LUQAASI 16

AMMANAMINOKKI LOOSIISAANCHO

1Yesuusi qole rosaanosira, «Jajja towatannosiha afi'rinohu mittu dureessu manchi no. Hakku towatara wodhino manchi jajjasi billaallisanni noota kullisi. 2Dureessu manchi jajjasi towatannoha woshshe, ‹Ate mayinanna macciishshummo? Kunni ka'a jajja'ya towata didandaattona, angakki noo jajji kiiro kulie!› yiisi.

3«Jajjasi towatannohuno wodanisinni, ‹Mootichi'ya loosu aaninni hunaeraati. Hanni ma asso? Baatto loosammora wolqa dinoe. Huucci'rammorano saalaho. 4Xa asseemmore afoommo; looso agursiisannoe woyite, mininsara haadhannoe jaalla kalaqi'reemmo› yee hedi.

5«Hakkunni gedensaanni mootichisi asali noonsare mittu mittunni woshshe, umo ikke dayinoha, ‹Mootichi'yara aattohu mageeshshi asali noohe?› yee xa'mi.

6«Isino, ‹Mittu xibbi gambayichi zayite nooe› yii.

«Jajja towatannohu qole, ‹Hii"i taje haadhe, rakke ofolte: 50 gambayicho yite borreessi!› yiisi. 7Layinkihano woshshe, ‹Atera mageeshshi asali noohe?› yee xa'mi.

«Hakkuno, ‹Mittu xibbi ogori qamadete asali nooe› yee qoli.

«Jajja towatannohu qole, ‹Hii"i taje haadhe: 80 ogoro yite borreessi!› yiisi. 8Mootichuno konne ammanaminokki loosiisaancho egennosinni assinorira naadisi. Tenne gobba manni ilamansara xawaabbu manninni roore egennaammaho. 9Kuleemmo'nena, bunshete woxinni jaalla kalaqidhe; hatto assitiniro woxi'ne goofeenna mulla anganni gattinanni yannara, jaalla'ne haadhe geedote mine wortanno'ne. 10Shiimu coyira ammanamino manchi lowo coyira ammanamanno. Shiimu coyira ammanaminokkihu lowo coyirano diammanamanno. 11Hatto ikkina, tenne gobba jirora ammanama hoogginiro, halaalaancho jiro ayi ammane aanno'ne? 12Qoleno wolu manni woxira ammannannikkire ikkitiniro, ki'nera ikkitanno jiro ayi aanno'ne?

13«Mittu manchi lamu mootichira soqqama didandaanno. Woy mitto giwe, wole baxanno; woy mitto ayirrise, wole mishanno. Hattonni Maganohonna woxeho soqqama didandiitinanni» yii. #Mat 6:24 lai.

SEERANNA MAGANU GASHSHOOTE

(Mat 5:31-32; 11:12-13; Maq 10:11-12)

14Farisootu woxe baxxannore ikkitino daafira, Yesuusi coyi'rinore baala macciishshite arrassitusi. 15Yesuusi kayinni, «Ki'ne umo'ne mannu albaanni keeraano lawissinanni; Maganu kayinni wodana'ne afino. Mannu albaanni ayirrado lawannohu Maganu albaanni shalaminoho» yii.

SEERANNA ADHAMA

(Mat 11:12-13; 5:31-32; Maq 10:11-12)

16Yesuusi lede coyi'ranni, «Seerunna himanaanote maxaaffa Cuuaanchu Yohaannisi geeshsha kulantanni keeshshitino. Kunni ka'a kullannihu Danchu Duduwi Maganu Gashshootire kulanno. Mittu mittunku Maganu Gashshoote eate lowo geeshsha jawaato. #Mat 11:12-13 lai. 17Ikkollana, Seeru giddonni mitturichi xeantenni gordunna baatto sa'uro woyyate.#Mat 5:18 lai.

18«Aye manchino galtesi agure wole adhiro foorinoho. Hattonni ayiddaannase agurte hadhinota adhannohuno foorinoho» yii. #Mat 5:32 lai.

DUREESSA MANCHONNA ALIAAZAARI

19Yesuusi qole, «Duume xiillittenna waajjo shaalado uddano uddi'rannohu mittu dureessu manchi no. Isi wo'manka woyite qineennasi qawaaxxi're hee'ranno. 20Kunni dureessi waalchira mittu biso baala madi're goofinohu Aliaazaari yinanni buxichi goxe no. 21Kuni buxichi dureessu ite duuweenna gatanno giggilo yoranno. Woshshuno daye madasi laaxanno.

22«Hakkunni gedensaanni buxichu reenna sokkaasine haadhe massite Abirihaami mule wortusi. Dureessano reenna madaarri. 23Jeennaatu giddo hee're fooggalanni, ale hige la"anno woyite Abirihaaminna mulesi ofolle nooha Aliaazaari afi. 24Qoonqosi naggi asse, ‹Anna'ya Abirihaami! Eeggatena mararie; konniicho giirate buwani giddo fooggalanni noommona, qubbichisinni waa kise arrawo'ya qiissannoe gede Aliaazaari soyie› yiisi.

25«Abirihaami qole, ‹Beetto'ya, ati uullate aana hee'ritto diro baala hagiidhitanni hee'roottota qaagi. Aliaazaari kayinni qarru giddo hee'rino. Xa kayinni isi hagiidhanna ati qarramatto. 26Hakkiinni sairo, ki'nenna ninke mereero lowo booni no. Kunnira ninkewiinni ki'newa, ki'newiinni ninkewa sa"a dandaannohu ayino dino› yii. 27Dureessu manchi, ‹Anna! Hatto ikkiro, Aliaazaari anni'ya minira soyattoe gede huucci'reemmohe. 28Hakkiicho ontu roduuwi nooena, insano dagge kunni qarri giddora e'annokki gede farci'ronsana› yii.

29«Abirihaami qole, ‹Insara Musenna himanaano noonsana, insa yitannore macciishshitona› yiisi. 30Dureessu manchino, ‹Abirihaami anna'ya, hakku callu di"ikkanno; reyinohu kae mare kulinsaro, gaabbite aagintaabbanno› yii.

31«Abirihaamino, ‹Musenna himanaano yitannota macciishsha gibburo, mittu manchi reyotenni kaeenna nafa diammantanno› » yiisi.

Currently Selected:

LUQAASI 16: QulMax

Highlight

Copy