LUQAASI 7

YESUUSI OLANTOTE ROORRICHI SOQQAMAANCHO HURSI

(Mat 8:5-13; Yoh 4:43-54)

1Yesuusi konne coye baala mannaho kule kaihu gedensaanni Qifirinahoomi ha'ri. 2Hakkiicho xibbe olanto roorrichi mittu Roomichu no; isira lowo geeshsha baxanno soqqamaanchi lowo geeshsha dhiwame reyara rahe no. 3Xibbe olanto roorrichi Yesuusire macciishshi yannara Ayihudete geerra, «Eeggatena Yesuusi daye soqqamaancho'ya hursannoe gede xa'me"e» yee soqqi. 4Insano Yesuusiwa marte, «Kunni manchira addinta ate kaa'lo hasiissannosi. 5Isi mannanke baxanno; xaadu mineno mininonke» yite duudhe huuccitusi.

6Kunnira Yesuusi insa ledo ha'ri. Minira iilla rahe hee'reenna xibbe olanto roorrichi jaallasi isiwa soye, «Mooticha'ya, ani mini'yara eatto gedeeha di"ikkoommo; kunnira ane minira daate qarrantooti. 7Ani nafa atewa daate di"ikkoommoho. Kunnira ati hakko heedhe mitto qaale coyi'rittoro soqqamaanchi'ya huranno. 8Ani umi'ya gashshaanote hajajameemmoho; anerano hajajeemmo olanto nooe. Insa giddonni mittu, ‹Ha'ri!› yuummoro ha'ranno; woleno, ‹Amo!› yuummoro daanno. Soqqamaancho'ya, ‹Konne assi!› yuummoro assanno» yii.

9Yesuusi konne coye macciishshe dhaggeeffate, hoodesi ha'ranni noo manna caaqqi yee lae, «Halaale kuleemmo'nena, togoo amma'na afi'rinoha Israeelete giddo nafa afe diegennoommo» yiinsa. 10Sonkoonniri galagalte xibbe olanto roorrichi minira higganno woyite soqqamaanchu hure nooha affu.

YESUUSI GUNNITTETE BEETTO REYOTENNI KAYISI

11Layinki soodo Yesuusi Nayini yinanni katama ha'ri. Rosaanosinna lowo manni ledosi ha'ranni no. 12Yesuusi katamu waalcho iilli yannara, mannu mittu beetti reeshsha duhe katamunni fulanni no. Kuni beetti amate afidhino mittooti. Iseno gunnittete. Katamunnihu lowo manni ledose no. 13Mootichu mancho lae marare, «Wi'litooti!» yiise. 14Hakkunni gedensaanni Yesuusi shiqqi yee rere kisi. Duhino mannino uurri. Yesuusino, «Koo wedellicha kai yeemmohe!» yii. 15Reyinohu gotti yee kae ofolle hasaawi. Hakkunni gedensaanni Yesuusi amate kune beettikki yee uyise.

16Baalunku waajjite, «Giddonke jawu himanaanchi kaino; Maganu mannasi towatara dayino» yitanni Magano galattu.

17Yesuusi duduwi Yihudanna gobbate gaangaawa baala tuqi.

CUUAANCHU YOHAANNISIWIINNI YESUUSIWA SONKOONNI SOKKAANO

(Mat 11:2-19)

18Yohaannisi rosaano, ikkino coye baala isira kultusi. Yohaannisino rosaanosi giddonni lame woshshe, 19«Daanno yinannihu ateetinso wole agadhino?» yite Mooticha xa'mitanno gede soyi.

20Insa Yesuusiwa marte, «‹Daanno yinannihu ateetinso wole agadhino?› ‹yitine xa'me› yee Cuuaanchu Yohaannisi atewa soyinonke» yitusi.

21Hattenne yannara Yesuusi addi addi dhibbinni amadamino manna hursi; bushu ayyaani amadinoreno hursi; lowo illiweelootano ille fani. 22Yesuusi Yohaannisi sokkaanora, «Hadhine la'inoonnirenna macciishshitinoonnire baala Yohaannisira kullesi. Ballootu la'anno; naafootu uurrite hadhanno; dhiigaammu keeraabbanno; macciweelootu macciishshitanno; reyitinori ka'anno; buxanete Dancha Duduwo kullanni.#Isa 35:5-6; 61:1 lai. 23Anere huluullamannokkihu maassaminoho» yee qolinsa.

24Yohaannisi sokkaano hadhuhu gedensaanni Yesuusi Yohaannisire, «Halalla ma la'inara fultini? Bubbe milli assitanno leemma la'inaraati? 25Ma la'inaralla fultini? Biifado uddano uddi'rino manna la'inaraati? Biiffino uddano uddidhannore mootete mine anfanni. 26Mayiralla daggini? Himanaancho la'inaraati? Ee, himanaancho lowo geeshsha roorinoha la'inaraati. 27Isi, ‹Kuneeti doogo biddi assannohe gede soqqamaancho'ya atera alba qole soyemmo› yine borreessinoonniho.#Mil 3:1 lai.

28«Halaale kuleemmo'nena, baattote aana ilamino manni giddo Cuuaancho Yohaannisi roorannohu dino. Ikkollana, Gordu Gashshootira wo'munkura woriidiha ikkinohu roorannosi» yee kulinsa.

29Konne macciishshihu baalunna qaraxaasine nafa gattukkinni Yohaannisi anga cuuamansanni, Maganu doogo halaale ikkitinota buuxxu. 30Farisootunna Seeru fullahooti kayinni Yohaannisi anga cuuama gibbe Maganu hedo facci assite agurtu.

31Yesuusi lede, «Xa tenne yanna manna mayinni lawiseemmo? Kuni manni ma lawanno? 32Insa, gudumaaleho ofolte mimmito woshshitanni,

« ‹Suusulle ufuunfummo'ne,

kayinni disirbitinoonni;

hamaraancho kiirrummo'ne,

kayinni diwi'litinoonni› yitanni godo'litanno ooso labbanno.

33«Qoltineno Cuuaanchu Yohaannisi itikkinninna woyinete xajjeno agikkinni dayita, ‹Kunnira durriisu no!› yitinoonni. 34Manchi Beetti itanninna aganni dayita, ‹Kuni itonna ago baxannoho! Qaraxaasinetenna cubbaataammu jaalaati› yitinoonni. 35Afate halaalaanchimma oososenni buuxantanno» yiinsa.

MITTE MANCHO YESUUSI LEKKARA SHITTO DUNTU

36Farisootu giddonni mittu manchi Yesuusa sagalete koyisisi. Yesuusino Farisichu minira mare sagalete ofolli.

37Hakko katamira mitte cubbaataame mancho no. Ise Yesuusi Farisichu minira jilaho woshshaminota macciishshite, shitto wo'mitinota albasxiroosi yinanni kinchinni seekkinoonni gujuujjera haadhe daggu. 38Yesuusira badheenni lekkasi mule uurrite wi'litanni lekkasi hindiiddotenni shanshite, umise dananchinni fiite lekkasi sunqitanni aanaho shitto duntu. 39Yesuusa jilaho woshshi Farisichi konne coye lae, «Kuni manchi himanaancho ikkoommero, tini amammaddannositi ayetironna hiittoo cubbaataameetiro afannohu baino» yee wodanisinni hedi.

40Yesuusi, «Simiooni, mittu kuleemmohe coyi no» yiisi.

Isino, «Rosiisaancho'ya maahoyye kuliexa» yii.

41Yesuusino, «Mittu manchiwiinni woxe liqiidhinori lamu manni no. Mittu 500 kinchu birra, layinkihu 50 kinchu birra liqii'ri. 42Lamunku liqiidhinoha qola hooggeenna liqiissinsa manchi asalensa agurinsa. Lamunku giddo liqiissinsa mancho roorse baxannohu hiikkonneeti?» yee xa'mi.

43Simiooni qole, «Roorse baxannohu lowo woxe agurrisi mancho lawannoe» yii.

Yesuusino, «Yaatto gedeeti» yii.

44Hakkunni gedensaanni Yesuusi manchonniwa hige Simioonira, «Tenne mancho la"atto? Ani ate minira dayummonkunni lekka'yara waa nafa dioottoe. Ise kayinni lekka'ya hindiiddosenni hayishshite, umise dananchinni mooshshitino. 45Ati disunqoottoe; ise kayinni minikkira eummonkunni xaa geeshsha lekka'ya sunqa diagurtino. 46Ati umi'yara buuro dibuuroottoe; ise kayinni lekka'yara shitto duntino. 47Kunnira lowo baxille leellishinohura lowoha cubbose agurroonni. Shiima cubbo agurrannisihu kayinni shiima geeshshalla baxanno» yiisi.

48Hakkunni gedensaanni Yesuusi manchote, «Cubbokki agurroonnihe» yiise. 49Isi ledo sagale ittanni noori, «Cubbo nafa agurannohu kuni isi ayeti?» yitanni wodaninsanni heddu.

50Yesuusi kayinni manchote, «Ammanakki gatissinohena keerunni ha'ri» yiise.

Currently Selected:

LUQAASI 7: QulMax

Highlight

Copy