Macaafa Miilkiyaas Raajichaa 1
1
Waaqayyo Saba Isaa Akka Jaallatu Himuu Isaa
1Dubbiin Waaqayyo karaa Miilkiyaas saba Israa'elitti hime kanatti fufee jira; 2Waaqayyo,<<Ani isin nan jaalladhe>> jedha; isin garuu,<<Attamitti nu jaallate>> Esaawuun obboleessa Yaaqoob mitii ree?>> jettanii in gaafattu; Waaqayyo immoo,<<Ani amma iyyuu Yaaqoobin nan jaalladhe*, 3Esaawuu garuu nan jibbe; tulloota isaas lafa onaa nan godhe, dhaala isaas lafa waangonni jiraatan nan godhe>> jedhe*. 4Sanyiin Esaawuu Edoomonni,<<Mandaroonni keenya caccabanii turan, amma garuu warra diigaman sana deebifnee in ijaarra!>> in jedhu; garuu Waaqayyo gooftaan maccaa,<<Isaan illee in ijaaru, ani garuu nan diiga,<<Biyyi sun biyya hamaa, sabni isaas saba Waaqayyo bara baraan itti dheekkamu>> in jedhamu; 5isin sabni Israa'el kana ija keessaniin argitanii,<<Daarii Israa'el garasitti iyyuu Waaqayyo guddaa dha>> in jettu>> jedhe.#2 Kes 7:7-8; Uma 25:23; Hos 11:1; Rom 9:13 3 Uma 36:9; Isa 34:5-17
Luboonni Dheekkamamuu Isaanii
6Waaqayyo gooftaan maccaa luboota warra isa tuffataniin,<<Ilmi abbaa isaatiif, hojjetaanis isa isa hojjechiifatuuf ulfina in kenna; egaa ergan abbaa ta'ee ulfinni anaaf ta'u meerre ree>> Ergan isa hojjechiifatu ta'ees sodaatamuun anaaf ta'u meerre ree>> Isin garuu,<<Attamitti si tuffanne?>> jettanii in gaafattu*. 7Isin kennaa midhaanii isa xuraa'aa iddoo aarsaa koo irratti in dhi'eessitu; garuu kanuma keessaa immoo,<<Attamitti si xureessine?>> jettanii in gaafattu; dabaltaniis,<<Iddoon itti Waaqayyoof aarsaa dhi'eessan waa'ee hin baasu>> in jettu. 8Horii jaamaa aarsaadhaaf yommuu dhi'eessitan kun wanta gadhee dha mitii ree>> Horii naafa yookiis dhukkubsataa aarsaadhaaf yommuu dhi'eessitan, kunis wanta gadhee dha mitii ree>> Mee wanta akkasii isa isin bulchuuf dhi'eessaa kaa! Inni dhuguma isinitti in gammadaa ree>> Jaallatees isin harkaa in fudhataa ree?>> jedha; kana Waaqayyo gooftaa maccaatu dubbate*.#6 Bau 20:11; Kes 32:6 8 Lew 22:18-25; Kes 15:21
9Waaqayyo gooftaan maccaa,<<Isin harka keessaniin wanta akkasii ana Waaqayyoof utuu aarsaa dhi'eessitanii yoo akka ani isinitti araaramuuf na kadhattan ani isiniif nan dhaga'aa ree>> 10Ani isin hin jaalladhu, aarsaa isin anaaf dhi'eessitanis isin harkaa hin fudhadhu waanan ta'eef, akka isin iddoo aarsaa koo irratti akkasumaan ibidda hin qabsiifnetti, maaloo namni isin keessaa balbala mana qulqullummaa cufu utuu jiraate! 11Maqaan koo ba'a-biiftuutii saba biyya lafaa gidduutti guddaa in ta'a; maqaan koo saba biyya lafaa gidduutti guddaa waan ta'eef, iddoo hundumaatti ulfina maqaa kootiif ixaannii fi kennaan midhaanii in dhi'eeffama>> jedha; kana Waaqayyo gooftaa maccaatu dubbate*.#11 Isa 60:1-7
12Ammas Waaqayyo gooftaan maccaa,<<Isin garuu,<<Iddoon itti Waaqayyoof aarsaa dhi'eessan nyaata achi irraatiin xuraa'eera, jibbameeras>> jettanii isa in xureessitu*; 13dabaltaniis,<<Kun ba'aa dha!>> jettanii itti in ga'iftu; isinoo horii hatame, horii naafa, horii dhukkubsataas fiddanii aarsaa in dhi'eessitu, egaa kana harka keessan keessaa fudhadhuu ree>> 14Namni bushaayee isaa keessaa korbeessa isa ana Waaqayyo duratti fudhatamaa ta'e aarsaa dhi'eessuudhaaf wareegee, iddoo isaa horii mudaa qabu dhi'eessuudhaan gowwoomsaa hojjetu abaaramaa haa ta'u! Ani mootii guddaa waanan ta'eef, maqaan koo saba lafa irraa keessatti sodaatamaa in ta'a>> jedha; kana Waaqayyo gooftaa maccaatu dubbate*.#12 Isa 43:23-24 14 Lew 22:19
Currently Selected:
Macaafa Miilkiyaas Raajichaa 1: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
