HOJII ERGAMOOTAA 7

Deebii Isxifaanos Yaa'ii Duratti Kenne

1Angafni lubootaa yommus, ?Kun dhugumaan akkasii?? jedhee Isxifaanosiin in gaafate. 2Isxifaanos immoo deebisee, ?Obbolootaa fi abboota nana, na dhaggeeffadhaa! Abrahaam abbaan keenya Kaaraan dhaqee utuu hin taa'in, utuma inni Mesophotaamiyaa jiruu, Waaqayyo ulfina gooftummaa isaatiin itti mul'atee*, 3?Biyya kee keessaa lammii kee keessaas ba'iitii, gara biyya ani si argisiisuu dhaqi!? ittiin jedhe*. 4Kana irratti biyya Kaldootaa dhiisee, ba'ee biyya Kaaraan taa'e. Erga abbaan isaa du'ee immoo Waaqayyo achii isa baasee, gara biyya isin amma keessa jiraattanitti isa dabarse*. 5Waaqayyo egaa Abrahaamiif lafa faana tokkittii illee dhuunfaa hin kennineef, garuu Abrahaam yeroo sanatti dhala yoo qabaachuu dhabaate iyyuu, ?Lafa kana siif, si booddees dhala dhala keetiif nan kenna? jedhee abdachiise*. 6Waaqayyo waa'ee kanaatiif Abrahaamiin, ?Ijoolleen ijoollee keetii biyya ormaatti galaa in ta'u, achittis garbummaatti waggaa dhibba afuriif in cunqurfamu. 7Ani immoo saba warra isaan garbummaatti hojjechiifatu sanatti nan farada; kana booddees isaan biyya sanaa ba'anii, iddoo kanatti anaaf in sagadu? jedhee ture*. 8Waaqayyo yeroo sanatti milikkita walii galteetiif, kakuu dhagna-qabaa Abrahaamiif kenne. Kanaafis Abrahaam ilma isaa Yisihaqin, dhalatee guyyaa saddeettaffaatti dhagna qabe; Yisihaqis ilma isaa Yaaqoobiif, Yaaqoobis ilmaan isaa kudha lamaan, warra abboota gosa sanaa ta'aniif akkasuma godhe*.#2 22:11; Uma 11:31?12:1 3 Uma 12:1 4 Uma 12:4-5; 15:7 5 Uma 12:7; 13:15; 15:18; 17:8 6-7 Uma 15:13-14; Bau 3:12 8 Uma 17:10-14; 21:2-4; 25:26; 29:31?35:18

9?Warri abboota gosaa ta'an sun, Yoseefitti hinaafanii gara biyya Gibxitti isa gurguran. Waaqayyo garuu isaa wajjin ture*; 10rakkina isaa hundumaa keessaa isa oolchee fuula Fara'oon mootii Gibxii durattis simboodhaa fi ogummaa kenneef; mootichi immoo bulchaa biyya Gibxii fi abboomaa qabeenya mana isaa hundumaa isa godhate*. 11Bara sanatti biyya Gibxii hundumaaf Kana'aan irratti beellii fi rakkinni guddaan in bu'e; abboonni keenyas waan nyaatan argachuu hin dandeenye*. 12Garuu Yaaqoob biyya Gibxi midhaan akka jiru dhaga'ee, yeroo jalqabaa abboota keenya erge*. 13Ala lammaffaatti garuu Yoseef obboloota isaatti of mul'ise, horteen Yoseef, Fara'oon mooticha duratti beekaman*. 14Kana booddee Yoseef itti ergee, Yaaqoobii fi firoota isaa warra hafan lubbuu torbaatamii shan waamsise*. 15Akkasitti Yaaqoob biyya Gibxitti gad bu'ee achitti in du'e; abboonni keenyas akkasuma achitti in du'an*. 16Lafeewwan isaaniis Sheekemitti geeffaman, achitti iddoo Abrahaam, ijoollee Hemoor nama biyya Sheekem irraa, meetiidhaan bitee turetti in awwaalaman*.#9 Uma 37:11,28; 39:2,21 10 Uma 41:37-44; Far 105:21 11 Uma 41:54; 42:5 12 Uma 42:1-2 13 Uma 45:1,16 14 Uma 45:9-11,17-19; 46:27 15 Uma 46:1-7; 49:33; Bau 1:6 16 Uma 23:2-20; 33:19; 50:7-13; Iya 24:32

17?Yeroon abdii Waaqayyo Abrahaamiif kenne dhi'aachaa adeemnaan, sabni keenya biyya Gibxitti guddatee, lakkoobsaanis baay'atee ture. 18Kun immoo hamma mootiin Yoseefin hin beekne haaraan tokko ka'ee, biyya Gibxitti mo'etti ta'e*. 19Inni sanyii keenya haxxummaadhaan qabee, daa'imoonni isaaniis akka hin jiraanneef, bakkeetti akka gatan abboota keenya rakkise*. 20Bara sanatti Museen dhalate. Inni mucaa Waaqayyo itti gammadu ture; hamma ji'a sadiittis mana abbaa isaa keessatti in eegama ture*. 21Yeroo bakkeetti baafametti immoo intalli Fara'oon isa fudhattee, akka ilma isheetti isa guddifte*. 22Museen ogummaa warra Gibxi hundumaa barsiifame; ofii isaatiis dubbiitti hojiittis nama danda'aa ture.#17-18 Bau 1:7-8 19 Bau 1:10-11,22 20 Bau 2:2; Ibr 11:23 21 Bau 2:3-10

23?Nama waggaa afurtamaa yommuu ta'e, akka obboloonni isaa namoonni Israa'el itti jiraatan ilaaluudhaaf, yaadni garaa isaa keessaa ka'e. 24Yeroo sanatti namni tokko, harka namicha Gibxitti utuu miidhamuu argee, isa miidhame sana namicha harkaa baasuudhaaf gara isaa goree, namicha Gibxi sana rukutee ajjeese*. 25Innoo, Waaqayyo harka isaatiin furii akka isaaniif kennu, obboloonni isaa waan isa hubatan se'ee ture, isaan garuu hin hubanne. 26Borumtaas utuu isaan walii isaanii wal qoccolanii, Museen itti dhufee, ?Jara nana, isinoo obbolootaa, maaliif walitti darbitu?? jechuudhaan isaan araarsuu barbaade. 27Namichi inni hiriyaa isaatti darbe sun garuu, of irraa achi isa darbatee, ?Nu irratti immoo eenyutu seerrattuudhaa fi abbaa firdii si godhe? 28Akka kaleessa namicha Gibxi sana rukuttee ajjeefte, anas ajjeesuu kajeeltee?? ittiin jedhe*. 29Dubbii kana irratti Museen baqatee, biyya Miidiyaanitti galaa ta'ee jiraate; achitti ilmaan lama in godhate*.#23-24 Bau 2:11-12 26-28 Bau 2:13-14; Luq 12:14; HoE 7:35 29 Bau 2:15,21-22; 18:3-4

30?Waggaa afurtama booddee kunoo lafa onaa gaara Siinaatti, huuxxii qoraattii akka ibiddaa boba'u tokko keessatti, ergamaan Waaqayyoo Museetti in mul'ate. 31Museen yommuu isa arge mul'ata kana dinqifatee, ilaaluufis itti dhi'aatee, sagalee gooftaa dhaga'e, 32?Waaqayyo ana! Kan abboota keetii, Waaqayyo isa kan Abrahaam, kan Yisihaq, kan Yaaqoobis? ittiin jedhe. Museen in rom'e, gara isaa ilaaluufis ija hin jabaanne. 33Gooftichi yommus, ?Iddoon ati dhaabattu kun lafa qulqullaa'aa waan ta'eef, kophee miilla keetii baasi! 34Ani miidhama saba koo warra Gibxi jiranii argeera, aadnaa isaanii dhaga'eera, isaan furuudhaafis gad bu'eera; ammas kottu gara Gibxitti sin erga? ittiin jedhe*. 35Museen kun, isuma isaan gananii, ?Eenyutu seerrattuudhaa fi abbaa firdii si godhe?? ittiin jedhanii dha; Waaqayyo harka ergamaa isaa isa huuxicha qoraattii keessatti itti mul'ateetiin, akka seerratutti akka furuttis isa ergeera*. 36Inni kun biyya Gibxiitii isaan baase. Gibxiidhaa yeroo baasetti, galaana Ertiraatti, waggaa afurtama yeroo lafa duwwaa keessa isaan geggeessettis dinqiidhaa fi milikkita godhe*. 37Museen inni namoota Israa'eliin, ?Waaqayyo anaan akkuma kaase, obboloota keessan keessaa raajii tokko isiniif in kaasa? jedhe isuma kana*. 38Ergamaa Waaqayyoo isa gaara Siinaa irratti isatti dubbate sanaaf, abboota keenya warra lafa duwwaatti walitti qabaman gidduu kan dhaabate, isuma kana; isumatus dubbii jiraataa nutti kennuudhaaf fudhate*.#30-34 Bau 3:1-10 35 Bau 2:14; 3:2 36 Bau 7:5; 14:21; Lak 14:33 37 3:22; Kes 18:15,18 38 7:53; Bau 19:1?20:17; Kes 5:1-33; 9:10

39?Abboonni keenya garuu Museef abboomamuu hin jaallanne, of irraa isa darbatanii yaadaan gara Gibxitti deebi'an*. 40Isaan yommus Aaroniin, ?Ka'i, waaqayyolii dura-buutuu nuuf ta'an nuuf tolchi! Museen inni biyya Gibxiitii nu baase silaa, waan inni ta'e hin beeknu? jedhan*. 41Isaan yeroo sanatti waan akka jabbii tolchanii, waaqayyicha tolfame sanaafis aarsaa dhi'eessan; ulfina hojii harka isaanii kanas in ayyaaneffatan*. 42Waaqayyo garuu isaan irraa gara galee, urjoota waaqa keessaatti akka sagadaniif dabarsee isaan kenne. Macaafa raajotaa keessatti akkuma caafame,

?Yaa namoota Israa'el,

waggaa afurtama lafa duwwaa sana keessatti

horii qalmaa fi aarsaa anaaf dhi'eessitaniittu moo ree?

43Isinoo godoo Molok isa uffata irraa hojjetamee fi

bifa urjii waaqayyicha:- Reefaan jedhamu baattan;

isin isaaniif sagaduudhaaf

waaqayyolii tolfaman hojjetattan;

anis immoo isin baasee,

biyya Baabilon irra fagaatutti isin nan dabarsa? jedhe*.#39 Lak 14:3 40 Bau 32:1,23 41 Bau 32:2-6 42-43 Amo 5:25-27

44?Abboonni keenya lafa duwwaa sana keessatti ?Godoo dhaabaa? of biraa qabu turan; godoon sunis akka isa Waaqayyo Museetti argisiisee, ?Akkasitti qopheessi? ittiin jedhetti, kan hojjetame ture*. 45Abboonni keenya warri isaan booddees godicha fudhatanii, Iyaasuudhaa wajjin biyya saba warra Waaqayyo isaan duraa oofee baasetti galan; godichis hamma bara Daawititti isaan gidduu ture*. 46Daawit yommus Waaqayyo duratti ayyaana argatee, Waaqayyo isa kan Yaaqoobiif mana ijaaruudhaaf gaafate*. 47Waaqayyoof mana kan ijaare garuu Solomoon ture*.#44 Bau 25:9,40 45 iIya 3:14-17 46 2Sam 7:1-6; 1Sen 17:1-14; Far 132:5 47 1Mot 6:1-38; 2Sen 3:1-17

48?Waaqayyo inni hundumaa gara irraa jiru immoo, manneen harka namootaatiin hojjetaman keessa hin jiraatu. Raajichi akkuma jedhu iyyuu, 49?Bantiin waaqaa teessoo koo ti, laftis ejjeta miilla kootii ti. Mana attamii anaaf ijaartu ree? Yookiis iddoon boqonnaa kootii isa kami? 50Isaan kana hundumaas harka kootu hojjete mitii ree? jedha gooftichi?*.#49-50 Isa 66:1-2

51?Isin mata-jabeeyyii nana, garaan keessan akka garaa warra Waaqayyotti hin amaninii ti, gurri keessan akka gurra warra Waaqayyoon hin dhaga'inii ti. Akkuma abboonni keessan gochaa turan, isinis yeroo hundumaa hafuura qulqulluu jalaa diddu*. 52Raajota keessa immoo kan abboonni keessan hin ari'atin jira turee ree? Inni qajeelaan sun dhufuuf akka jiru, warra raajii dubbatan ajjeesaniiru; inni isuma isin amma dabarsitanii kennitan, isa isin ajjeeftanis*. 53Isinuma warri akka ergamoonni Waaqayyoo isinitti kennanitti seera fudhattanii, eeguu immoo diddan? jedhe*.#51 Er 9:26; Isa 63:10 52 2Sen 36:16; Mat 23:31 53 7:38; Gal 3:19; Ibr 2:2

Isxifaanos Dhagaadhaan Rukutamee Du'uu Isaa

54Isaan kana hundumaa yommuu dhaga'an aarii guddaa irraa kan ka'e, isatti in ciniinatu turan*. 55Isxifaanos garuu hafuura qulqulluudhaan guutamee, utuu ija irraa hin buqqifatinis waaqa keessa ol ilaalee, ulfina Waaqayyoo, Yesusinis gara mirga Waaqayyoo dhaabatee arge*. 56?Kunoo ani, bantiiwwan waaqaa banamanii, ilmi namaas gara mirga Waaqayyoo dhaabatee nan arge? jedhe*. 57Isaan garuu gurra isaanii cuqaalatanii, guddisanii itti wacaniis, erga-takkaa itti fiigan. 58Mandara keessaa daddarbachaa gad baasanii, dhagaadhaan in rukutan; warri dhuga-baatuunis uffata isaanii miilla dargaggeessa Saa'ol jedhamu tokko jala naqatanii turan*. 59Utuma isaan dhagaadhaan isa rukutaa jiranii, Isxifaanos, ?Gooftaa Yesus, hafuura koo fudhadhu!? jedhee kadhate*. 60Jilbeenfatee sagalee guddaadhaan, ?Yaa gooftaa, cubbuu kana isaanitti hin lakkaa'in!? jedhee iyye; kana jedhes kufee in obbaafate*.#54 5:33 55 6:5; Luq 22:69 56 Mat 26:64 58 22:20 59 Far 31:5; Luq 23:46 60 Luq 23:34

Currently Selected:

HOJII ERGAMOOTAA 7: MacQul

Highlight

Copy