Macaafa Hose'a Raajichaa 6
6
Geddarannaan Yaada Garaa Inni Hundee Hin Qabne Adabamuu Fiduu Isaa
1Isaan, yommus
<<Kottaa gara Waaqayyootti in deebinaa!
Isatu nu tatarsaase,
isatus nu fayyisa;
isatu rukutee nu mammadeesse,
isatus erbee irra buusee
nuuf hidha*.
2Guyyaa lama booddee deebisee nu fayyisa,
sadaffaatti ol nu kaasa;
fuula isaa dura in jiraanna*.
3Egaa kottaa Waaqayyoon in barraa,
isa beekuudhaafis in dhamaanaa!
As ba'uun isaa akka ifa barii lafaa dhaabataa dha;
inni akka bokkaa, akka bokkaa arfaasaa
isa roobee lafa jiisuutti
nuuf in dhufa>> in jedhu.#1 5:14 2 Kes 32:39
4Waaqayyo garuu,<<Yaa Efreem,
ani maal si godhu>>
Yaa Yihudaa, si immoo maal godhu>>
Jaalalli kee akka hurrii ganamaa ti,
akka fixeensa ganamaan
dafee bu'uu tis.
5Kanaafis ani karaa raajotaa sin qiqqirixe,
dubbii afaan kootii ba'uunis sin ajjeese;
wanti na duratti qajeelaa ta'ee raawwatamu
akka ifaa bakkee in ba'a.
6Ani jaalala nan barbaada malee,
aarsaa miti;
aarsaa gubamu caalaa immoo
ana Waaqayyoon beekuu keessan nan barbaada*.#6 Isa 1:10-20; Mik 6:8; Mat 9:13; 12:7; 1Sam 15:22; Fak 21:3
Sabni Waaqayyoo Kakuu Cabsee Jal'ina Hojjechuu Isaa
7<<Isaan garuu iddoo <<Adaamaa>> jedhamutti kakuu cabsan;
achittis anaaf hin amanamne.
8Giil'aad mandara warra hamaa hojjetanii
isa faana-dha'ame dhiigni
keessatti argamee dha*.
9Warri saamtuun riphanii
akkuma nama eeggatan,
luboonnis walitti hidhatanii
karaa Sheekem dhaqu irratti
nama in ajjeesu;
isaan jal'ina akkasii in hojjetan.
10Namoota Israa'el gidduutti
wanta dhagna namaa suukessu argeera;
Efreem achitti
ejjummaa isaa in argisiisa;
Israa'elis of in xureessa*.
11Saba koo warra kana gara gaariitti
yommuun deebisu,
yeroon haamamuu kee immoo
dhaaba in godhata, yaa Yihudaa!#8 12:12 10 5:3
Currently Selected:
Macaafa Hose'a Raajichaa 6: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
