WANGEELA LUQAAS 1

Ittiin Lixa

1Yaa ulfaataa fi jaallatamaa Tewofilos! Waa'ee dubbii nu gidduutti raawwatame kanaa namoonni baay'een odeessuu yaalaniiru*. 2Kanas immoo qopheessuun isaanii akka warri jalqabaa jalqabanii duukaa turan, ija isaaniitiin kan argan, dubbichaafis kan hojjetan nutti dabarsanitti*. 3Anis immoo dubbii kana jalqaba isaatii jalqabee, keessa lixee qoraa waanan tureef, tarreetti galchee siif caafuun gaarii fakkaatee anatti mul'ate*. 4Kana gochuun koos, dubbiin sitti himame kun dhugaadhaa fi amanamaa ta'uu isaa akka hubattuuf*.#1 HoE 1:1 2 Yoh 1:14; 15:27; 1Yoh 1:1-3; HoE 1:8; 1:21 3 Qol 4:14 4 Yoh 20:31

Dura Himamuu Dhaloota Yohannis Cuuphaa

5Bara Herodis biyya Yihudaa bulchaa turetti, balbala lubootaa kutata Abiiyaa keessaa lubni Zakaariyaas jedhamu tokko ture; haati manaa isaas sanyii lubootaa keessaa, maqaan ishees Elsaabex jedhama*. 6Lachuun isaanii abboommii gooftaatii fi seera isaa raawwachaa fuula Waaqayyoo duratti jireenya qajeelaa jiraatan*. 7Haa ta'u iyyuu malee, Elsaabex dhabduu waan turteef, dhala hin godhanne; lachanuu immoo lafa guuraniiru turan*.#5 Mat 2:1; 1Sen 24:10 6 Kes 10:12; Iyo 1:1 7 Uma 18:11; Abo 13:2-5; 1Sam 1:5-6

8Darabeen balbala isaatii geenyaanis, gaaf tokko Zakaariyaas warra kaanii wajjin fuula Waaqayyoo duratti hojii lubummaa isaa hojjechuudhaaf dhi'aate. 9Akka amala hojii hirmaachuu isaaniitti Zakaariyaas aarsaa akka dhi'eessuuf, buufata mukaatiin irra buunaan, gara mana qulqullummaatti ol gale*. 10Yeroo aarsaa ixaanaa kanattis sabni baay'een alaa in kadhata ture.#9 Bau 30:7

11Yommus ergamaan Waaqayyoo iddoo itti ixaanni aarfamu gara mirgaatiin dhaabatee, Zakaariyaasitti mul'ate*. 12Zakaariyaas yommuu isa arge, na'ee sodaate. 13Ergamichi immoo itti dubbatee, ?Yaa Zakaariyaas hin sodaatin! Waaqayyo kadhannaa kee dhaga'eera'o, Elsaabex haati manaa kee ilma siif in deessi, maqaa isaas Yohannis jettee in moggaafta. 14Ati guddaa in gammadda, dhalachuun isaas namoota baay'eetiif gammachuu in ta'a. 15Inni guddaa in ta'a, daadhii waynii yookiis dhugaatii macheessu hundumaa matumaa hin dhugu, garaa haadha isaatii jalqabees hafuura qulqulluudhaan in guutama*. 16Saba Israa'el keessaas danuu gara Waaqayyo gooftaa isaaniitti deebisee isaan in fida. 17Inni hafuuraa fi humna, Eliyaas raajichi qaba ture in argata; yaada abbootaatii fi kan ijoollotaa walitti deebisuudhaaf, kan warra hin abboomamnees gara warra tolootaatti harkisuudhaaf, saba isaa gooftaa isaaniitiif kan qophaa'an gochuudhaafis gooftaa dura in adeema? jedhe*.#11 2:9; HoE 10:3 15 7:33; Mat 11:18; Lak 6:3; Gal 1:15 17 Mat 11:14; 17:11-13; Mil 3:1; 4:5-6

18Zakaariyaas yommus ergamichaan, ?Kun akka ta'u attamittan beeka? Anoo dulloomeera, haati manaa koos barri ishee darbeera? jedhe*. 19Ergamichi immoo, ?Ani Gabri'elii dha, fuula Waaqayyoo dura kanan dhaabadhu, misraachoo kana sitti himuudhaafan ergame*. 20Ati garuu ergaa ani sitti himee yeroo isaatti isa raawwatamuuf jiru hin amanne; kanaafis hamma kun ta'utti arrabni kee didaa in ta'a? jedhee deebiseef.#18 Uma 15:8; Luq 1:34 19 Dan 8:16; 9:21; Ibr 1:14

21Sabni gad ba'uu Zakaariyaas eeggachaa ture sun, mana qulqullummaa keessa hamma kana waan inni tureef in dinqifate. 22Yommuu gad ba'es inni dubbachuu dadhabnaan, mana qulqullummaa keessatti mul'ata argee akka ture hubatan; arrabni isaa didaa waan ta'eef, harka isaatiin milikkita duwwaa isaanii kennuu danda'e. 23Guyyoonni darabee isaa raawwatamnaan, Zakaariyaas gara mana isaatti deebi'e. 24Kana booddees haati manaa isaa Elsaabex ulfooftee, hamma ji'a shaniitti manaa hin baane turte. 25Isheen, ?Kun hojii gooftaa ti, amma gara booddeetti na yaadatee, namoota gidduutti ceephoo na irra ture ana irraa fageesse? jette*.#25 Uma 30:23

Dura Himamuu Dhaloota Yesus

26Elsaabex ulfooftee ji'a ja'affaatti, ergamichi Gabri'el Waaqayyo biraa kutaa biyya Galiilaa mandara Naazireet jedhamutti ergame. 27Ergaan isaas gara durba Maariyaam jedhamtu tokkotti ture; isheen nama Yoseef jedhamu, sanyii Daawit keessaa dhalate tokkoof, kaadhimatamtee turte*.#27 Mat 1:16,18

28Ergamichi isheetti mul'atee, ?Waaqayyo gooftaan sii wajjin jira'o, nagaan siif haa ta'u, yaa ayyaana-qabeettii!? ittiin jedhe. 29Maariyaam nagaa kana yommuu dhageesse, yaadaan dhiphattee, ?Kun maal jechuu dha?? jettee of gaafatte. 30Yommus ergamichi isheedhaan, ?Yaa Maariyaam Waaqayyo biraa ayyaana argatteetta hin sodaatin*! 31Kunoo in ulfoofta ilmas in deessa, maqaa isaa immoo Yesus jedhii moggaasi*! 32Inni guddaa in ta'a ilma aabbaas jedhamee in waamama, Waaqayyo gooftaanis teessoo abaabilii isaa Daawit in kennaaf. 33Mana Yaaqoob irratti bara baraan in mo'a, barri mootummaa isaas dhuma hin qabu? jedhe*.#30 Luq 1:13; HoE 7:46 31 Mat 1:21; Isa 7:14; Luq 2:21 32-33 2Sam 7:12,13,16; Isa 9:6; Dan 7:14

34Maariyaam yommus, ?Anoo amma illee durba, kun attamitti ta'uu danda'a?? jettee ergamicha gaafatte. 35Ergamichi immoo, ?Hafuurri qulqulluun si irra in bu'a, humni aabbaas si golbooba, kanaafis mucichi si irraa dhalatu kun qulqulluudhaa fi ilma Waaqayyoo jedhamee in waamama*. 36Kunoo firri kee isheen sitti aantu Elsaabex, dhabduu jedhamaa kan turte, bara dulluma isheetti ilma godhachuudhaaf erga ulfooftee, ji'a ja'affaa ishee ti. 37Waaqayyoof wanti dadhabamu hin jiru? jedhee deebiseef*.#35 Mat 1:20 37 Uma 18:14; Mat 19:26; Rom 4:21

38Kana irratti Maariyaam, ?Ani garbittiin gooftaa kunoo asan jira, akka ati dubbatte anaaf haa ta'u!? jetteen. Kana booddee ergamichi iddoo dhufetti in deebi'e.

Maariyaam Elsaabexin Dubbisuu Ishee

39Kana booddee utuu hin turin Maariyaam kaatee ariifattee baddaatti ol baate, gara mandara Yihudaa dhaqxe. 40Mana Zakaariyaasitti ol galtee, Elsaabexin nagaa gaafatte. 41Yeroo Elsaabex nagaa Maariyaam dhageessetti, mucichi gammachuudhaan garaa ishee keessa burraaqe. Elsaabex yommus hafuura qulqulluudhaan in guutamte. 42Sagalee ishee ol fudhattee dhageessiftees, ?Ati dubartoota hundumaa irra eebbifamtuu dha; mucaan ati garaatti baattus eebbifamaa dha*.#42 Abo 5:24

43?Amma garuu haati gooftaa kootii dhuftee akka na dubbiftuuf, ulfinni hammana ga'u eessaa anaaf ta'e? 44Akkuma sagaleen nagaa kee gurra koo keessa bu'een, mucichi gammachuudhaan garaa koo keessa burraaqe. 45Abdiin gooftaan kenne akka raawwatamu beektee, kan amante, attam kan ayyaanomtee dha!? jette*.#45 Yoh 20:29

Faarfannaa Maariyaam

(1Sam 2:1-10)

46Maariyaam yommus,

?Garaan koo gooftaa kootiif hooqubaa dhi'eessa;

47hafuurri koos Waaqayyo fayyisaa kootti in ililcha*.

48Inni gad deebii garbittii isaa yaadateera'o;

egaa, ammaa jalqabee dhaloonni hundinuu

ayyaana-qabeettii anaan jedhu*.

49Waaqayyo inni danda'aan, waan guddaa anaaf godhe;

maqaan isaa qulqulluu dha*.

50Araarri isaa dhalootaa hamma dhalootaatti,

warra isa sodaatan irratti*.

51Irree isaatiin aangoo isaa mul'ise;

warra kooranis yaada garaa isaanii wajjin bittimse*.

52Gooftota ol of qaban

teessoo isaanii irraa isaan buuse;

warra gad deebi'anis ol isaan kaase*.

53Warra beela'an waan gaariidhaan quufse;

sooressota harka duwwaa isaan gad dhiise*.

54Garbicha isaa Israa'elin

gargaaruufis birmate,

araara gochuudhaaf qopheesse, in yaadate*;

55abboota keenya isa abdachiise,

Abrahaamii fi ijoollee, ijoollee isaatiifis

bara baraan eege? jette faarfatte*.

56Maariyaam ji'a sadii kan ga'u Elsaabex bira turtee, kana booddee gara mana isheetti deebite.#47 1Xim 2:3; Tit 2:10 48 1Sam 1:11 49 Far 111:9 50 Far 103:13,17 51 Far 89:10; 2Sam 22:28 52 Iyo 12:19; 5:11 53 1Sam 2:5; Far 107:9 54 Far 98:3; Isa 41:8 55 Uma 17:7; Mik 7:20

Dhaloota Yohannis Cuuphaa

57Elsaabex yeroon da'umsa ishee geenyaan, ilma deesse. 58Olloonni isheetii fi firoonni ishee araara guddaa gooftaan isheedhaaf buuse yommuu dhaga'an, ishee wajjin gammadan.

59Guyyaa saddeettaffaa isaatti mucicha dhagna qabuudhaaf warri dhufan, akka maqaa abbaa isaatti Zakaariyaas jedhanii moggaasuuf turan*. 60Haati isaa Elsaabex garuu, ?Waawuu, maqaan isaa Yohannis haa jedhamu malee? jettee didde. 61Isaan immoo, ?Firoota kee keessaa maqaa kanaan tokko illee hin waamamne? jedhan. 62Rakkannaanis mucicha eenyu jedhee waamuu akka fedhu abbaa isaa milikkitaan gaafatan. 63Zakaariyaasis waan irratti caafu akka isaaf kennaniif gaafatee maqaan isaa Yohannis jedhama, jedhee caafnaan, hundumti isaanii raajeffatan*. 64Achumaan Zakaariyaas arrabni isaa hiikamnaan dubbachuu danda'e, hundumaa duras Waaqayyoon galateeffachuu jalqabe. 65Olloonni isaaniis hundinuu in na'an; dubbiin kun baddaa Yihudaa guutummaatti dhaga'amee, bal'aattis dubbatame. 66Warri kana dhaga'an hundinuu immoo dubbicha garaatti qabatanii, ?Mucaan kun maal ta'inna laata? Dhugumaan harki Waaqayyoo hamma ammaatti isaa wajjin ture? jechaa turan*.#59 Uma 17:12; Lew 12:3; Luq 2:21 63 1:13 66 HoE 11:21

Raajii Zakaariyaas Dubbate

67Zakaariyaas abbaan mucichaa hafuura qulqulluudhaan guutamee raajii dubbate;

68?Waaqayyo gooftaan Israa'el,

kan galateeffamuu dha,

saba isaa furuudhaaf dhufe*;

69fayyisaa aango-qabeessas#Luq 1:69 Aango-qabeessa Grii ?Gaanfa fayyinaa.? nuuf kaase,

lataa garbicha isaa Daawit keessaa*.

70Afaan qulqulloota raajota isaatiin

dubbachaa akka ture,

bara durii duriitii jalqabee*,

71harka diinota keenyaa akka nu oolchu,

qabaa warra nu jibban hundumaa keessaas akka nu baasu*;

72abboota keenyaafis araara akka godhuuf,

kakuu isaa isa qulqullaa'aa akka yaadatuuf*;

73abbaa keenya Abrahaamiif isa dhaabe nuuf kennuudhaaf,

kakuudhaan akka jabeesse;

74harka diinota keenyaa nu oolchuudhaaf,

nus sodaa malee akka isaaf hojjennu gochuudhaaf*;

75qulqullummaa fi tolatti fuula isaa dura jiraachuudhaaf,

bara jireenya keenya hundumaatti*.

76Ati immoo yaa mucaa nana, raajii aabbaa in jedhamta;

karaa isaa qopheessuudhaaf

fuula gooftaa dura in adeemta*;

77beekumsa fayyinaa saba Waaqayyoof kennuudhaaf,

dhiifamuu cubbuu isaaniis argachiisuudhaaf*;

78Waaqayyo keenya, araara isaa isa oo'aan guuteen,

barii fayyinaa nuuf bariisisa*;

79warra dukkanaa fi gaaddisa du'aa keessatti

argamanitti mul'achuudhaaf,

miilla keenyas daandii nagaa irra geggeessuudhaaf? jedhe*.

80Mucichi guddachaa, hubachaas in adeema ture; hamma guyyaa mul'inatti hojii isaa saba Israa'el keessatti jalqabettis, lafa onaa keessa in jiraata ture*.#68 Far 41:13; 72:18; 106:48; 111:9 69 Far 18:2 70 HoE 3:21; Er 23:5-6 71 Far 106:10; 132:24 72 Far 106:45 73-74 Far 105:8-9; Uma 22:16-18 75 Tit 2:12 76 Mil 3:1; Isa 40:3; Mat 3:3 77 Isa 43:11; Mar 1:4 78 Mil 4:2; 2Phe 1:19 79 Yoh 8:12; Isa 9:1-2; 11:6; Mat 4:16 80 2:40; 3:1-18

Currently Selected:

WANGEELA LUQAAS 1: MacQul

Highlight

Copy