OO MEYO ACHIMOOWIN ST MATTHEW 21

PISKE̔TUSSINA̔HIKUN XXI.

1Ākose ispe kissewak ā e̔tatchik Jerusalem, mena wātee̔tu̔kik Bethphage, wutchee̔k Olives, ākose isitissa̔wāo Jesus nesoo kiskino̔humowakuna, 2Omisse itāo, Itoo̔tāk nāma otānow ke nekanimewa̔k, ākose ke ga miskowawaw soosoowustim ā tu̔koopisoot, ā wechāwat ayesisa: apa̔hoo̔kook, ākose pātoowik. 3Keespin oweyuk nantow itikooyākoo, omisse ke ga itwanawaw, ka Tipāye̔chekāt nutowāyimāo; ākose kā pukitinat. 4Ka̔keyow oma ke̔ tochekatāo, kitta tipepuyik ā ke̔ itwāt ookiskewāhikāo, omisse, 5We̔tuma̔k oo tanisa Sion, Makowa, ke Ke̔che Ookemam ka pā natisk, yoospisseew, mena tā̔tuppewsoosoowustimwa, mena soosoowuschimoosa Oot owasimisa soosoowustim. 6Ākose kiskino̔humowakunuk itoo̔tāwuk, mena totumwuk Jesus ka ke̔ itussoowatikootchik, 7Mena pāsewāwuk soosoowustimwa, mena soosoowuschimoosa, ākose tā̔tustawāwuk oot ayoowinisewawa, mena tā̔ta̔yāwuk. 8Ākose naspitch ā oosamāyutit ayiseyinew unaskāwuk māskuna̔k oot ayoowinisewawa; kotukuk wuti̔kwuna munewāpa̔humwuk mistikoo̔k o̔che, ākose unaskā̔tetawuk māskuna̔k. 9Ākose ayiseyinewuk ka nekanoo̔tātchik, mena unekee octa̔k ka ayatchik, omisse itwāwuk, Hosanna oo Koosisa David: Meyo ayaw una ka tukoosee̔k oo we̔yoowini̔k ka Tipāye̔chekāyit; Hosanna mawutche ke̔che ayewini̔k. 10Ākose ispe tākoosee̔k Jerusalemi̔k, ka̔keyow itta āyatchik wawanāye̔tumwuk, omisse itwāwuk, Owāna owa? 11Ākose ayiseyinewuk omisse itwāwuk, Āwuko owa Jesus ookiskewāhikāo Nazareth Galilee.

12Ākose Jesus pee̔tokwāo oo ke̔che ayumehāwekumikoo̔k Muneto, ākose wuyowetissawāo ka̔keyow unehee ka utawakāyit mena ka utawāyit ke̔che ayumehāwekumikoo̔k, mena ke̔ peewa̔pinumwāo oo mechesoowina̔tikooyewa unehee ka meeskootoonayit ayu̔ch sooneyawa, mena oot uppewinewawa unehee ka utawakāyit oome̔mewa, 13Mena omisse itāo, Omisse itustāo, Ayumehāwekumik kitta isseni̔katāo ne waskahikun; maka kimootiskuk oo watewaw ke ke̔ isse̔tanawaw. 14Ākose āka wapewuk mena āka ne̔tahoo̔tāwuk pāche natik ke̔che ayumehāwekumikoo̔k; ākose pimachehāo.

15Ākose ispe ke̔che Ayumehāwekemawuk mena ka mussinahu̔kik ooyussoowāwina weäpu̔tu̔kik mamuskach kākwi ā totumeyit, mena unehee owasisa ā itwāwā̔tayit ke̔che ayumehāwekumikoo̔k, omisse ā itwāyit, Hosanna weya David oo Koosisa; naspitch numma na̔āye̔tumwuk, 16Ākose omisse itāwuk, Ke pā̔towawuk che okoo ka itwātchik? Ākose Jesus omisse itāo, Āhā; numma che we̔kach ket ayume̔tanawaw, oo tooneyi̔k upistowasisa mena oonoo̔toowa ke̔ kuske̔taw oo mume̔chimikoowin.

17Ākose nukutāo, nukutum āwuko ke̔che waskahikun Bethany itoo̔tāo: ākose ākota ayaw. 18Ākose ā kākesāpayayi̔k mena ā natu̔k ke̔che waskahikun, we̔ mechesoo. 19Ākose ā wapumat meenisa̔tikwa māskuna̔k, utte natāo, maka numoweya kākwi miskum ākota, piko nepeeä, ākose omisse itāo, Ākaweya we̔kach meenisa kitta ne̔tawekinwa ākota mistikoo̔k. Ākose sāmak owa meenisa̔tik utte pasoot. 20Ākose ispe kiskino̔humowakuna weäpu̔tu̔kik, mamuskatumwuk, omisse itwāwuk, Tapwā weputch utte pasoo owa meenisa̔tik! 21Jesus nuskwāwusehāo mena omisse itāo, Ne tapwan ka ititukook, keespin ket ayanawaw tapwā̔tumoowin, mena āka sakwāyimooyākoo, numoweya piko oma ke ga totānawaw ka itota̔t owa meenisa̔tik, maka a̔po̔cheka keespin omisse itumāk oma wutche, Ke ga ākutayan, mena wenepākoo̔k ke ga issewāpinikowin; kitta tochekatāo. 22Mena ka̔keyow kākwi, piko kākwia kā nutootumayāk ā ayumehayāk, ā tapwā̔tumāk maka, ke gah o̔tinānawaw.

23Ākose ispe ka pee̔tokwāt ke̔che ayumehāwekumikoo̔k, okoo ke̔che ayumehāwekemawuk mena kissāyine̔katu̔kik pā natāwuk ā kiskino̔humakāyit, mena omisse itāwuk, Kākwi ka o̔che totumun ohoo? mena owāna ka meeyisk oma kitta ke̔ totumun? 24Ākose Jesus nuskwāwusehāo mena omisse itāo, Neesta ke ga kukwāchimitinawaw pāuk kākwi, keespin ke̔ we̔tumoweyākoo, Neesta ke ga we̔tumatinawaw tantā wā̔che kuske̔tayan ohoo kākwia. 25Oo seekaha̔takāwin John, tantā wā̔cheeyik? ke̔che kesikoo̔k, a̔po che ayiseyinewa? ākose kemooch ayumehitoowuk, omisse, Keespin ata omisse itwāya̔koo, Ke̔che kesikoo̔k o̔che; omisse ke ga itikoonow, Tanā̔ka maka numma ke ke̔ tapwā̔towawaw? 26Maka keespin omisse itwā̔yu̔koo, Ayiseyinewa; ke koostanowuk ayiseyinewuk; weya ka̔keyow John ookiskewahikāwew ā itwātchik. 27Ākose nuskwāwusehāwuk Jesus, omisse itwāwuk, Numoweya ne ke̔ we̔tanan. Ākose omisse itāo, Neesta numoweya ke ga we̔tumatinawaw tantā wā̔tinuman ka totuman ohoo kākwia.

28Maka tanse ā itāye̔tumāk? Pāuk una napāo neseyewa oo koosisa; ākose unehee nistum omisse itāo, Ne Koosā, nutowe utooskā ka kesikak ne meenisa̔tikoo kistekani̔k. 29Nuskwāwussehāo omisse itāo, Numoweya ne ga itoo̔tan: maka ke̔ me̔tatum, ākose itoo̔tāo. 30Ākose pāche natāo kotuka, ākose neesta itāo. Ākose nuskwāwusehāo omisse itwāo, Ne ga itoo̔tan: maka numoweya itoo̔tāo. 31Tanuna unima ā nesitchik ka totumwat ā isse nutowāyimikoot o̔taweä? omisse itāwuk, Una issa nistum. Jesus omisse itāo, Ne tapwan ka ititukook, weyawaw publicanuk mena oopisikwatisuk nekan pee̔tokwāwuk Kissā Muneto ootānowini̔k ispee̔ch keyawaw. 32Weya John ā ke̔ pā natikooyāk kwiusk itatissewini̔k isse, maka numoweya ke ke̔ tapwā̔towawaw: maka weyawaw publicanuk mena oopisikwatisuk ke̔ tapwā̔towāwuk: ākose keyawaw, ā ata wapu̔tumāk, numoweya ke ke̔ me̔tatānawaw, kitta ke̔ tapwā̔towāk.

33Nutoo̔tumook kotuk uspahakāmoowin: Pāuk una ā tipāye̔tu̔k waskahikun, ke̔ ooyuskee̔taw meenisa̔tikoo kistekan, mena kippa̔hum missewā waska, ākose moonati̔kāo itta meenisapoë kitta o̔che kowe̔tat, mena chimutaw ā ispayik ussowapewin, ākose owehāo ookistekāwe napāo, ākose sipwā̔tāo petoos uskee̔k itoo̔tāo: 34Ākose ispe ka ne̔tawekee̔kee meenisa eyekoo̔k kissewak wāche̔chepuyeyik, isitissa̔wāo oot utooskāyakuna ookistekāwe napāwa, kitta natayit kitta o̔tinu̔kik meenisa itta o̔che. 35Ākose ookistekāwe napāwuk otināwuk oot utooskāyakuneyewa, ākose pāuk ootama̔wāwuk, mena nippa̔hāwuk kotuka, mena pupimwussinahāwuk kotuka. 36Ākose mena, isitissawāo kotuka utooskāyakuna nowutch me̔chāt ispee̔ch nistum: ākose kāyapitch ka totowatchik āwukwunee. 37Maka iskwayani̔k oo Koosisa isitissawāo, omisse ā itwāt, Yukumāka kā kistāyimatchik ne Koosisa. 38Maka ispe ookistekāwe napāwuk weäpumatchik oo koosiseyewa, omisse ititoowuk, āwuko owa kā utte uniskā tipāye̔tu̔k; ma̔te, nippa̔hatan, ākose otinumasoowatan unima oo ga ke̔ aya̔ty. 39Ākose otināwuk, mena wuyowe wāpināwuk meenisa̔tikoo kistekani̔k, utte isse nippa̔hāwuk. 40Una Tāpāye̔tu̔k meenisa̔tikoo kistekan ispe tukoosee̔ke, tanse kā totowat ohoo ookistekāwe napāwa? 41Omisse itāwuk, Kitta nissewunachehāo ohoo muche ayiseyinewa, ākose kotuka ookistekāwe napāwa, kitta owehāo oo meenisa̔tikoo kistekan, kitta meeyikoot meenisa eyekoo̔k utee̔tāyikee. 42Jesus omisse itāo, Nummawe̔kach na ket ayume̔tanawaw ke̔che mussinahikuni̔k, Una ussinee ka atowāyimee̔t, āwuko kekāya̔k kista̔yaw: āwuko oma Tāpāye̔chekāt ā totu̔k, kitta ke̔ maka mamuskasapisinu̔k? 43Āwuko o̔che ka ititukook, Kissā Muneto otānowewin ke ga muskumikowinawaw, ākose kitta meeyawuk kotukuk ayiseyinewuk kā nookoo̔tatchik itta ā itatissitchik. 44Keespin oweyuk pu̔kissi̔ke ākota ussinee̔k kitta peekoosin: maka oweyuk tussoosootche, kitta peesepooyik tapiskooch pi̔koo. 45Ākose ispe okoo Ke̔che Ayumehāwekemawuk mena Phariseewuk ka pā̔tu̔kik oot uspahakāmoowina, kiskāye̔tumwuk weyawaw ā itikootchik. 46Maka ā ata nutoonu̔kik kitta otinatchik, koostāwuk ookistukāwe ayiseyinewa, chikāma ookiskewāhikāo ā itāyimayit.

Currently Selected:

OO MEYO ACHIMOOWIN ST MATTHEW 21: CSW

Highlight

Copy