ရူဝ်းမႃႉ 16

ၵႂၢမ်းတူင်ႉတၵ်ႉၸိူဝ်းၸဝ်ႈဝဵင်းရူဝ်းမႃႉ

1 ၽီႉပေႇၼွင်ႉယိင်းႁဝ်း ဢၼ်ပဵၼ်မႄႈယိင်းပွင်ၸိူဝ်းၸဝ်ႈ ၼႂ်းဝဵင်းၵိၼ်ႇၶျေႇၼၼ်ႉၸိုင် ၵဝ်ၶႂ်ႈႁႂ်ႈၶဝ်ႈပႃးၼႂ်းသူ၊- 2လွင်ႈၼင်ႇႁိုဝ် သူတၵ်းထွၵ်ႈလူၺ်ႈၸဝ်ႈၽြႃးလႄႈႁပ်ႉတုင်းဢဝ်မၼ်း ၵႃႈၼင်ႇဢၼ်ၵူၼ်းမူတ်းၸၢင်ႇတင်းလၢႆ ထုၵ်ႇလီႁဵတ်းၼၼ်ႉ ဢိၵ်ႇတင်းလွင်ႈၼင်ႇႁိုဝ်သူတၵ်းၸွႆႈထႅမ်မၼ်း ၼႂ်းၵႃႈဢၼ်မၼ်းတၵ်းလူဝ်ႇတၢင်းဢၼ်ၸွႆႈဢၼ်ထႅမ်ၼၼ်ႉဢေႃႈ။ လွင်ႈမၼ်းၸမ်ႉ မၼ်းပဵၼ်ၵေႃႉဢၼ်ၸွႆႈထႅမ်တီႈၵူၼ်းၼမ်ၼႃႇ ဢိၵ်ႇတင်းတီႈၵဝ်ဢေႃႈ။

3တၵ်ႉလၢတ်ႈပျိတ်ႉၵီႉလႃႉ တင်းဢႃႇၵူႉလႃႉ ဢၼ်ပဵၼ်ၵေႃႉဢၼ်ပွင်ႁဵတ်းဢမူႉယေႇသူႉၶရိၸ်ႈ ႁူမ်ႈၵၼ်တင်းၵဝ်၊- 4ဢၼ်ပဵၼ်ၵေႃႉဢၼ် ဝၢင်းပၼ်ၶေႃးတူဝ်ၸဝ်ႈၵဝ်ႇဝႆႉပုၼ်ႈဢသၢၵ်ႈၵဝ်ၼၼ်ႉတႃႉ။ ၶဝ်မီးၵျေးၸူးဢေႃႈ ဝႃႈၼႆ ၵဝ်ၵေႃႉလဵဝ်ၵူၺ်းႁပ်ႉတုင်းဢဝ်ဢမ်ႇၸႂ်ႈ။ ၸိူဝ်းၸဝ်ႈဢၼ်ၸၢပ်ႈသႅင်ႇၵၼ်တင်းၵူၼ်းတၢင်ႇၸိူဝ်ႉတၢင်ႇၶိူဝ်းၵႃႈမီးတင်းသဵင်ႈတင်းလူင်ၼၼ်ႉ ႁပ်ႉတုင်းဢဝ်ယူႇဢေႃႈ။- 5ၸိူဝ်းၸဝ်ႈဢၼ်မီးၼႂ်းႁိူၼ်းၶဝ်ၼၼ်ႉၵေႃႈတၵ်ႉလၢတ်ႈတႃႉ။ တၵ်ႉလၢတ်ႈ ဢေႇပေႇၼိတ်ႉ ၵေႃႉဢၼ်ၵဝ်ႁၵ်ႉ၊ ဢၼ်ပဵၼ်မၢၵ်ႇဢၼ်မၢၵ်ႇဢွၼ်တၢင်းပိူၼ်ႈပုၼ်ႈၸဝ်ႈၶရိၸ်ႈ ၼႂ်းမိူင်းဢႃႇသီႉၼၼ်ႉတႃႉ။

6တၵ်ႉလၢတ်ႈမႃႇရီႉ ဢၼ်ၵျူဝ်းၸႃးလႄႈပွင်ႁဵတ်းဢမူႉႁဝ်းၼၼ်ႉတႃႉ။- 7တၵ်ႉလၢတ်ႈ ဢၼ်ႇတြေႃးၼိတ်ႉ တင်းယူႉၼီႉ ဢၼ်ပဵၼ်ၸိူဝ်ႉၶိူဝ်းၵဝ်၊ ဢၼ်လႆႈၶၢမ်ႇတူၵ်းၵိၼ်းလူၺ်ႈၵၼ်တင်းၵဝ်၊ ဢၼ်ပဵၼ်ၵေႃႉဢၼ်ၸိုဝ်ႈဢွၵ်ႇသဵင်ဢွၵ်ႇၼႂ်းတမၢၼ်ႇၸဝ်ႈတင်းလၢႆ၊ ဢၼ်မီးၼႂ်းၸဝ်ႈၶရိၸ်ႈဢွၼ်တၢင်းၵဝ်ၼၼ်ႉတႃႉ။

8တၵ်ႉလၢတ်ႈ ဢမ်ႇပလီႉ ၵေႃႉဢၼ်ၵဝ်ႁၵ်ႉၼႂ်းၸဝ်ႈၽြႃးၼၼ်ႉတႃႉ။

9တၵ်ႉလၢတ်ႈ ဢူႉရၽၢၼ်ႇ ဢၼ်ပွင်ႁဵတ်းဢမူႉၸဝ်ႈၶရိၸ်ႈလူၺ်ႈၵၼ်တင်းႁဝ်း ဢိၵ်ႇတင်း သႃႇတႃႇၶူႉ ဢၼ်ၵဝ်ႁၵ်ႉၼၼ်ႉတႃႉ။

10တၵ်ႉလၢတ်ႈ ဢပေႇလေႇ ဢၼ်ၸဝ်ႈၶရိၸ်ႈထုၵ်ႇၸႂ်ၵျိူၵ်ႈၸႂ်ၼၼ်ႉတႃႉ။ တၵ်ႉလၢတ်ႈၵူၼ်းႁိူၼ်းၵူၼ်းယေးဢႃႇရိတ်ႉတေႃႇပူႉလူႉၼၼ်ႉတႃႉ။

11တၵ်ႉလၢတ်ႈ ႁေႇရူဝ်းတရၼ်ႇ ဢၼ်ပဵၼ်ၸိူဝ်ႉၶိူဝ်းၵဝ်ၼၼ်ႉတႃႉ။ ၼႂ်းၵူၼ်းႁိူၼ်းၵူၼ်းယေး ၼႃႇၵီႉသူႉၼၼ်ႉ တၵ်ႉလၢတ်ႈၶဝ်ၸိူဝ်းဢၼ်မီးၼႂ်းၸဝ်ႈၽြႃးၼၼ်ႉတႃႉ။

12တၵ်ႉလၢတ်ႈ တရူႉၽေႇၼီႉ တင်းတရူႉၽူဝ်းသႃႉ မႄႈယိင်းဢၼ် ပွင်ႁဵတ်းဢမူႉၸဝ်ႈၽြႃးၼၼ်ႉတႃႉ။ တၵ်ႉလၢတ်ႈ ပေႇရူႉသီႉ မႄႈယိင်းဢၼ်လီႁၵ်ႉ၊ ဢၼ်ပွင်ႁဵတ်းဢမူႉၸဝ်ႈၽြႃးၼႃႇလူင်လၢင်ၼၼ်ႉတႃႉ။

13တၵ်ႉလၢတ်ႈ ရူႉၽူႉ ဢၼ်ၸဝ်ႈၽြႃးလိူၵ်ႈၵဵပ်းဢဝ် ဢိၵ်ႇတင်းမႄႈမၼ်း ဢၼ်ဝႃႈမႄႈၵဝ်ၼၼ်ႉတႃႉ။

14တၵ်ႉလၢတ်ႈ ဢႃသုၼ်ႇၵရိတ်ႉ၊ ၽလေႇၵုၼ်ႇ၊ ႁေႇရမိတ်ႉ၊ ပတ်ႉရေႃးပႃႉ၊ ႁေႇရမတ်ႉ ဢိၵ်ႇတင်း ပီႈၼွင်ႉတင်းလၢႆဢၼ်ယူႇလူၺ်ႈၵၼ်တင်းၶဝ်ၸိူဝ်းၼၼ်ႉတႃႉ။

15တၵ်ႉလၢတ်ႈ ၽီႉလေႃးၵုတ်ႉ၊ ယူႉလီႉ၊ ၼေႇရူႉ၊ တင်းၼွင်ႉယိင်းမၼ်းတင်း ဢေႃးလုမ်ႇပႃႉ ဢိၵ်ႇတင်းၵူၼ်းမူတ်းၸၢင်ႇတင်းလၢႆ ၵႃႈဢၼ်ယူႇလူၺ်ႈၵၼ်တင်းၶဝ်ၸိူဝ်းၼၼ်ႉတႃႉ။

16ၵေႃႉၼိုင်ႈလႄႈၵေႃႉၼိုင်ႈ ႁဵတ်းတင်းတၢင်းၼူမ်ဢၼ်မူတ်းၸၢင်ႇသေလႄႈ တၵ်ႉလၢတ်ႈၵၼ်တႃႉ။ ၸိူဝ်းၸဝ်ႈၸဝ်ႈယေႇသူႉၶရိၸ်ႈၵႃႈမီးတင်းသဵင်ႈတင်းလူင်ၼႆႉ တၵ်ႉၼၢႆသူဢေႃႈ။

ၵႂၢမ်းသင်ႇသွၼ်လိုၼ်းသုတ်း

17ပီႈၼွင်ႉၶဝ်ဢိူၺ်း၊ မၢတ်ႈတွင်းဝႆႉ ၶဝ်ၸိူဝ်းဢၼ်ၸၢင်ႈႁဵတ်းလွင်ႈတၢင်းဢၼ်ၽႄၵိူင်းၶႂၢႆးၵိူင်း လွင်ႈတၢင်းဢၼ်ၽိတ်းပိူင်ႈတင်းလၢႆ ဢၼ်ၶတ်းၵၼ်တင်း တၢင်းဢၼ်သင်ႇဢၼ်သွၼ် ဢၼ်သူလႆႈၶၢမ်ႇယဝ်ႉၼၼ်ႉသေလႄႈ ဝႄႈပႅတ်ႈတႃႉဝႃႈၼႆ၊ ၵဝ်ပၼ်သတီႉတီႈသူဢေႃႈ။- 18လွင်ႈမၼ်းၸမ်ႉ ၶဝ်ၸိူဝ်းဢၼ်ပဵၼ်ၸိူဝ်ႉၼင်ႇၼၼ်ၼၼ်ႉ ဢမ်ႇပွင်ဢမ်ႇႁဵတ်းဢမူႉၸဝ်ႈႁဝ်းၸဝ်ႈၶရိၸ်ႈ။ ပွင်ႁဵတ်းဢမူႉတွင်ႉၶဝ်ၵူၺ်းလႄႈ ၸၢင်ႈဢဝ်တင်းၵႂၢမ်းလေႃးၵႃႉဝၢတ်ႈ ဢိၵ်ႇတင်းၵႂၢမ်းဢၼ်ၸၢင်ႈၶျေႃးၸၢင်ႈဝွၼ်းၼၼ်ႉပႅတ်ႉလႅၼ် ၶဝ်ၸိူဝ်းဢၼ်ၸႂ်လီၸႂ်ငၢမ်းၼၼ်ႉဢေႃႈ။- 19ၵွပ်ႈပိူဝ်ႈလွင်ႈတၢင်းဢၼ် သူယုမ်ႇမၢတ်ႈထွမ်ႇဢဝ်ၼၼ်ႉ ၸွတ်ႇတူဝ်ႈၼႂ်းၵူၼ်းတင်းသဵင်ႈတင်းလူင်လႄႈ ၵဝ်မီးတၢင်းဢၼ်သိူဝ်းပျေႃႇယူႇဢေႃႈ။ ၼႂ်းဝႃႈၼၼ်သေၵေႃႈ ၵဝ်မီးဢလူဝ်ႇၶႂ်ႈႁႂ်ႈသူမီးပိင်ႇၺႃႇ ၼႂ်းတၢင်းဢၼ်လီလႄႈ ၵၢင်းလွတ်ႈတင်းဢပႅတ်ႈၼႂ်းတၢင်းဢၼ်ႁၢႆႉဢေႃႈ။- 20ဢမ်ႇႁိုင်ဢမ်ႇၼၢၼ်းၽြႃးပဵၼ်ၸဝ်ႈ ၸဝ်ႈတၢင်းၼိမ်ၼၼ်ႉ တၵ်းဢဝ်ၸႃႇတၢၼ်ႇၶိုတ်ႈႁႂ်ႈလႅဝ် ၵႃႈတႂ်ႈတိၼ်သူဢေႃႈ။ ႁႂ်ႈၵျေးၸူးၸဝ်ႈႁဝ်းယေႇသူႉၶရိၸ်ႈမီးၼိူဝ်သူ တင်းသဵင်ႈတင်းလူင်သေၵမ်းလူၺ်ႈ။ ဢႃႇမိၼ်ႇ။

21ၸႃႉၸဵမ်တီႉမေႃးသေႇ ဢၼ်ပွင်ႁဵတ်းဢမူႉၸဝ်ႈလူၺ်ႈၵၼ်တင်းၵဝ်လႄႈ၊ လူႉၵီႉ၊ ယႃႇသုၼ်ႇ၊ သေႃးသီႉပတႃႉဢၼ်ပဵၼ်ၸိူဝ်ႉၶိူဝ်းၵဝ်တင်းလၢႆၼႆႉ တၵ်ႉၼၢႆသူဢေႃႈ။

22ၵဝ်ၶႃႈ တေႇရတီႉ ဢၼ်တႅမ်ႈလိၵ်ႈၼႆႉ ထွၵ်ႈလူၺ်ႈၸဝ်ႈၽြႃးသေလႄႈတၵ်ႉၼၢႆသူၶႃႈဢေႃႈ။

23 ၵႃႇယူႉ ဢၼ်ၸၢင်ႈႁပ်ႉတုင်းဢဝ်ၵဝ်ဢိၵ်ႇတင်း ၵူၼ်းဢၼ်ၶဝ်ႈၸိူဝ်းၸဝ်ႈတင်းသဵင်ႈတင်းလူင်လႄႈ ႁဵတ်းဝၢတ်ႈၶႅၵ်ႇၼႆႉ တၵ်ႉၼၢႆသူဢေႃႈ။ ဢေႇရတ်ႉတူႉ ဢၼ်ဝႃႈ ၸရေးဝဵင်း၊ တင်းၼွင်ႉႁဝ်း ၵႂႃႇတူႉ ၸိူဝ်းၼႆႉ တၵ်ႉၼၢႆသူဢေႃႈ။- 24ႁႂ်ႈၵျေးၸူးၸဝ်ႈႁဝ်းယေႇသူႉၶရိၸ်ႈ မီးၼိူဝ်သူတင်းသဵင်ႈတင်းလူင်သေၵမ်းလူၺ်ႈ။ ဢႃႇမိၼ်ႇ။

ၵႂၢမ်းသူးတွင်းယွင်ႈယေႃးၸဝ်ႈၽြႃး

25ႁႂ်ႈၸဝ်ႈဢၼ်တၢတ်ႈၼိူင်ႇလႆႈ ႁႂ်ႈသူလႆႈမၼ်ႈၶိူင်ႇ ၵွပ်ႈပိူဝ်ႈတြႃးသတၢင်းသိူဝ်းပျေႃႇဢၼ်ဝႃႈ တၢင်းဢၼ်ႁေႃးလၢတ်ႈ လွင်ႈယေႇသူႉၶရိၸ်ႈ ဢၼ်မႅၼ်ႈၵၼ်တင်းၵျေးၸူး တၢင်းဢၼ်ၽုၺ်ႇဝႆႉတၢင်းဢၼ်လိုၵ်ႉဢၼ်လမ်ႇ ဢၼ်သိူင်ႇဝႆႉမႅပ်ႉဝႆႉၵၢပ်ႈၵႃႇလႃႉဢွၼ်ၼႆႉတဵမ်တဵမ်လႄႈ၊- 26တေႃႈလဵဝ်ၼႆႉၵေႃႈ ထၢင်ႇသႃးမႃးၼၼ်ႉလႄႈ ဢဝ်တင်းၵျၢမ်းလိၵ်ႈပရေႃးၽႅတ်ႈတင်းလၢႆ ၸွမ်းၼင်ႇပိင်းၺၢပ်ႈထႃႇဝရႃႉၽြႃးပဵၼ်ၸဝ်ႈ လႆႈၽုၺ်ႇဢွၵ်ႇၼႄပျႃး တီႈမဵဝ်းၵူၼ်းတင်းလၢႆ လွင်ႈၼင်ႇႁိုဝ် ၶဝ်တၵ်းယုမ်ႇမၢတ်ႈထွမ်ႇဢဝ်ၼၼ်ႉ၊- 27ဢၼ်ဝႃႈၽြႃးပဵၼ်ၸဝ်ႈ ဢၼ်ပျေႉၸုမ်ႇတင်းပိင်ႇၺႃႇသူႇလဵဝ်ၵူၺ်းၼၼ်ႉ မုၼ်ၽုင်းၸဝ်ႈယႂ်ႇၼႃႇ ၵွပ်ႈယေႇသူႉၶရိၸ်ႈ ၵူႈၵမ်ႇၽႃႇသိုပ်ႇသိုပ်ႇတၢမ်းတၢမ်းသေၵမ်းလူၺ်ႈ။ ဢႃႇမိၼ်ႇ။

လိၵ်ႈဢေႃးဝႃႇတႃႉရူဝ်းမႃႉယဝ်ႉယဝ်ႉဢေႃႈ။

Currently Selected:

ရူဝ်းမႃႉ 16: CBMS

Highlight

Copy