OO MEYO ACHIMOOWIN ST MATTHEW 15

PISKE̔TUSSINA̔HIKUN XV.

1Ākose pā natāwuk Jesusa ka mussinahu̔kik ooyussoowāwina mena Phariseewu̔k, Jerusalemi̔k o̔che, omisse itāwuk, 2Tanā̔kā ke kiskino̔humowakunuk peekoonumwuk oot isse̔twawineyew kāsāyane̔katumeyit? āka ka keseepākinu̔kik oo chee̔cheewawa wa̔ mechesootwawe. 3Maka nuskwāwusehāo omisse itāo, Tanā̔kā maka neesta ke peekoonumwanawaw ooyussoowawin Muneto ket isse̔twawinewaw o̔che? 4Weya Kissā Muneto ā itussoowāt, omisse, Kistāyim k’ o̔tawe mena ke kawe: mena oweyuk muche itatche o̔taweä a̔po oo kaweä, kitta nippa̔haw. 5Maka keyawaw ā itwāyāk, Keespin oweyuk omisse itatche o̔taweä a̔po oo’ kaweä, Mākewin unne, piko itta ke ga ke̔ o̔che aputche̔itte; 6Ākose āka kistāyimatche o̔taweä a̔po oo’ kaweä, kitta tipāyimissoo. Ākose oma ka isse peekoonumwā̔k ooyussoowāwin Kissā Muneto ket isse̔twawinewaw o̔che. 7O wuyāsehissoowuk, tasipwa Esaias ā kiskewāhikāt, ke̔ itikooyāk, 8Okoo ayiseyinewuk ne pā natikwuk oo toonewawa o̔che, mena ne kistachimikwuk oo toonewa̔k; maka oo tā̔ewawa wa̔yow ayayew. 9Maka pukwunuta tapwā ka putuppeestowitchik, ā kiskino̔hamakātchik ayumehawin eyinewe isse̔twawin o̔che.

10Nutoomāo ookistukāwe ayiseyinewa, omisse itāo, Nutoo̔tumook, mena nisseto̔tumook: 11Numoweya unima ka pee̔chepuyik oo tooni̔k ka nissewunachehikoot ayiseyinew; maka unima ka mooskinu̔k oo tooni̔k o̔che, awuko nissewunachehik ayiseyinew. 12Ākose pā natik oo kiskino̔humowakuna, omisse ā itikoot, Ke kiskāye̔tān che Phariseewuk ā ke̔ nayā̔tawe̔tu̔kik, ka pā̔tu̔kik āwuko? 13Maka nuskwāwusehāo omisse itāo, Tu̔to a̔tuskechekun, ke̔che kesikoowe n’ O̔tawe āka ā o̔che chimutat, kitta munepitchekatāo. 14Keeyam kitta e̔tewuk: āka ā wapu̔tumatchik kiskino̔tahāwuk āka ā wapeyit. Keespin maka āka ā wapit oweyuk kiskinoo̔tahatche āka ā wapeyit, tapiskooch kitta pu̔kissinwuk sepee̔kani̔k. 15Ākose Peter nuskwāwusehāo omisse itāo, We̔tumowinan oma uspahakāmoon. 16Ākose Jesus omisse itāo, keyawaw che mena numma k’ oonisseto̔tumoowininawaw? 17Numa āskwa che ke nisseto̔tānawaw, tu̔to kākwi ka suskumoo̔k utte pee̔chepuyew muta̔k, ākose mena utte wuyowepuyik? 18Maka weya unehee me’ tooni̔k ka o̔che mooskinekatākee me’ tā̔i̔k o̔chepuyewa; ākose ka nissewunachehikoot ayiseyinew. 19Weya me’ tāi̔k o̔chepuyikee muche mitoonāye̔chekuna, nippa̔hitoowina, mamowe̔toowina, pissikwatissewina, kimootewina, keyaskewina, muche peekisk wāwina: 20Āwukwunee ohoo ka nissewunachehikoot ayiseyinew: maka weya kitta mechesoot āka ā o̔che keseepākinu̔k oo chee̔cheea numoweya āwuko nissewunachehik ayiseyinew.

21Ākose Jesus nukutum ākota, itoo̔tāo itta Tyre mena Sidon. 22Ākose, pāuk iskwāwa Canaan ā o̔cheeyit ākota kāyapitch ā o̔to̔tāyit, ākose nunutoomik, omisse itik, Kissāwatotowin, O ka Tipāye̔chekun, David oo Koosisa; ne tanis naspitch kukwatukehik muche a̔cha̔kwa. 23Maka numma wawach pāuk ayumewin kitootāo. Ākose oo kiskino̔humowakuna pāche pukoosāyimik, omisse itik, Kewatissa; ke noosowetāpwatikoonow. 24Maka nuskwāwusehāo omisse itāo, piko unekee oowunehoo mayutchi̔kwuk oot owasimisa Israel ka pā natukik. 25Ākose peāche putuppeestowat, omisse ā itwāt, ka Tipāye̔chekāyun, wechehin. 26Maka nuskwāwusehāo omisse itāo, Numoweya meywasin kitta otinimee̔t owasisuk oot ayu̔koonamewawa, ākose kitta wāpinuma̔tchik utimwuk. 27Ākose omisse itwāo, Tapwā ka Tipāye̔chekāyun: āyewā̔k maka utimwuk mechewuk pewa̔chekuna ka pu̔ke̔tineyikee ookemamewawa oo mechesoowina̔tikooyi̔k. 28Ākose Jesus nuskwāwusehāo omisse itāo, O iskwāo, kistun tapwā ke tapwātumoowin: ke ga isse ayan ka isse nutowāye̔tumun. Ākose oo tanisa pimachehimawa āwuko mākwach tipa̔hikun.

29Ākose Jesus nukutum ākota, mena pāche ayaw kissewak wenepākoo̔k Galilee; ākose koospamuchewāo wutchee̔k, ākose itta uppew. 30Ākose ookistukāwe ayiseyinewuk pāche natāwuk, ā ayawatchik unehee āka ā ne̔tahootāyit, āka ā wapeyit, āka ā ne̔tawāyit, ā maskisseyit, mena me̔chāt kotuka, utte a̔yāwuk Jesus oo siti̔k; ākose pimachehāo: 31Peyis ookistukāwe ayiseyinewuk mamuskatumwuk, ā wapumatchik āka oone̔tawāwa ā ayumeyit, oomaskissewa ā meyo ayayit, āka oone̔taootāwa ā pupamoo̔tāyit, mena āka oowapewa ā na̔apeyit: ākose mume̔chimāwuk oo Munetooma Israel.

32Ākose Jesus nutoomāo oo kiskino̔humowakuna, omisse itāo, Ne kitimakinowawuk okee ookistukāwe ayiseyinewuk, weya ākwa nistoo kesikaw ā wechāwitchik, ākose āka ā mechesootchik: numoweya ne ga kewātissa̔wawuk āka ā o̔che mechesootchik, kakayā weya noo̔tow kitta noo̔tāsinwuk. 33Ākose oo kiskino̔humowakuna omisse itik, Tantā kā otinu̔k eyekoo̔k mistahā pu̔kwāsekun ota pukwuchayi̔k, kā ke̔ keespooyu̔kook okoo ka isse osam āyutitchik ayiseyinewuk? 34Maka Jesus omisse itāo, Tantu̔to peeswā ayu̔konawuk āyawā̔kook? Ākose omisse itāwuk, Tāpukoo̔p, mena atee̔t kinoosāsisuk. 35Ākose itussoowatāo ookistukāwe ayiseyinewa kitta na̔uppeyit moo̔chee̔k. 36Ākose otināo unehee tāpukoo̔p peeswā ayu̔konawa mena kinoosāwa, ākose nunaskoomoo, mena pu̔kwānāo, utte meeyāo oo kiskino̔humowakuna, mena kiskino̔humowakunuk matinumowāwuk ookistukāwe ayiseyinewa. 37Ākose ka̔keyow ke̔ mechesoowuk, mena ke̔ keespoowuk: ākose mawusukoonumwuk iskwa̔chekuna tāpukoo̔p wuttupewuta sakuskin. 38Unekee ka ke̔ mechesootchik nāoo ke̔che meta̔too metunoo itussewuk napāwuk, ussitche iskwāwuk mena owasisuk. 39Ākose kewātissa̔wāo ohoo ookistukāwe ayiseyinewa, ākose poosew, pā missukaw ākota Magdala.

Currently Selected:

OO MEYO ACHIMOOWIN ST MATTHEW 15: CSW

Highlight

Copy