FAARSO 26
26
DAAWITI FAARSO
KEERAANCHU MANCHI HUUCCATTO
1Kaaliiqa ballo, wodani'ya keeraanchimma,
ka'anna kawa yuummokkinni,
ate addaxxoommota la'e halaale coyi'rie.
2Kaaliiqa, fonqolie; qonqolchite laie;
wodana'yanna hedo'ya keeraancho assie.
3Maarokki alba'yaanni noona,
halaalikkinni hee'reemmo.
4Kaphaanote songo disongeemmo;
lawisiisaanote ledo dihoseemmo.
5Bushuullu xaado makki're giweemmo;
cubbaataammu ledo diofolleemmo.
6Kaaliiqa, beebbatewiinni xeerti'roommota egensiisate,
anga'ya hayishshi'reemmo;
ate magansi'rate kakkallanni darga mare doyemmo.
7Galatu faarso faarsanni,
maalalekki baala duduweemmo.
8Kaaliiqa, ayirrinyikki hee'rannowa,
minekki baxeemmo.
9Cubbaataammu ledonna,
manna shitannori ledo huntootie;
10angansara xagarro no;
qiniiticho angansarano gubbo wo'mitino.
11Ani kayinni halaalaanchohona,
gatisie; mararie.
12Uweemmokkiwa taalo darga uurroommona,
Kaaliiqa ate, songote mereero galaxxeemmohe.
Currently Selected:
FAARSO 26: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
