FAARSO 32
32
DAAWITI ROSIISHSHA
CUBBO IFAAXXATENNI AFI'NANNI MAARO
1Saosi agurroonnisihu,
Maganu cubbosi haa're hoolinosihu ba'raa'rinoho.
2Kaaliiqi hunasi kiirannosikkihu,
awaawura egenninokki manchi ba'raa'rinoho.
3Cubbo'ya ifaaxxoommokki yannara,
wo'ma woyite wi'lummo;
miqqa'yano daaqque.
4Kaaliiqa'ya, hashshanna barra hanqikki aana'ya noo daafira,
arru mooshshino haqqe gede jawaante'ya co'o yite gooffu.
5Hakkunni gedensaanni, cubbo'ya atera egensiisate murci'roommo;
huna'yano dimaaxoommo;
atera sao'ya kuloommo;
atino cubbo'ya baala aguroottoe.
6Kunnira, qarru lolahi iillannonsakki gede,
keeraano baala yanna heedheenna,
ate huuccidho.
7Ati anera maaxameemmo dargaati;
qarrunni agarattoe;
gatisaanchimmakkinni gaangeessoottoe daafira,
qoonqo'ya naggi asse faarsi'reemmohe.
8Kaaliiqi, «Rosiiseemmohe; ha'ratto doogono kuleemmohe;
amaaleemmohe; ille'ya ate aana woreemmo.
9Bixaallunninna lugaamunni foxxoorrikkinni,
atewa shiqannokki farashshinna gaango gede,
wodaniweelo ikkitooti» yaanno.
10Bushuullu lowo qarri aana ubbanno;
Kaaliiqa addaxxitannore kayinni maaro doyissitannonsa.
11Keeraano! Kaaliiqinni tashshi yoo'nena, hagiidhe;
wodana subbinoonniri baalu ilillisse.
Currently Selected:
FAARSO 32: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
