Macaafa Hisqi'el Raajichaa 38

Goog Irratti Raajiin Dubbatamuu Isaa

1Dubbiin Waaqayyoo gara koo dhufee, 2<<Yaa mucaa namaa! Fuula kee gara Goog isa biyya Maagoog jirutti, isa [Rosh] Meshekii fi Tubaal irratti angafa ta'etti gara galchii raajii irratti dubbadhu*! 3Waaqayyo gooftaan,<<Yaa Goog angafa Rosh, angafa Meshek, angafa Tubaalis! Kunoo, ani si irratti ka'eera! 4Ani gara sin galcha, hokkoos mangaagaa kee keessa nan kaa'a, sii fi loltoota kee hundumaa, fardeen kee, abboota fardeenii warra mi'a waraanaa guutummaatti hidhatan, warra gaachana guddaa fi gaachana xinnaa qaban, warra billaa qabatan hundumaas gad nan baasa*. 5Warri Faares, warri Kuush, warri Fuxis isaanii wajjin jiru; hundumti isaaniis gaachanaa fi maddaa sibiilaa qabu; 6Gomerii fi loltuun isaa hundinuu, Bet-Togaarmaan gara bitaa isa fagoodhaa, loltuu isaa wajjin, sabni baay'eenis sii wajjin jiru*.#2 32:26-27; 39:6; 27:13; Mul 20:8 4 29:4; 39:1-3 6 27:14

7<< <Ati ofii keetii qophaa'i! Warra si biratti walitti qabaman hundumaa wajjinis qophaa'aa; ati immoo eegduu isaanii ta'i! 8Ati bara baay'ee booddee lolaaf in waamamta; waggaa baay'ee booddees biyya isa dhi'oo lolli irraa cite, isa sabni isaa saba baay'ee keessaa tulloota Israa'el irratti walitti qabame, isa diigamee ture, isa isaan hundumti isaanii amma nagaadhaan keessa jiraatan sana irratti in kaata; 9ati, loltuun kee hundinuu, sabni baay'een warri sii wajjin jiran akka bubbee isaanitti in dhuftu, akka duumessa lafa uffisuus in taatu>> jedha>> jedhi!

10Waaqayyo gooftaan,<<Bara sanatti garaa kee keessatti in yaadda, akeeka hamaas in qopheeffatta; 11ati<<Biyya isa gandeen isaa dallaa hin qabnetti nan duula; ani gara saba warra of irraa bu'anii bir'aa malee jiraataniitti nan darba; isaan hundumti isaanii dallaa, karra, danqaraas hin qaban*; 12ani biyya isa diigamee ijaarame sana irratti harka koo ol fudhadhee, isaan warra saba warra kaan keessaa walitti qabaman, warra horii baay'ee fi mi'a qaban, warra handhuura lafaa irra jiraatanis nan booji'a nan saamas>> in jetta*. 13Sheebaa fi Dedaan, naggaadonni biyya Tarshiishii fi ilmooleen leencaa ishee hundinuu,<<Ati saamuudhaaf dhufte moo>> Ati warqeedhaa fi meetii fudhachuudhaaf, horii fi mi'a baay'ee saamuudhaaf loltuu kee walitti qabattee dhufte moo?>> siin in jedhu>> jedha.#11 34:28; Zak 2:8 12 Abo 9:37

14Kanaaf Waaqayyo gooftaan,<<Yaa mucaa namaa! Ati Goog irratti raajii dubbadhu!<<Bara sabni koo Israa'el nagaatti jiraatu sana ati in beekta mitii ree>> 15Ati iddoo kee biyya gara bitaa isa fagoodhaa in dhufta, sabni baay'eenis sii wajjin achii ba'anii in dhufu; hundumti isaaniis farda in yaabbatu; isaan saba baay'ee dha, loltuu jajjaboo dhas*. 16Yaa Goog! Ati akkuma duumessi gad bu'ee lafa uffisu, saba koo Israa'el irratti gad in buuta; sabni warri kaan yommuu ani isaan duratti karaa kee qulqullummaa koo mul'isu akka na beekaniif, ani guyyaa booddeetti biyya koo irratti sin kaasa>> jedha>> jedhiin*.#14-15 Er 1:14 16 Bau 14:4; His 38:23; Sef 3:8

17Ammas Waaqayyo gooftaan,<<Ati isa ani dur karaa garboota koo raajota Israa'el waa'ee isaa dubbachaa ture sana mitii>> Bara sana akkan isaan irratti si fidu isaan raajii dubbataniiru*; 18bara sana Goog biyya Israa'el yommuu lolu, aariin koo inni boba'aan in ka'a>> jedha; Waaqayyo gooftaan kana dubbateera. 19<<Ani hinaaffaa koo fi aarii koo isa akka ibiddaa boba'uun bara sanatti socho'i lafaa guddaan biyya Israa'el keessatti akka ta'u nan dubbadha. 20Qurxummiin galaana keessaa, simbirroonnii fi allaattonni qilleensa keessa balali'an, bineensonni caakkaa keessa jiraatan, uumamni warri lafa irra munyuuqan hundinuu, namoonni lafa irra jiran hundinuus fuula koo duratti in hollatu; tulloonni gad in darbatamu, bowwaanis in jiga, keenyan hundinuus in kufa; 21ani tulluu koo hundumaa irraa Goog irratti billaa nan waama; namni hundinuu billaa isaa obboleessa isaa irratti ol in fudhata>> jedha Waaqayyo gooftaan*. 22<<Ani dha'ichaa fi dhiiga dhangalaasuudhaan isatti nan farada; ani bokkaa yandoo, cabbii, ibiddaa fi dhagaa boba'us isa irratti, loltuu isaa irratti, saba baay'ee warra isaa wajjin jiran irrattis nan roobsa; 23ani guddaadhaa fi qulqulluu ta'uu koo nan argisiisa; saba baay'ee durattis nan beekama; yommus ani Waaqayyo akkan ta'e isaan in beeku>> jedha*.#17 Er 1:14; His 39:2; Sef 3:8 21 Abo 7:22 23 35:14-15; 36:23

Currently Selected:

Macaafa Hisqi'el Raajichaa 38: MacQul

Highlight

Copy