ፍጥ. 20
20
አብርኻምም አቢሜሌክም
1አብርኻም በመምሬ የረረን ይረብርወ መደር ገፈረም ኔጌብ ወረም፤ በቃዴስም በሹርም ግብት ቾናም፤ በገራርም በባዘነት በቾናወ ግዝየ፥ 2አብርኻም ምሽተታ ሳራ ኧተናንያ ባረም፤ የገራር ንስ አቢሜሌክ ሰብ ናኸም ሳራ ያቸኖለ ኸማ ኤፐም። 3የኽርምታነ አት ከረ ምሳረ እግዘር በበርዛዝ የአቢሜሌክ «ዝኽ ምሽት ምስ ያነና የኸሬ ታ በስዶታኸ የቸነ ትሞቴ» ቧረንም።
4ቢኸርም አቢሜሌክ ኽስን የቴንየ አንትነበ የኸሬ «ታኖ! እያ ስርም ባጢር አንቾት፤ ኧጋ እያም ሰብመና ታጠፋቴዌ? 5ኧተናንያ የባሬ አብርኻም ገገታው፤ ትም ጐፔየናው ባረቼም፤ እያ ዝኽ ዬፐ ቦኼነትም በመጠረም ቀልበና የኸሬ ስርም ባጢር አንቾት» ባረም።
6እግዘርም በበርዛዝ «በመጠረ ቀልብ ዬፐዀን ኸማ ኻርም፤ የትሜ ተቀኔብትኸ ብያ ይፍቴ ባጢር አትቾት ኸማ ዬፐከም በዝ የቸነው። 7ኧዃ ጭን ምሽትታ ዘፕርም የምሰታ አውን፤ ታ ነቢ የኸሬ አትሞት ኸማ ጠሎት ያሚንኸሸ፤ ታ ዘፒትኸ ባናብኸ ጭን ትሞት ኸማ ኻር! እማት አኸ ታትኸር ሰብማኸ እንም ታርቆቴ» ቧረንም።
8በመረጋታ ቅረረ በሱቢ አቢሜሌክ የመቈ ሰበታ ጠናምታነ የኸረ ዘንጋ እንም ቢዩድኖ ግዝየ ጠነቀኖም። 9ተኽም አን አቢሜሌክ የአብርኻም ጠናምታነ «ዝኽ ዬፐኸብንደ ዘንጋ ምቃሩ? ብያም በመግስትመና ዝኽ ባጢር ያቸነኸብንደ ምር ያጠፋኔብከ ቃር ቢረብሩ? አኸ ዬፐኸቢ ዘንጋ ስርም ሟኒም ሰብ ኤያን፤ 10አቸ ዝኸታ ታሜ ኸማ በግርድ የጠበጠናኸ ሟኑ»
11አብርኻምም « ‹በዝ መደር እግዘር ይሰርፍ ሰብ ኤነ› ባም በስቦት ‹ምሽተና ይወስዶዬ በሳቦት ይቀጥሮንቴ› ባም የሰነፍ የኸሬው፤ 12ኧዃም ታ ያባና ትከ የኸረቼ በውረም ኧተናንያ፤ የኽርምታነ ያዶተና ገረድ አንኸረቼ አገፓኽናም። 13እግዘር ታባና ቤት ወጣም የሰብ ገነ አርኸማ ባዘዜ ግዝየ ‹ብናኔ መደር እንም ኧተታን ብትቢ ይያ ንቅ ጄዛ የዋርን ቃር ኸማ ኧዝንሸ› ባኽናም ባነ» ቲብር ዠረለም።
14ተኽም አን አቢሜሌክ ሳራ የአብርኻም ዠፐረም አወንም፤ የኽክም ጤም፥ ዋጋም አገልጌም አወንም። 15የአብርኻምም «ዝሙ እያ ኧጐዛን ገነ ቢፍታኼው፤ በሸፐትዀን መደር ንበር» ቧረንም። 16የሳራም «አ ስርም ጥጥ ሜና አኔፐ የመጠር ወኽራ ታ ጋ ያነቦ ሰብ እንም ይሮ ኸማ መርኸት ይኸሬ የጐፔያ የአብርኻም አት ም ቀርሺ አብንም» ባረናም።
17-18በአብርኻም ምሽት በሳራ በኸረ ዘንጋ የቸነ በአቢሜሌክ ቤት ይረብረማ እሽታ እንም እግዘር ትከ ኤጨነማ ኸማ ኤፐነማም ባነ፤ በዝም የቸነ አብርኻም የአቢሜሌክ ጠሎት አነለም፤ እግዘርም የአቢሜሌክ አፍ ቧረንም፤ እሽታመታ ያረሜም እሽታ አፍ የባረነማ የኸሬ ደን ጨነማም።
የይስኻቅ ወትጠን
Currently Selected:
ፍጥ. 20: መቅጉ
Highlight
Share
Copy
Want to have your highlights saved across all your devices? Sign up or sign in
