OO MEYO ACHIMOOWIN ST MATTHEW 1

PISKE̔TUSSINA̔HIKUN I.

1Mussina̔hikun itta ä we̔tumee̔k ka pā uniskā o̔cheet Jesus Christ, David oo koosisa, Abraham oo koosisa. 2Abraham ke̔ ne̔tawekehāo Isaac; mena Isaac ke̔ ne̔tawekehāo Jacob; mena Jacob ke̔ ne̔tawekehāo Judas mena oo chewameyewa; 3Mena Judas ke̔ ne̔tawekehāo Phares ussitche Zara Thamara o̔che; mena Phares ke̔ ne̔tawekehāo Esrom; mena Esrom ke̔ ne̔tawekehāo Aram; 4Mena Aram ke̔ ne̔tawekehāo Aminadab; mena Aminadab ke̔ ne̔tawekehāo Naason; mena Naasson ke̔ ne̔tawekehāo Salmon; 5Mena Salmon ke̔ ne̔tawekehāo Booz Rachaba o̔che; mena Booz ke̔ ne̔tawekehāo Obed Rutha o̔che; mena Obed ke̔ ne̔tawekehāo Jesse; 6Mena Jesse ke̔ ne̔tawekehāo David ka ke̔ Ke̔che Ookemawit; mena David ka ke̔ Ke̔che Ookemawit ke̔ ne̔tawekehāo Solomon unehee ka ke̔ weeweyit Uriasa o̔che; 7Mena Solomon ke̔ ne̔tawekehāo Roboam; mena Roboam ke̔ ne̔tawekehāo Abia; mena Abia ke̔ ne̔tawekehāo Asa; 8Mena Asa ke̔ ne̔tawekehāo Josaphat; mena Josaphat ke̔ ne̔tawekehāo Joram; mena Joram ke̔ ne̔tawekehāo Ozias; 9Mena Ozias ke̔ ne̔tawekehāo Joatham; mena Joatham ke̔ ne̔tawekehāo Achaz; mena Achaz ke̔ ne̔tawekehāo Ezekias; 10Mena Ezekias ke̔ ne̔tawekehāo Manasses; mena Manasses ke̔ ne̔tawekehāo Amon; menah Amon ke̔ ne̔tawekehāo Josias; 11Mena Josias ke̔ ne̔tawekehāo Jechonias mena oo chewameyewa, nantow ākospe ka itoo̔tahee̔tchik Babyloni̔k: 12Ākose ka pasee̔tchik Babyloni̔k, Jechonias ke̔ ne̔tawekehāo Salathiel; mena Salathiel ke̔ ne̔tawekehāo Zorobabel; 13Mena Zorobabel ke̔ ne̔tawekehāo Abiud; mena Abiud ke̔ ne̔tawekehāo Eliakim; mena Eliakim ke̔ ne̔tawekehāo Azor; 14Mena Azor ke̔ ne̔tawekehāo Sadoc; mena Sadoc ke̔ ne̔tawekehāo Achim; mena Achim ke̔ ne̔tawekehāo Eliud; 15Mena Eliud ke̔ ne̔tawekehāo Eleazar; mena Eleazar ke̔ ne̔tawekehāo Matthan; mena Matthan ke̔ ne̔tawekehāo Jacob; 16Mena Jacob ke̔ ne̔tawekehāo Joseph Mary oo napāma Jesus ka oo kaweet, Christ ka isseni̔kasoot. 17Āwuk’ o̔che maka Abraham o̔che peyis David isko nāösap metatu̔twaw uniskā ne̔tawekehitoowuk; mena David o̔che peyis eyeko̔ok ka itoo̔tahee̔tchik Babyloni̔k nāösap metatu̔twaw uniskā ne̔tawekehitoowuk; mena ka itoo̔tahee̔tchik Babyloni̔k peyis eyekoo̔k Christ nāösap metatu̔twaw uniskā ne̔tawekehitoowuk.

18Ākwa oo ne̔tawekewin Jesus Christ omisse ke̔ e̔kineyew: Oo kaweya Marywa assi ā ke̔ kiskemayit Josepha, ā moyā wechā̔tooyit, assi kwyach oot ayawa owasisa ka Kunatissit A̔cha̔k o̔che. 19Ākose Josepha oo napama, kwiusk ā itatissit napāo, mena āka ā itāye̔tu̔k kitta ayimehat ka̔keyow kitta kiskāye̔tumoo̔t, ke̔ itaye̔tum kitta pukitinat kemooch. 20Maka mākwach ā mamitoonāye̔tu̔k āwuko, wā̔che otee̔tikoot oot utooskāyakuneyewa ka Tipāye̔chekāyit ā powatu̔k, omisse itik, Joseph, David oo koosisa, ākaweya koosta kitta otinumasooyun Mary ke’wa: unehee ka kekeskowat ka Kunatisseyit A̔cha̔k o̔che. 21Ākose kitta ne̔tawekehāo oo koosisa, Jesus ke ga isseni̔katimawa: weya kitta pimachehat oot eyineema oo muche̔tewineyee̔k o̔che. 22Ākose tapwā ka e̔kee̔k, kitta tipepuyeyik ā ke̔ itwāhat ka Tipāye̔chekāt oo kiskewāhikāwa, omisse, 23Ooskeneekiskwāo owasisa kitta ayawāo, mena kitta oo koosisew Emmanuel maka kitta isseni̔katāwuk, āwuko unne, Kissā Muneto ke wechākoonow ā itwanik. 24Ākose Joseph ā kooskooskat ke̔ totum ka ke̔ itikoot oot utooskāyakuneyewa ka Tipāye̔chekāyit, ākose otinumasoo we’wa: 25Mena numoweya o̔che kiskāyimāo peyis eyekoo̔k ka ne̔tawekehat oo nistum oosana: ākose Jesus isseni̔katāo.

Currently Selected:

OO MEYO ACHIMOOWIN ST MATTHEW 1: CSW

Highlight

Copy