FAARSO 36
36
FAARSAANOTE ROORRICHI KAALIIQI SOQQAMAANCHITA DAAWITI FAARSO
MANNU BUNSHENNA MAGANU DANCHUMMA
1Bushu manchi wodana cubbu massaganno;
Magano horonta diayirrisanno.
2Isonoo ale tuqqanno daafira,
Maganu cubbosi afannohanna hanqannosiha dilawannosi.
3Afiisinni xagarronna kaphu fulanno;
wodanchanna dancha coye assa agurino.
4Ma'nasira hee're sarraaqo malanno;
busha doogonni horonta difafanno;
busha coye calla baxanno.
5Kaaliiqa! Bagamannokkihu baxillikki gordoho qasi'rino;
halaalaanchimmakkino gomichu geeshsha iillitino.
6Keeraanchimmakki jajjabba ilaalla geeshshite;
yookkino baaru diime gedeete;
Kaaliiqa, ati mannanna saada towatatto.
7Kaaliiqa'ya, bagamannokkihu baxillikki maala'linanniho;
mannu baalunku qoolikki caalira fooliishshi'ranno.
8Mannakki gooffannokki sagalenni duushshatto;
hagiirru xashshono hayikkisattonsa.
9Ati heeshshote buichootina,
xawaabbikkinni xawaabba la'neemmo.
10Bagamannokkiha baxillekki egentinoherira,
shaqqillekki wodana subbinorira dirrisinsa.
11Boonaleeyye gawajjitaera worte la'ootie;
bushuullu shorritannoe gede assitootie.
12Kuneeti bushuullu ubbe no;
ubbinowiinnino ka"a didandiitanno.
Currently Selected:
FAARSO 36: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
