OO MEYO ACHIMOOWIN ST MATTHEW 26

PISKE̔TUSSINA̔HIKUN XXVI.

1Ākose ā utte e̔kee̔k, ispe Jesus ka keese̔tat ka̔keyow ohoo oot itwāwina, omisse itāo oo kiskino̔humowakuna, 2Ke kiskāye̔tānawaw ke̔ nesoo kesikake ākota ka e̔tukwu̔k we̔koo̔toowin passover ā issini̔katāk, ākose napāo oo Koosisan pukitinaw kitta cheestahaskwatee̔t.

3Ākose mawutchehittoowuk okoo Ke̔che Ayumehāwekemawuk, mena ka mussinahu̔kik ooyussoowāwina, mena kāsāyane̔katu̔kik, ā natatchik wekeeyi̔k mawutche ke̔che Ayumehāwekemawa, Caiaphas ā isseni̔kasooyit, 4Ākose ā ooyussoowātchik kitta otinatchik Jesus ā we̔ wuyāsenippa̔hatchik. 5Maka omisse itwāwuk, Numoweya mākwach ā we̔koo̔toowekesikak, kakayā weya kitta nayā̔tawāye̔tumwuk ayiseyinewuk.

6Ākose mākwach Jesus ā ayat Bethany, oo waskahikuni̔k Simon ka peekoopuyewaspināt, 7Pāche natik iskwāwa ā ayayit naspitch ā a̔kwu̔tāyayik tumuskoowin ussinewuti̔k ā ussoowutāyik, ākose seekinumeyewa oo stikwani̔k, mākwach ā uppit ā mechesoot. 8Maka ispe oo kiskino̔humowakuna weäpu̔tumeyit, numma na̔āye̔tumeyewa omisse itwāyewa, Tanā̔kā oma wā̔che nissewunache̔tanewu̔k? 9Oma tumuskoowin kitta ke̔ utawakanewunopun mistahā ā itukee̔tāk, ākose kitta ke̔ meeya̔tyuk ookitimakissewuk. 10Ispe Jesus nāssetoo̔tu̔k, omisse itāo, Tanā̔kā ke mikooskatchehawaw owa iskwāo? meyo kākwi owa net itotumak. 11Mana maka keyawaw mosuk ke wechāwa̔tawaw ookitimakissew; maka neya numoweya mosuk. 12Oma ka ke̔ seekinu̔k tumuskoowin ne yowi̔k, kiskinowachetotum kitta na̔heyekowewuk. 13Ne tapwan ka ititukook, Piko itta oma meyo achimoowin kā we̔tumee̔k missewā uskee̔k, ākota neesta owa iskwāo ka totu̔k, kā we̔chekatāk kitta kiskissetota̔t.

14Ākose pāuk unekee nesoosap metatu̔t, Judas Iscariot ā issini̔kasoot, natāo ke̔che Ayumehāwekemawa. 15Omisse itāo, Kākwi kā meeyeyāk, ākose ke ga pukitinumatinawaw? Ākose ussootumowāwuk nisto metunno sooneyawapiskwa. 16Ākose ākota o̔che ke̔ nutoonum kitta ke̔ utawakāt.

17Ākose nistum ā kesikak ā we̔koo̔too̔k ayu̔konaw oo kiskino̔humowakuna pā natik Jesus, omisse ā itikoot, Tantā ā itāye̔tumum kā nutowe kwyache̔twata̔k itta kitta mecheyun oma passover? 18Maka omisse itāo, Itoo̔tāk āwuko waskahikun nati̔k āwuko ayiseyinew, omisse maka iti̔k, Ookemaw omisse itwāo Kissewak ākwa n’ otee̔tān; Ne ga ayan oma Passover ke waskahikuni̔k ussitche ne kiskino̔humowakunuk. 19Ākose kiskino̔humowakunuk totumwuk ka ke̔ itikootchik Jesus; ākose kwyache̔tawuk passover. 20Ākose ispe wāche̔chepuyik ā ootakoosik, ooyuppew ussitche unehee nesoosap. 21Ākose oma ā mechesootchik, omisse itāo, Ne tapwan ka ititukook, pāuk oma keyawaw ke ga pukitussoowasinawaw. 22Ākose naspitch numma na̔āye̔tumwuk, omisse itāwuk ka̔keyow, Ka Tipāye̔chekāyun, Neya che? 23Ākose nuskwawusehāo omisse itāo, una tapiskooch ka isseniskāneya̔k pee̔che ooyakuni̔k, āwuko kā missemit. 24Napāo oo Koosisan ateesaweya itoo̔tāo ā ke̔ isse mussinahoo̔t: maka unne mayeayaw āwuko ayiseyinew ka missemat napāo oo Koosisana! oo ga ke̔ aputchehoo āwuko ayiseyinew keespin āka oche ne̔tawekit. 25Ākose Judas, ka ke̔ pukitussoowatat, nuskwāwusehāo mena omisse itāo, Ookemaw, neya che? Omisse maka itik, Ke we̔tān mana maka.

26Ākose oma ā mechesootchik, Jesus otināo ayu̔konawa, ākose ka meyo ukimat, mena ka pu̔kwānat, meyāo oo kiskino̔humowakuna, omisse itāo, Otinik, moowik; āwuko oma ne’ yow. 27Ākose otinum meekisoyakunis, mena nunaskoomoo, ākose meeyāo, omisse itāo, Mini̔kwāk oma ā itusseyāk; 28Āwuko oma ne mi̔k ooske isse̔twawini̔k, ka seeke̔titwa̔t me̔chāt oweyuk kitta apa̔humakoowisit muche̔tewina. 29Maka ke we̔tumatinawaw, numoweya ne ga o̔che mini̔kwan meeisapoe, patima āwuko kesikaw ispe ākwāyak mini̔kwāyane ussitche keyawaw n’ O̔tawe oot otānowini̔k.

30Ākose ispe ka sipwāhu̔kik pāuk nikuoon, utte isse wuyowewuk wutchee̔k Olives. 31Ākose Jesus omisse itāo, Ka̔keyow ā itusseyāk ke ga nayā̔taweayanawaw neya o̔che unoo̔ch ka tipiskak: weya omisse ā itussinahikatāk, Ne ga wesuka̔waw oo kunowāmayutchi̔kwāo, ākose mayutchi̔kwuk kitta nunanis ayawuk. 32Maka ke̔ wuniskayane mena, neya nekan ne ga itoo̔tan Galilee. 33Peter nuskwāwusehāo mena omisse itāo, Keyam ka̔keyow oweyuk kitta nayā̔tawāye̔tum keya o̔che, numoweya we̔kach neya ne ga nayā̔tawāye̔tān. 34Jesus omisse itāo, Ne tapwan ka ititan, unoo̔ch ka tipiskak, ā moyā kitoot pakaha̔kwan, nistwaw ke ga katan ā kiskāyimeyun. 35Peter omisse itāo, Keyam ata neesta nippa̔hikoweyan, numoweya ne ga kata̔ ā wechātan. Neesta ākose ā itwātchik ka̔keyow kotukuk kiskino̔humowakunuk.

36Ākose peä itoo̔tāt Jesus ā wechāwat unima itta Gethsemane ka issini̔katāk, ākose omisse itāo kiskino̔humowakuna, Ota uppik keyawaw, ā ispee̔che nutowe ayumehayan nātā. 37Ākose wechāwāo Peter mena unekee nesoo Zebedee oo Koosisa, ākose itta ka o̔che āka na̔āye̔tu̔k mena naspitch koosikoomu̔chehoot. 38Ākose omisse itāo, Net a̔cha̔koo̔k ākwāyak tapwā ne sakuskinamu̔chehoon nunā̔katāyimoowin, peyis nippoowini̔k isse: ota keyawaw ayak, mena pāhook. 39Ākose itoo̔tāo upesees owussetā, ākose otee̔tuppepuyehoo, mena ayumehaw, omisse isse, O n’ O̔tawe, keespin ke̔ issenakwun, keyam ne ga mayaskakoon oma meekisoyakunis; maka numoweya ā itāye̔tuman, maka keya ā itāye̔tumun kitta e̔kin. 40Ākose pā natāo kiskino̔humowakuna, mena miskowāo ā nipayit, ākose omisse itāo Petera, Tanā̔kā, numma na ke kuske̔tanawaw kitta pāhooyāk pāuk tippa̔hikun? 41Pāhook mena ayumehak, āka kitta pee̔tokwāyāk oowuyāsee̔chekāwini̔k: a̔cha̔k ata tāpukāyimoo, maka meyas nāsoowun. 42Mena itoo̔tāo ākwa neeswaw, ā nutowe ayumehat, omisse, O n’ O̔ta, keespin oma meekisoyakunis numma ne ga ke̔ mayaskakoon, patima mini̔kwāyane, keya ā itāye̔tumun kitta e̔kin. 43Ākose mena peä itoo̔tāt miskowāo assi mena ā nipayit: weya ā koosekoomu̔che̔tatchik oo skesikoowawa. 44Ākose nukutāo, mena sipwā̔tāo, mena ayumehaw ākose ākwa nistwaw, kāyapitch ākose ā itwāt. 45Ākose pā natāo oo kiskino̔humowakuna, mena omisse itāo, Keyam ākwa nipak, otinumook uywāpewin: assi unne kissewak ooche̔chepuyew napāo oo Koosisan ā pukitussoowatee̔t oo chee̔cheeyi̔k oo muchatissewa. 46Wuniskak, ākwa sipwā̔tātan: kissewak pā ayaw una ka pukitussoowasit.

47Ākose mākwach kāyapitch ā ayumit, Judas, pāuk unekee nesoosap, pāche natāo, ā wechāwat ookistukāwe ayiseyinewa semakuni̔koomana mena suskahoona ā pā kekeeyit, weyawaw ke̔che Ayumehāwekemawuk mena kāsāyane̔katu̔kik ā pā isitissawatchik. 48Una maka ka ke̔ pukitussoowatat oo kukāskima̔ omisse, piko una oochāmuke, āwuko una: ayeeche mitchimini̔k. 49Ākose tapwā peä natat Jesusa, omisse itāo, Wacheā, Ookemaw; ākose wāchāmat. 50Jesus omisse itāoo, Ne tootām, tanā̔kā wā̔che tukoosinun? Ākose peāche, moostinatchik Jesusa, mena ā otinatchik.

51Ākose, pāuk unekee ka wechāwatchik Jesusa sooweniskāyew, mena otinum oo semakuni̔kooman, ākose otama̔wāo oot utooskāyakuneyewa mawutche ke̔che Ayumehāwekemawa, ākose munewāpa̔humwāo oo̔towukayew. 52Maka Jesus omisse itāo, Usta mena ke semakuni̔kooman itta kitta ustāpun: ka̔keyow tu̔to ka otinu̔kik semakuni̔kooman kitta nissewunatissewuk semakuni̔kooman o̔che. 53Numma na ne ga ke̔ nutootumowaw n’ O̔tawe ket itāye̔tānawaw, ākose sāmak ne ga meeyik owusimā nesoosap metatu̔t legionuk ke̔che utooskāyakuna? 54Maka tantā kā ke̔ o̔che tipepuyik ā ke̔ itustāk ke̔che mussinahikuni̔k, ākose oma kitta e̔kee̔k? 55Āwuko tippa̔hikun mākwach ka itat Jesus ookistukāwe ayiseyinewa, Ke pā natawaw che ookimootiskew ka pā kekeeyāk semakuni̔koomana mena suskahoona ā we̔ otineyāk? Ke ke̔ weetuppimitinawaw tu̔twaw keyesikake ā kiskino̔humatukook ke̔che ayumehāwekumikoo̔k ākose numoweya ke ke̔ otininawaw. 56Maka ka̔keyow oma ke̔ e̔kin, kitta ke̔ tipepuyik ookiskewāhikāwuk oo ke̔che mussinahikāwinewaw. Ākose ka̔keyow kiskino̔humowakunuk nukutāwuk, mena oosimoowuk.

57Ākose unekee ka ke̔ otinatchik Jesusa itoo̔taāwuk itta Caiaphas mawutche ke̔che Ayumehāwekemaw ā ayat, itta ka mussinahu̔kkik ooyussoowāwina mena kāsāyane̔katu̔kik ā ke̔ mawutchehitootchik. 58Maka Peter pimitissawāo ya̔kee wa̔yow o̔che peyis wekeeyi̔k mawutche ke̔che Ayumehāwekemaw ā utte isse pee̔tokwāo, ākose weetuppimāo utooskāyakuna, ā we̔ wapu̔kāt kā itotamee̔t. 59Ākose okoo ke̔che Ayumehāwekemawuk, mena ka kāsāyane̔katu̔kik, mena ka̔keyow ooyussoowāwuk, nutoonumwuk nuspach kitta itimee̔t itta kitta o̔che nippa̔hatchik Jesus; 60Maka numoweya miskumwuk: ata me̔chāt we̔tumeyewa nuspach isse, maka numoweya ke̔ miskumwuk. Ākose iskwayani̔k nesoo pā itoo̔tāwuk nuspach ā isse we̔tu̔kik, 61Omisse itwāwuk, Owa omisse ke̔ itwāo, Ne kuske̔tan kitta nissewunache̔tayan oo ke̔che ayumehāwekumik Muneto, mena kitta ose̔tayan ke̔ nistoo kesikake. 62Ākose una Mawutche ke̔che Ayumehāwekemaw pussikoo, mena omisse itāo, Numma che nantow ke ga isse nuskwāwuse̔hewan? Kākwiyew okoo ka we̔tu̔kik ā we̔ missemiskik? 63Maka Jesus numma nantow itwāo. Ākose owa mawutche ke̔che Ayumehāwekemaw nuskwāwusehāo omisse itāo, Ke ke̔che itwā̔hitin ā nutoo̔task Muneto ka pimatissit, kitta we̔tumoweya̔k keespin tapwā keya Christ, Muneto oo Koosisan. 64Jesus omisse itāo, Ke ke̔ we̔tān: maka unne Ke we̔tumatinawaw, Patima ke ga wapummawaw napāo oo Koosisan ā uppit ke̔cheniski̔k soo̔katissewini̔k, mena ā pāche nookoosit wuskoo̔k kesikoo̔k. 65Ākose mawutche ke̔che Ayumehāwekemaw yayikepitum oot ayoowinisa, omisse itwāoo, Ke̔ muche itāo Munetoowa; kākwi owusimā nātowāye̔tuma̔k kitta we̔tumi̔k? ke pā̔tumwanawaw unoo̔ch ā muche itat Munetoowa. 66Tanse itāye̔tumāk? Nuskwāwusehāwuk omisse itāwuk, Kuske̔taw kitta nippit. 67Ākose see̔kwatāwuk oo skesikooyi̔k, mena otama̔wāwuk oo chee̔cheewawa o̔che; mena kotukuk pussi̔kwā̔wāwuk oot ayukuskechee̔chanewawa o̔che, 68Omisse itāwuk, Pukwunow we̔tumowinan keya Christ, Owāna ka pussi̔kwā̔hoosk?

69Ākose Peter wuyowetimiskwa̔t Ookemawekumikoo̔k oot uppe̔ty: ākose pā natik pāuk ooskeneekiskwāwa, omisse itik, Keya mena ussitche ke ke̔ wechāwaw Jesus Galilee ka o̔cheet. 70Maka kataw ka̔keyow ā pā̔takoot, omisse itwāo, Numoweya ne kiskāye̔tān ka itwāyun. 71Ākose ispe ka wuyoweet piskee̔che waskahikunisi̔k ā ayat, kotuka wapumik, ākose omisse itāo unehee itta ka ayayit, Owa neesta oowechāwa Jesus Nazareth ka o̔cheet. 72Ākose mena kataw paskutch ke̔che itwāo, Numoweya ne kiskāyimaw āwuko napāo. 73Ākose we̔katow mena pāche natik unehee itta ka na̔nepoweyit, omisse itāwuk Petera, O̔chetow maweya keya pāuk āwukwunik; ke keeswāwini̔k k’ o̔che nisseto̔takoosin. 74Ākose ākwa ka muche itwāt mena ke̔che itwāt, omisse, Numoweya ne kiskāyimaw āwuko napāo. Ākose sāmak pakaha̔kwan kitoo. 75Ākose Peter kiskissoopuyew ā ke itwāyit Jesus, weya ā ke̔ itikoot, Ā moyā kitoot pakaha̔kwan, ke ga katan nistwaw ā wechāweyun. Ākose wuyowew, nutowe matoo mistahā.

Currently Selected:

OO MEYO ACHIMOOWIN ST MATTHEW 26: CSW

Highlight

Copy