FAARSO 42
42
GAFA 2
(Far 42—72)
FAARSAANOTE ROORRICHIRA QORE OOSO ROSIISHSHA
MAGANO SINSINNAAWA
1Bulaa buichote waa sinsinnaabbannonte gede,
Magano! Hattonni lubbo'ya ate sinsinnaabbanno.
2«Mamoote iilleemma?
Magani'ya albano mamoote laeemma?» yite,
lubbo'ya heeshshote Magano goodhanno.
3Baarigaarra'ya wo'manka woyite, «Maganikki hiikko no?» yitannae,
hashshanna barra hindiiddo sagale ikkitue.
4Ani albaanni hige lowo manni ledo Maganu Minira ha'ranna,
ayyaana ayirrissannori galatu faarsonni Magano galattino;
konne coye qaaganna wodani'ya dadillunni hiiqqami.
5Lubbo'ya ballo, mayira dadillatta?
Mayirano daassattae?
Xaano galagale Magano gatisaancho'ya galaxxeemmona,
atino iso hexxi.
6Magano'ya ballo, lubbo'ya daassitannae,
Yordaanoosi gobbara Hermooni Mizaari Ilaalira hee're qaageemmohe.
7Foonchikki huuronni diime mimmito woshshitanni,
dambalikkinna lolahikki baalu aana'yaanni hige sai.
8Kaaliiqi barra, bagamannokki baxillesi soyannoe;
hashsha faarso aannoe;
tinino, heeshsho'ya Maganira shiqishi'reemmo huuccattooti.
9Magano, «Ati digolo'yaati? Mayira hawittoe?
Baarigaarra'ya gadadishshinni kainohunni,
yaadanni hee'reemmohu mayiraati?» yeemmosi.
10Baarigaarra'ya wo'manka woyite,
«Maganikki hiikko no?» yite yaachishshannae,
manninati'ya yaaddotenni manii'ri.
11Lubbo'ya ballo, mayira dadillatta?
Mayira daassattae?
Xaano galagale Magano gatisaancho'ya galaxxeemmona,
atino iso hexxi.
Currently Selected:
FAARSO 42: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
