Macaafa Lallabaa 8

Akki Itti Waaqayyo Hojjetu Dhoksaatti Ta'uu Isaa

1Namni ogeessi

hiikaa wanta kanaa

beekuu danda'u jiraa>>

Ogummaan namaa fuula isaa in ibsaaf,

nyaara isaas in hiikaaf.

2Ati Waaqayyo duratti mootiidhaaf

waan kakatteef,

wanta inni si abboomu akka gootu sin gorsa.

3Fuula mootii duraa ariitiidhaan hin adeemin,

inni wanta jaallate gochuu

waan danda'uuf,

dubbii hin taaneefis hin dhaabatin*!

4Mootiin aboodhaan waan dubbatuuf,

namni,<<Ati maaliif kana goota?>>

ittiin jedhu hin jiru;

5nama abboommii isaa eegutti

wanti hamaan hin dhufu;

garaan nama ogeessaa

yeroo itti waa hojjetanii fi

akka itti hojjetan beeka.

6Wanti hamaan nama irra ga'ee

yoo itti jabaate iyyuu,

wanti ta'u hundinuu

yeroo itti ta'uu fi

akka itti ta'u qaba*;

7namni wanta ta'uuf jiru hin beeku,

yeroo inni itti ta'uuf jirus

eenyutu isatti himuu danda'a*>>

8Namni hafuurri akka hin yaane

abboomuu hin danda'u;

akkasumas namni guyyaa du'aa irratti

gooftummaa hin qabu;

akkuma yeroo lolaatti

loltuun gad dhiifamuu hin dandeenye,

wanti hamaan warra isatti qabaman

gad hin dhiisu.#3 Fak 20:2 6 3:1 7 10:14

9Ani wanta kana hundumaa argeera;

wanta aduu jalatti ta'u hundumaas

qoree bira ga'eera;

yeroon inni tokko

warra kaan irratti mo'ee

isaan miidhus jira.

10Ergasiis warri hamoonni iddoo qulqullaa'aadhaa gad ba'aa, ol galaa turan akka awwaalaman nan arge; naannoon isaan jal'ina keessatti hojjechaa turanis isaan hin yaadatu; kunis wanta waa'ee hin baafnee dha; 11adabni warra wanta hamaa hojjetan irra dafee waan hin geenyeef, garaan ilmaan namootaa guutummaatti wanta hamaa hojjechuutti in jabaata*. 12Namni cubbamaan si'a dhibba hamaa hojjetee bara dheeraa yoo jiraate illee, warri Waaqayyoon sodaachaa fuula isaa dura jiraatan isa caalaa gaariitti akka jiran ani beeka. 13Namni hamaan garuu Waaqayyoon sodaachaa fuula isaa dura waan hin deddeebineef, bara isaa akka gaaddisaa dheereffachaa hin adeemu*.#11 Iyo 35:15-16; Mil 3:14-15 12-13 Far 37:17-20; 73:17-26; Fak 10:27

14Wanti waa'ee hin baafne lafa irratti hojjetamu tokko jira; innis, isa wanta namoota qajeelotaaf ta'u warri jal'oonni argatanii, isa warra jal'ootaaf ta'u immoo warri qajeelonni argatanii dha; kunis immoo wanta waa'ee hin baafnee dha*.

15Namni bara lafa irra jiraatutti nyaatee, dhugee, gammaduu irra kan caalu qannoon waan hin jirreef, ani gammachuu nan jaja; gammachuun kun bara isa Waaqayyo lafa irratti akka namni itti dadhabee hojjetuuf kenneef kana keessatti isa bira kan jiruu dha*.#14 7:15 15 2:24-25

16Ani ogummaa qoree baruuf, wanta lafa irratti hojjetamus arguuf yaada koo irra kaa'eera; namni kana qoruu barbaadu iji isaa halkanii fi guyyaa hirriba hin argatu; 17ergasiis ani wanta Waaqayyo aduu jalatti hojjete hundumaa namni tokko illee hubachuu akka hin dandeenye nan arge; namni hamma fedhe illee itti yaadee yoo qore, hiikaa wanta lafa irratti ta'aa jiruu argachuu hin danda'u; namni ogeessi kana kan beeku yoo of se'e iyyuu, qoree bira ga'uu hin danda'u*.#16-17 3:11; 1:13,17; 2:22-23; Isa 55:8-9

Currently Selected:

Macaafa Lallabaa 8: MacQul

Highlight

Copy