeewuya ke̔ weya̔tum, mena pa̔kākino pukwa̔tāhoon ke̔ pukwa̔tāhoo; mena oo mechewin locustuk mena amoo osee̔chekun.
5Ākose peä natikoot Jerusalemi̔k ka ayayit, mena ka̔keyow Judea, mena ka̔keyow missewā waska Jordan, 6Ākose ka seekaha̔towat ākota Jordan, ā we̔tumeyit oo muche̔tewineyewa.
7Maka ā wapumat me̔chāt Phariseewuk mena Sadduceewuk ā pā natumeyit oo seekaha̔takāwin, omisse itāo, O uniskā nā̔tawekehitooyāk kināpikootik, owāna ka itikooyāk kitta oosimoostumāk kissewasewin kā ooche̔chepuyik? 8Nookoo̔tak issa tapwā ā me̔tatumāk: 9Mena ākaweya itāye̔tumook, Netap n’o̔tawenan Abraham: ke we̔tumatinawaw, Kissā Muneto ā kuske̔hat ohoo ussineeä kitta oot owasimissehat Abrahama. 10Mena maka cheekahikun nā̔pāmustāo wutupi̔k mistikoo̔k: āwuko ’che maka tu̔to mistik āka ka ne̔taweke̔tat meyo meenisa kitta kowahoo̔t, mena kitta poonee̔t. 11Ata weya ke seekaha̔tatinawaw nippe o̔che kitta me̔tatumāk muche̔tewin: maka una ka pā nuskwowit owusimā soo̔katissew ispee̔ch neya, oo muskissina nummoweya ne tāpukāye̔takoosin kitta tu̔koonumwuk: ke ga seekaha̔takoowaw ka Kunatissit A̔cha̔kwa, mena iskootāo: 12Oo̔pwāaschechekuna mitchimināo oo chee̔chee̔k ākose kitta metoone kechistinum moo̔che̔k, mena kitta mawussukwunāo oo pu̔kwāsekunima ā nahe̔kowat; maka kitta suskahum meyikwunasa āka kitta astowāk iskootāo o̔che.
13Ākose tākoosee̔k Jesus Jordani̔k Galilee̔k ā o̔to̔tāt Johna ā otee̔tat, kitta seekaha̔takoot. 14Maka John kittahumowāo, omisse itāo, keya koosoma ke ga seekaha̔towe̔ty, ka pā naseyun? 15Maka Jesus nuskwāwusehāo omisse itāo, Keyam ākose kitta e̔kin: ākose ā isse nutowāye̔takooseya̔k kitta tipetotuma̔k ka̔keyow kwiusk itatissewin. Ākose tapwā̔towāo. 16Ākose Jesus, ka seekaha̔ta̔t, utte ’se kupaw: ākose ke̔che kesik ka paskee̔tāpuyeyik, mena wapumāo Kissā Muneto Acha̔kwa ā nasetotakoot oomee̔mee̔k ā isse nakooseyit, mena ā twāhoototakoot: 17Ākose pā̔tum ke̔che kesikoo̔k ā o̔che itwāwee̔t, Āwuko owa ayewak ā itāyimuk ne Koosis, ka naheyowwāhit.
Currently Selected:
OO MEYO ACHIMOOWIN ST MATTHEW 3: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
