Seera Uumamaa 49

Dubbii Yaaqoob Gara Dhumaatti Dubbate

1Yommus Yaaqoob ilmaan isaa ofitti waame,<<Wanta gara fuula duraatti isinitti dhufu akkan isinitti himuuf walitti qabamaa!

2Yaa ijoollee Yaaqoob, wal ga'aa dhaga'aa,

gara abbaa keessan Israa'el dhaggeeffadhaa!

3<<Ruuben, ati dhala koo isa angafa

humna koo, qara jabina koo ti,

ulfinaan in caalta,

irreedhaanis in caalta*!

4Ati ittisa hin qabnee akka lolaa ti,

siree abbaa keetti waan ol baateef,

ati afata kootti ol baate,

afata haraamu waan gooteef,

caalimaa hin qabaattu*!#3 29:32; Kes 21:15-17 4 35:22

5<<Shimi'oonii fi Lewwiin obboloota,

mi'i isaanii waraana ittiin humnaan

nama irratti ka'anii dha;

6isaan aarii isaaniitiin nama waan ajjeesaniif,

melleggoo isaaniitiinis sangaa waan naafisaniif,

lubbuun koo maree isaaniitti hin lixin,

yaadni koos hidhata isaanii hin ta'in!

7Aariin isaanii jabaa,

dheekkamsi isaaniis gara-jabeessa

waan ta'eef,

abaaramaa haa ta'u!

Ani biyya Yaaqoobitti

gargar isaan nan hira,

biyya Israa'elittis isaan nan bittimsa*.#5-7 34:25-31; Iya 19:1-9

8<<Yaa Yihudaa, si immoo

obboloonni kee in jajatu,

harki kee morma diina kee irra jira;

ilmaan abbaa keetiis siif in qoomma'u*!

9Yihudaan saafela leencaa ti,

yaa ilma ko, ati

adamoodhaan guddatteetta,

inni hirkatee akka leencaatti in ciise,

egaa isa akka leenca dhalaa kana eenyutu kaasa ree*>>

10Siiqeen Yihudaa irraa hin darbu,

uleen mootummaas dhala dhala isaa harkaa hin dhabamu!

Kunis hamma inni qabachuun ta'uuf#Uma 49:10 <<Inni qabachuun ta'uuf>> Ib<<Shiilon hamma dhufutti yookiis hamma inni Shiiloo dhufutti?.,

hamma inni sabni abboomamuuf sun

dhufutti in ta'a*.

11Inni harree isaa muka wayniitti,

ilmoo harree isaas

waynii fo'amaa gidduutti in hidhata;

inni uffata isaa daadhii wayniitti,

wayyaa isaas dhiiga ija wayniitti in miiccata;

12daadhii wayniitiin iji isaa in qarama,

aannaniinis ilkaan isaa in addaata*.#8 Lak 10:14-16; Abo 1:1-2 9 Lak 23:24; Kes 33:20; His 19:1-9; Mul 5:5 10 Lak 24:17; 1Sen 5:2; 28:4; Ibr 7:14 11-12 Yoe 4:18

13<<Zebuloon qarqara galaanaa in jiraata,

inni lafa buufata markabaa in ta'a;

daariin isaas Sidoon bira in ga'a*.#13 Iya 19:10-16; Kes 33:18-19

14<<Yisaakor akka harree

isa dugda jabaatuuf,

isa daaraa keessa ciisuu ti;

15inni iddoon boqonnaa tokko gaarii,

lafti isaas gammachiisaa ta'uu isaa arge;

kanaaf baachuudhaaf gatiittii isaa

gad itti qabee,

hojii humnaan itti dadhabanittis garbicha ta'e!

16<<Daan gosa Israa'el keessaa

akka isa tokkoo ti,

saba isaaf firdii in baasa*;

17Daan akka bofa karaa keessaa,

akka mar'ataa daandii bukkee

isa laafina kottee fardaa iddee,

abbaa fardaa dugda duubaan kuffisuu in ta'a.#16 Abo 13:2,24-25

18<<Yaa Waaqayyo,

ani fayyisuu kee nan eeggadha*!

19<<Warri saamtuun Gaadin saamuudhaaf

bira in ga'u,

inni garuu gara galee

faana isaanii duukaa bu'ee isaan in sarda!

20<<Asheer buddeenni isaa in furdata,

nyaata miyaa'aa mootiidhaaf ta'u in dhi'eessa*.#18 Far 119:116 20 Kes 33:24; Iya 19:24-31

21<<Niftaalem akka borofa

gad dhiifamee ti,

inni afaan isaatiin sagalee gaggaarii in dubbata.

22<<Yoseef akka muka ija godhatuu ti,

akka muka ija godhatu

isa bishaan burqituu bukkee dhaabatuu ti;

dameewwan isaas keenyan irra in yaa'u.

23Warri iddaa baatan isa in duchiisan,

xiyya itti gad dhiisanii,

diinummaa isatti argisiisan.

24Haa ta'u iyyuu malee,

iddaan isaa takkaa hin laafne,

harka isa aango-qabeessa

kan Yaaqoobiin,

maqaa tiksee sanaa, kattaa isa

kan Israa'eliin,

irreen isaa ariifataa ta'e.

25Waaqayyo inni kan abbaa keetii, si haa gargaaru!

Waaqayyo inni hundumaa danda'u,

eebba ol waaqaraatiin,

eebba callaboo lafa jala ciisuutiin,

eebba harma mirgisuu fi

gadameessa dhala godhatuun,

si haa eebbisu!

26Eebbi abbaa kee,

eebba tulloota bara baraa gara irraa ti,

coccophsa gaarota bara baraan jiraatanii

gara irraatti in jabaata!

Isaan kun mataa Yoseef irra,

gubbee mataa isa obboloota isaa keessaa

addaan ba'e sanaa irra haa buufatan*!#25-26 Kes 28:3-6; 33:13-16

27<<Benyaamiin akka yeeyyii

waan qabe ciruu ti,

inni ganama isa adamse in cucuffata,

galgala immoo boojuu in hira!>> jedhe*.#27 Abo 20:25; 1Sam 9:1-2

28Isaan kun hundinuu gosa Israa'el warra kudha lamaanii dha; abbaan isaanii tokko tokkoon eebba isaaniif ta'u yeroo isaan eebbisetti, wanti inni itti dubbates kana ture.

Yaaqoob Waa'ee Awwaala Isaa Dhaammatee Du'uu Isaa

29Kana booddee Yaaqoob,<<Ani gara saba kootti sassaabamuu ga'eera, isin abboota koo biratti holqa lafa Efron namicha biyya Heet sanaa keessatti na awwaalaa?! jedhee isaan in abboome. 30Itti fufees,<<Holqichi isa fuullee Mamree, maasii Makfelaa isa biyya Kana'aan keessaa Abrahaam, Efron namicha biyya Heet sana irraa lafa awwaalaa akka ta'uuf bitee dha*. 31Abrahaamii fi haadha manaa isaa Saaraa achitti awwaalan; Yisihaqii fi haadha manaa isaa Ribqaa achitti awwaalan; anis Liyaa achittan awwaale; 32maasiin sunii fi holqi isa keessa jiru namoota biyya Heet irraa bitame>> isaaniin jedhe*. 33Yaaqoob yeroo ilmaan isaa gorfatee raawwatetti, miilla isaa siree irratti ol deebifatee, in obbaafate, gara saba isaattis in sassaabame.#29-30 23:3-20 31-32 25:9-10; 35:29

Currently Selected:

Seera Uumamaa 49: MacQul

Highlight

Copy