MAATEWOOSI 23

MUSE SEERI ROSIISAANONNA FARISOOTU BUNSHE

(Maq 12:38-39; Luq 11:43-46; 20:45-47)

1Hakkunni gedensaanni Yesuusi mannahonna rosaanosira, 2«Seeru rosiisaanonna Farisootu rosiissara Muse darga ofoltino. 3Kunni daafira, insa yitanno'nere baala asse; agadhe. Coyidhannore diwonshitannoreetina, insa assitannore kayinni assitinoonte. 4Mannaho qarrisannohanna lowo duha usurte duhisiissanno. Insa kayinni qubbichinsanni nafa kisa dihasidhanno. 5Assitannore baala mannu la"ansara yite assitanno. Quraama gowisiisidhanno; huuccattote uddanonsa handaara seedisidhanno. 6Jilu mine ayirrinyu darga, xaadu mine umi barcimira ofolla baxxanno. 7Gudumaaleho mannu baalu keere haa'ransaranna, ‹Rosiisaancho› yee woshshansara hasidhanno. 8Ki'ne kayinni rosiisaanchi'ne mitto calla ikkinohuranna ki'neno roduuwa ikkitinoonni daafira, ‹Rosiisaancho› yine woshshinoonke'ne. 9Gordoho mittu Anni callu noo'ne daafira baattote aana mittono, ‹Annanke› yitine woshshitinoonte. 10Rosiisaanchi'ne Kiristoosa calla ikkino daafira, ‹Rosiisaancho› yine woshshinoonke'ne. 11Ki'ne giddo rooriidiha ikka hasi'rannohu, soqqamaancho'ne ikko. 12Umosi gotti assannohu shollanno; umosi heeshshi assannohu kayinni ayirranno» yiinsa.

YESUUSI MUSE SEERI ROSIISAANO QOROPHISIISI

(Maq 12:40; Luq 11:39-42,44,52; Luq 20:47)

13Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

14[«Mannu la"a'nera yitine huuccatto seedissinanni gunnootu mine mulqitinanni; ki'ne lawisiisaano, Seeru rosiisaanonna Farisootu, ki'nera aanne'e! Kunni daafira ki'nera busha yoo yinanni'ne.]#23:14 Kiiro 14 mite mite angatenni borreessinoonnitera albi borro giddolla anfanni. Kuni qaali Maq 12:40 aana nooha lawanno..

15«Ki'ne lawisiisaano, Seeru rosiisaanonna Farisootu, ki'nera aanne'e! Mitto mancho ki'ne amma'no widira qo'late baarunna baattote aana doyitinanni. Qo'litinihu gedensaanni, ki'nenni roore erote erotera gaannaamete giirara qixxaawinoha assitinanni.

16«Ki'ne illiweeltinoonni massagaano, ki'nera aanne'e! ‹Mannu Qullaawu Mininni xaariro ikkannori dino› yitinanni. ‹Qullaawa Mine noo culkinni xaariro kayinni, xaarino xaaro amaddannosi› yitinanni. 17Ki'ne illiweeltinoonni hawanyooti, ‹Culkunna culka qullaawa assanno Mini Qullaawu woyite rooru hiikkoonneeti?› 18Qoleno, ‹Mannu kakkallanni darginni xaariro ikkannori dino. Kakkalote darga noo fushshaatinni xaariro xaaro amaddannosi› yitinanni. 19Ki'ne illiweeloota, fushshaatunna fushshaate qullaawa assannohu kakkalote dargi woyite rooru hiikkoonneeti? 20Kunnira, kakkalote darginni xaarinohu, kakkalote darginninna kakkalote worroonniri baalunni xaaranno. 21Qullaawu Mininni xaarinohu, Qullaawu Mininninna Qullaawu Mini giddo noori baalunni xaaranno. 22Gordunni xaarannohu, Maganunnihu ayirrinyu barciminninna isi aana ofolle noohunni xaaranno.#Isa 66:1; Mat 5:34 lai.

23«Ki'ne lawisiisaano, Seeru rosiisaanonna Farisootu, ki'nera aanne'e! Afuduudunniha, sunkurtunnihanna qimamenniha tonnunni mitto uyitinanni. Seeru giddo nooha qara qara coye kayinni facci assitine agurtinanni. Hattino taashshate, maarotenna ammanamate. Hakkoreno agurtinikkinni koreno wonsha hasiissanno'nehu gatino.#Lew 27:30 lai. 24Ki'ne illiweeltinoonni massagaano, bookkicho ximbiiphitine, gaala egemmitinanni.

25«Kine lawisiisaano, Seeru rosiisaanonna Farisootu, ki'nera aanne'e! Finiinchonna xilte iimiido seekkitine biifissinanni; giddo'ne kayinni xagarronna ufunimma wo'mitino. 26Ati illiweelu Farisichi, balaxxe finiinchonna xilte giddoyido biifisi. Hatto assittoro gobbayidino biifinoha ikkanno.

27«Kine lawisiisaano, Seeru rosiisaanonna Farisootu, ki'nera aanne'e! Giddo reyino manni miqqanna bowanye wo'mite heedheenna, gobbayido kayinni sorsa buurre biifinsoonni moogga labbinanni. 28Hattonni gobbayido'ne mannaho keeraano labbinanni. Giddo'ne kayinni awaawurshunna bunshe wo'mitino.

29«Ki'ne lawisiisaano, Seeru rosiisaanonna Farisootu, ki'nera aanne'e! Himanaanote moogga seekkitinanni; keeraanote moogga aaniido borreessitine biifissinanni. 30‹Alba annuwanke yannara hee'noommoro, himanaanote mundee dunate insa ledo dikarsammeemmo› yitinanni. 31Himanaano shituri ooso ikka'ne ki'ne umi'ne farcidhinoonni. 32Kunnira, annuwa'ne hanaffinoha ki'ne wonshe! 33Ki'ne hamasu! Buutete ooso gaannaamete qorichiwiinni hiitto ikkitine gattina ikka? 34Kuneeti ani himanaano, egennaammanna rosiisaano ki'newa soyemmo. Insa giddonni mito mito shitinanni; mito suttinanni; mito xaadu mini giddo gantinanni katamunni katama shorritinanni. 35Kunninni kainohunni, baattote aana du'nantinoti keeraanchu Aabeeli mundeenni kayisse Qullaawu Mininna kakkalote dargi mereero shitinoonnihu Barakiyi beetti Zakkaariyaasite geeshsha duntiniti keeraanote mundee yitanno'ne. 36Halaale kuleemmo'nena, kuni qorichi baalu tenne ilama aana daanno» yiinsa.

YESUUSI YERUSAALAMETE DAAFIRA WI'LI

(Luq 13:34-35)

37Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni. 38Xa kuneeti, mini'ne ona ikke gatanno. 39Kuleemmo'nena, ‹Mootichu su'minni daannohu maassaminoho› yitina geeshsha, kunni ka'a diaffinannie» yiinsa.

Currently Selected:

MAATEWOOSI 23: QulMax

Highlight

Copy