1 ၵေႃးရိၼ်ႇထူႉ 2

ၸဝ်ႈၶရိၸ်ႈလႆႈၶၢမ်ႇတွၵ်ႇႁွႆႈၼိူဝ်သဝ်

1ပီႈၼွင်ႉၶဝ်ဢိူၺ်း၊ မိူဝ်ႈဢၼ်ၵဝ်လႆႈႁွတ်ႈထိုင်တီႈဢၼ်သူမီးယဝ်ႉၼၼ်ႉၸိုင်ၵဝ်ဢဝ်တင်းၵႂၢမ်းဢၼ်မျၢတ်ႈလီ၊ တင်းပိင်ႇၺႃႇဢၼ်မျၢတ်ႈလီ၊ ၼႄပျႃးလွင်ႈသၢၵ်ႈသေႇၽြႃးပဵၼ်ၸဝ်ႈယူႇသေလႄႈႁွတ်ႈထိုင်ဢမ်ႇၸႂ်ႈ။- 2လွင်ႈမၼ်းၸမ်ႉ ၵႃႈၼႂ်းသူၼၼ်ႉ လိူဝ်သေယေႇသူႉၶရိၸ်ႈဢၼ်ဝႃႈ ၸဝ်ႈဢၼ်ၶၢမ်ႇတၢင်းတၢႆၵႃႈၼိူဝ်သဝ်လၵ်းဝႃးၵၢပ်ႈၼၼ်ႉၵူၺ်း၊ ၵဝ်ဢမ်ႇႁူႉဢမ်ႇတွင်းၵႃႈသင်ဝႃႈၼႆ ၵဝ်မီးတၢင်းဢၼ်ဝႆႉၸႂ်ဝၢင်းၸႂ်ယဝ်ႉ။- 3မိူဝ်ႈဢၼ်ၵဝ်မီးလူၺ်ႈၵၼ်တင်းသူၼၼ်ႉၸိုင်၊ ၵဝ်လႆႈမီးတၢင်းဢၼ်ႁႅင်းလဵၵ်ႉ၊ တၢင်းဢၼ်ၵူဝ်ၼႃႇ၊ တၢင်းဢၼ်သၼ်ႇၶွၼ်းဝႆႉယူႇဢေႃႈ။- 4ၼင်ႇႁိုဝ်တၢင်းယုမ်ႇမၢတ်ႈသူၼၼ်ႉတၵ်းဢမ်ႇတႄႇၵွပ်ႈပိူဝ်ႈပိင်ႇၺႃႇၵူၼ်းလႄႈ၊ တၵ်းတႄႇၵွပ်ႈပိူဝ်ႈတၼ်းၶူဝ်းၽြႃးပဵၼ်ၸဝ်ႈၸိုင်၊- 5ၵႂၢမ်းၵဝ်ဢိၵ်ႇတင်းတေႇသၼႃႇၵဝ်ၼၼ်ႉ မီးတင်းၵႂၢမ်းဢၼ်ၸူဝ်းဢဝ် ဢၼ်ၸၢပ်ႈသႅင်ႇၵၼ်တင်းပိင်ႇၺႃႇၵူၼ်းဢမ်ႇၸႂ်ႈ။ မီးတင်း ၼီႉမိၵ်ႈလၢၵ်ႈၶၼႃႇဝီႉၺိၺ်ႇၸဝ်ႈဢိၵ်ႇတင်းတၼ်းၶူဝ်းၸဝ်ႈဢေႃႈ။

ပိင်ႇၺႃႇၽြႃးပဵၼ်ၸဝ်ႈ

6ၼႂ်းဝႃႈၼၼ်သေၵေႃႈ ႁဝ်းႁေႃးလၢတ်ႈၵႂၢမ်းပိင်ႇၺႃႇတီႈၶဝ်ၸိူဝ်းဢၼ်ၸေးၸုမ်ႇၼၼ်ႉဢေႃႈ၊ မိူဝ်ႈဢၼ်ဝႃႈ ၸိူဝ်ႉၼင်ႇၼႆၸိုင်၊ ဢမ်ႇၶႂ်ႈဝႃႈပိင်ႇၺႃႇလေႃးၵီႇ။ ပိင်ႇၺႃႇၶုၼ်လေႃးၵီႇတင်းလၢႆ ဢၼ်ၸၢင်ႈၽူင်ႉယၢႆႈႁၢႆလၢႆၼၼ်ႉၵေႃႈဢမ်ႇၶႂ်ႈဝႃႈ။- 7ႁဝ်းႁေႃးလၢတ်ႈပိင်ႇၺႃႇၽြႃးပဵၼ်ၸဝ်ႈ ဢၼ်သိုင်ႇဝႆႉၼႂ်းတၢင်းဢၼ်လိုၵ်ႉဢၼ်လမ်ႇ ဢၼ်ဝႃႈပိင်ႇၺႃႇဢၼ်ၽြႃးပဵၼ်ၸဝ်ႈၸီႇယၢင်ႇဝႆႉ ၸူဝ်ႈၵမ်ႇၽႃႇဢမ်ႇပႆႇတႄႇဢမ်ႇပႆႇမီးၼၼ်ႉ ႁႂ်ႈပဵၼ်မုၼ်ၽုင်းသရေႇႁဝ်းၼၼ်ႉဢေႃႈ။- 8ပိင်ႇၺႃႇၼၼ်ႉၸိုင်ၶုၼ်လေႃးၵီႇတင်းလၢႆ ဢမ်ႇႁူႉသေၵေႃႉသေၵူၼ်း။ ပေႃးၶဝ်ႁူႉၸိုင် ၶဝ်တၵ်းဢမ်ႇဢဝ်ၸဝ်ႈဢၼ် မုၼ်ၽုင်းယႂ်ႇၼႃႇၼၼ်ႉတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈယဝ်ႉ။- 9မႅၼ်ႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈ၊ လွင်ႈတၢင်းၸိူဝ်းဢၼ်ၽြႃးပဵၼ်ၸဝ်ႈ မႄးႁႅၼ်းဝႆႉပုၼ်ႈၶဝ်ၸိူဝ်းဢၼ်ႁၵ်ႉမၼ်းၸဝ်ႈၼၼ်ႉၸိုင် တႃၵူၼ်းဢမ်ႇႁၼ်၊ ႁူၵူၼ်းဢမ်ႇငိၼ်း၊ ႁူဝ်ၸႂ်ၵူၼ်းဢမ်ႇၵျၢမ်ႇဢမ်ႇပွင်။- 10လွင်ႈတၢင်းၸိူဝ်းၼၼ်ႉၸိုင်၊ ၽြႃးပဵၼ်ၸဝ်ႈဢဝ်ဝီႉၺိၺ်ႇၸဝ်ႈ ၽုၺ်ႇဢွၵ်ႇၼႄပျႃးတီႈႁဝ်းဢေႃႈ။ ဝီႉၺိၺ်ႇၸဝ်ႈၼၼ်ႉၸႅတ်ႈတူၺ်း လွင်ႈတၢင်းၵႃႈမီးတင်းသဵင်ႈတင်းလူင် တေႃႇထိုင်ႁွတ်ႈလွင်ႈတၢင်းဢၼ်လိုၵ်ႉဢၼ်လမ်ႇၽြႃးပဵၼ်ၸဝ်ႈၸိူဝ်းၼၼ်ႉဢေႃႈ။- 11လွင်ႈတၢင်းဢၼ်ၸၢပ်ႈသႅင်ႇၵၼ်တင်းၵူၼ်းၼၼ်ႉၸိုင် လိူဝ်သေၸႂ်ဝီႉၺိၺ်ႇၵူၼ်း ဢၼ်မီးယူႇၼႂ်းမၼ်းၼၼ်ႉၽူႈလႂ်ႁူႉ။ မိူၼ်ၼင်ႇၼၼ် လွင်ႈတၢင်းဢၼ်ၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈၼၼ်ႉၸိုင် လိူဝ်သေဝီႉၺိၺ်ႇၽြႃးပဵၼ်ၸဝ်ႈၼၼ်ႉ ၽူႈလႂ်ဢမ်ႇႁူႉ။- 12ႁဝ်းဢမ်ႇလႆႈၶၢမ်ႇဢဝ်ဝီႉၺိၺ်ႇလေႃးၵီႇ၊ လႆႈၶၢမ်ႇဢဝ်ဝီႉၺိၺ်ႇၸဝ်ႈဢၼ်လုၵ်ႉသေၵႃႈတီႈၽြႃးပဵၼ်ၸဝ်ႈမႃးၼၼ်ႉ ႁႂ်ႈလႆႈႁူႉလွင်ႈတၢင်းဢၼ်ၽြႃးပဵၼ်ၸဝ်ႈပၼ်ၸိူဝ်းၼၼ်ႉယဝ်ႉ။- 13ႁဝ်းဢမ်ႇဢဝ်တင်းၵႂၢမ်းဢၼ်ပိင်ႇၺႃႇၵူၼ်းသင်ႇသွၼ်ပၼ်ၼၼ်ႉ ႁေႃးလၢတ်ႈလွင်ႈတၢင်းဢၼ်ၽြႃးပဵၼ်ၸဝ်ႈပၼ်ၸိူဝ်းၼၼ်ႉ။ ႁဝ်းဢဝ်တင်းၵႂၢမ်းဢၼ်ဝီႉၺိၺ်ႇဢၼ်မူတ်းၸၢင်ႇၸဝ်ႈ ဢဝ်ၵႂၢမ်းဝီႉၺိၺ်ႇၽုၺ်ႇဢွၵ်ႇၼႄပျႃး လွင်ႈတၢင်းဢၼ်ၸၢပ်ႈသႅင်ႇၵၼ်တင်းဝီႉၺိၺ်ႇၸဝ်ႈလႄႈ သင်ႇသွၼ်ပၼ်ၼၼ်ႉႁေႃးလၢတ်ႈဢေႃႈ။

14ၵူၼ်းၸႃႇတီႉပၵတီႉဢမ်ႇၶၢမ်ႇဢမ်ႇဢဝ်လွင်ႈတၢင်းဢၼ် ၸၢပ်ႈသႅင်ႇၵၼ်တင်းဝီႉၺိၺ်ႇၸဝ်ႈၸိူဝ်းၼၼ်ႉ၊ ၸၢင်ႈထၢင်ႇလွင်ႈတၢင်းၸိူဝ်းၼၼ်ႉ ပဵၼ်လွင်ႈတၢင်းဢၼ်မိူၵ်ႈဢေႃႈ။ ပိူဝ်ႈဢၼ်ၶႆႈၸႂ်လူၺ်ႈလွင်ႈတၢင်းၸိူဝ်းၼၼ်ႉလႄႈ ႁူႉၵွပ်ႈပိူဝ်ႈဝီႉၺိၺ်ႇၸဝ်ႈၵူၺ်းလႄႈၵူၼ်းၸႃႇတီႉပၵတီႉဢမ်ႇႁူႉလႆႈ။- 15ၵူၼ်းဝီႉၺိၺ်ႇၸမ်ႉ၊ ၸၢင်ႈၶႆႈၸႂ်လူၺ်ႈလွင်ႈတၢင်းၵႃႈမီးတင်းသဵင်ႈတင်းလူင်လႄႈႁူႉဢေႃႈ။ ၼႂ်းဝႃႈၼၼ်သေၵေႃႈ မၼ်းၼၼ်ႉၸိုင် ၽူႈလႂ်ဢမ်ႇၶႆႈၸႂ်လႄႈႁူႉလႆႈ။- 16ၽူႈလႂ်ႁူႉၸႂ်ထႃႇဝရႃႉၽြႃးႁႂ်ႈလႆႈသင်ႇသွၼ်မၼ်းၼၼ်ႉ။ ႁဝ်းၸမ်ႉ၊ လႆႈၶၢမ်ႇဢဝ်ၸႂ်ၸဝ်ႈၶရိၸ်ႈဢေႃႈ။

Currently Selected:

1 ၵေႃးရိၼ်ႇထူႉ 2: CBMS

Highlight

Copy