Macaafa Hose'a Raajichaa 9
9
Gadda Saba Israa'el Irratti Dubbatame
1Yaa Israa'el, ati ejjuu keetiin
Waaqayyo kee irraa waan gara galteef,
midhaan oobdii hundumaa irratti
argattus
<<Gatii gaalamootummaa kootii ti>> jettee
fudhachuu waan jaallatteef hin gammadin,
akka saba warra kaaniittis hin ililchin*!
2Oobdii midhaanii keessatti midhaan,
iddoo waynii itti cuunfan
keessatti wayniin
namootaaf hin argamu;
daadhiin waynii haaraas
isaan in dida*.
3Isaan biyya Waaqayyo isaaniif kenne
keessatti hin hafan;
Efreem gara biyya Gibxiitti in deebi'a,
biyya Asorittis nyaata xuraa'aa nyaachuuf jira*.
4Isaan dhibaayyuu daadhii waynii
Waaqayyoof hin dhibaafatan,
qalma gubamus
isaaf hin qopheessan;
buddeenni isaanii akka buddeena
warra gaddaa isaanitti in ta'a;
buddeenni isaanii mataa isaanii duwwaadhaaf
waan ta'eef,
gara mana Waaqayyoo hin dhufu;
warri isa nyaatan hundinuus in xureeffamu.#1 1:2; 4:13-14 2 2:7,11 3 8:13; His 4:13; Dan 1:8
5Guyyaa ayyaana beekameetti,
guyyaa ayyaanaa isa kan Waaqayyootti
maal gochuuf jirtu*>>
6Isaanoo yommus badiisa
duraa in adeemu;
biyyi Gibxii walitti isaan in guurti,
mandarri Memfiis
awwaala isaanii in taati,
mi'a meetii isaanii warra gati-jabeeyyii
aramaan irra gara gala,
godoo isaanii keessattis
qoraattiin in biqila*.#5 Bau 23:14-17 6 10:8
7Guyyoonni adabaa ga'aniiru,
guyyoonni itti gatii ofii
argatanis ga'aniiru;
warri Israa'el kana beekuuf jiru;
yakki keessan guddaa waan ta'eef,
diinummaan keessanis waan baay'ateef,
<<Raajichi qalbii dhabeera,
namichi hafuuraan dubbatus maraateera>> jettaniittu*.
8Namoonni Efreem
balbaluma godoo isaanii duratti
raajicha in gaadu;
kiyyoon warra simbira qabduu
karaa isaa hundumaa dura,
diinummaanis mana Waaqayyo isaa
keessa jira*.
9Akkuma isa bara
mandara Giibe'aatti ta'e,
isaanis amala ofii isaanii mancaasaniiru;
Waaqayyo yakka isaanii in yaadata, cubbuu isaaniis itti in ilaala*.#7 Luq 21:22; Mar 3:21-22 8 Er 11:21-22 9 10:9; Abo 19:20-30; 20:13
Wanta Sababii Cubbuuf Israa'elitti Dhufe
10Waaqayyo <<Akka nama lafa duwwaa keessatti
ija waynii argateetti,
ani Israa'elin nan argadhe;
abboota keessanis
akka ija mukti harbuu
jalqaba godhate,
isa dura bilchaateetti nan ilaale;
isaan garuu gara Ba'aal
isa Phe'or dhufan,
Waaqayyo tolfamaa isa yeellaasisaa kanaaf
addaan of baasan;
akkuma isa jaallatan sanaas ciiggaasisoo ta'an*.
11Ulfinni Efreem
akka simbirroo
duraa balali'ee in sokka,
mucaa godhachuun, waa garaatti hafuun,
ulfaa'uunis hin jiru.
12Isaan ijoollee yoo guddifatan iyyuu,
tokko illee utuu hin hafin
isaan nan dhabsiisa;
yeroo ani isaan irraa gargar ba'utti isaaniif wayyoo!
13Akkuman arge
Efreem akka muka meexxii
iddoo lalisaa keessa dhaabatuu ture;
amma garuu ilmaan isaa
warra qalutti geessuun irra jira>> jedhe.
14Yaa Waaqayyo, ati isaaniif kenni! Garuu maal kennitaaf laata>> Gadameessa ulfi irraa ba'u, harma gogaas isaaniif kenni!#10 Lak 25:1-5; Kes 32:10
Firdii Israa'el Irra Ga'u
15Waaqayyo,
<<Jal'inni isaanii hundinuu
Giilgalitti argame,
ani achitti isaan jibbuutti nan ka'e;
ani sababii hojii isaanii isa jal'aadhaaf
mana koo keessaa oofee isaan nan baasa;
ani deebi'ee isaan hin jaalladhu,
gurguddoonni isaanii hundinuu mormituu dha.
16Ijoolleen Efreem rukutamaniiru,
isaan akka muka hiddi isaa gogee ta'aniiru;
isaan sanyii hin godhatan,
utuu isaan ijoollee godhatanii iyyuu,
ani ijoollee isaanii warra jaalallee garaa isaanii
isaan duraa nan ajjeesa>> jedhe.
17Sababii isaan gara Waaqayyo koo
dhaggeeffachuu didaniif,
inni isaan in gata;
isaanis saba warra kaan
keessa in jooru*.#17 Uma 4:14
Currently Selected:
Macaafa Hose'a Raajichaa 9: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
