መዝሙረ ዳዊት 78
78
1የአሳፍ ትምህርት።
ሕዝቤ ሆይ፥ ሕጌን አድምጡ፥
ጆሮአችሁንም ወደ አፌ ቃል አዘንብሉ።
2 #
ማቴ. 13፥35። አፌን በምሳሌ እከፍታለሁ፥
ከቀድሞ ጀምሮ ያለውንም እንቆቅልሽ እናገራለሁ።
3የሰማነውንና ያወቅነውን፥
አባቶቻችንም የነገሩንን፥
4ከልጆቻቸው አንሰውረውም፥
ለሚመጣውም ትውልድ የጌታን ምስጋናና ኃይሉን ያደረገውንም ተኣምራት እንናገራለን።
5ለልጆቻቸው ያስታውቅ ዘንድ
ለአባቶቻችን ያዘዘውን ምስክር
በያዕቆብ አቆመ፥
በእስራኤልም ሕግን ሠራ፥
6የሚመጣ ትውልድ የሚወለዱም ልጆች ያውቁ ዘንድ፥
ተነሥተው ለልጆቻቸው እንዲናገሩ ነው፥
7ተስፋቸውን በእግዚአብሔር እንዲያደርጉ፥
የእግዚአብሔርንም ሥራ እንዳይረሱ፥
ትእዛዙንም እንዲጠብቁ፥
8እንደ አባቶቻቸው እንዳይሆኑ
ዐመፀኛና የሚያስመርር ትውልድ፥
ልቡን ያላቀና ትውልድ፥
መንፈሱም በእግዚአብሔር ዘንድ ያልታመነ።
9የኤፍሬም ልጆች ለውጊያ ታጥቀው ቀስትንም ገትረው
በጦርነት ቀን ወደ ኋላ ተመለሱ።
10የእግዚአብሔርን ኪዳን አልጠበቁም፥
በሕጉም ለመመላለስ እንቢ አሉ፥
11መልካም ሥራውንና ያሳያቸውን ተኣምራቱን ረሱ፥
12 #
ዘፀ. 7፥8—12፥32። በግብጽ አገርና በጾዓን አገር
በአባቶቻቸው ፊት የሠራውን ተኣምራት።
13 #
ዘፀ. 14፥21፤22። ባሕርን ከፍሎ አሳለፋቸው፥
ውኆችን እንደ ግንብ አቆመ።
14 #
ዘፀ. 13፥21፤22። ቀን በደመና መራቸው፥
ሌሊቱንም ሁሉ በእሳት ብርሃን።
15ዓለቱን በምድረ በዳ ሰነጠቀ፥
ከጥልቅ እንደሚገኝ ያህል በብዙ አጠጣቸው።
16 #
ጥበ. 16፥1—19፥22። #
ዘፀ. 17፥1-7፤ ዘኍ. 20፥2-13። ውኃን ከዓለት አወጣ፥
ውኃንም እንደ ወንዞች አፈሰሰ።
17ነገር ግን ይበድሉት ዘንድ እንደገና ደገሙ፥
ልዑልንም በምድረ በዳ አስቈጡት።
18 #
ዘፀ. 16፥2-15፤ ዘኍ. 11፥4-23፤31-35። የተመኙትን መብል እየጠየቁ፥
እግዚአብሔርን በልባቸው ፈተኑት።
19እግዚአብሔርን እንዲህ ብለው አሙት፦
“እግዚአብሔር በምድረ በዳ ማዕድን ያሰናዳ ዘንድ ይችላልን?
20ዓለቱን መታ፥ ውኆችም ወጡ፥ ወንዞችም ጐረፉ፥
እንጀራን መስጠትስ ይችላልን?
ለሕዝቡስ ማዕድን ያዘጋጃልን?”
21ጌታም ይህን ሰምቶ ተቈጣ፥
በያዕቆብም ላይ እሳት ነደደ፥
መዓትም በእስራኤል ላይ መጣ፥
22በእግዚአብሔር አላመኑምና፥
በማዳኑም አልተማመኑምና።
23ደመናውንም ከላይ አዘዘ፥
የሰማይንም ደጆች ከፈተ፥
24 #
ጥበ. 16፥20-29፤ ዮሐ. 6፥31። ይበሉም ዘንድ መናን አዘነበላቸው፥
የሰማይንም እህል ሰጣቸው።
25የመላክትንም#78፥25 ግሪኩ “የመላእክት” ሲል ዕብራይስጡ “የኃያላን” ይላል። እንጀራ ሰው በላ
ስንቅንም እስኪተርፋቸው ላከላቸው።
26ከሰማይ የምሥራቅን ነፋስ አስነሣ፥
በኃይሉም የደቡብን ነፋስ አመጣ፥
27ሥጋን እንደ አፈር፥
የሚበርሩትንም ወፎች እንደ ባሕር አሸዋ አዘነበላቸው፥
28በሰፈራቸው መካከል፥
በድንኳናቸውም ዙሪያ ወደቀ።
29በሉ እጅግም ጠገቡ፥
የተመኙትንም ሰጣቸው።
30ከወደዱትም አላሳጣቸውም፥
መብላቸውም ገና በአፋቸው ሳለ፥
31የእግዚአብሔር ቁጣ በላያቸው መጣ፥
ከእነርሱም ጠንካሮችን ገደለ፥
የእስራኤልንም ምርጦች መታ።
32ከዚህም ሁሉ ጋር እንደገና በደሉ፥
ተኣምራቱንም አላመኑም፥
33ቀኖቻቸውም በከንቱ አለቁ፥
ዓመቶቻቸውም በሽብር።
34በገደላቸውም ጊዜ ወዲያው ፈለጉት፥
ተመለሱ ወደ እግዚአብሔርም ገሠገሡ፥
35ዓለታቸው እግዚአብሔር፥
መድኃኒታቸውም ልዑል አምላክ እንደሆነ አስታወሱ።
36በአፋቸው ሸነገሉት፥
በአንደበታቸውም ዋሹት፥
37 #
የሐዋ. 8፥21። ልባቸውም ከእርሱ ጋር አልቀናም፥
ለቃል ኪዳኑም አልታመኑም።
38እርሱ ግን ርኅሩኅ ነው፥
በደላቸውንም ይቅር አላቸው፥ አላጠፋቸውምም፥
ከቁጣውም መመለስን አበዛ፥
መዓቱንም ሁሉ አላቃጠለም።
39ወጥቶ የማይመለስ ነፋስ፥
ሥጋም እንደ ሆኑ አሰበ።
40በምድረ በዳ ምን ያህል አስቈጡት፥
በበረሃም አሳዘኑት።
41መላልሰው፥ እግዚአብሔርንም ተፈታተኑት፥
የእስራኤልንም ቅዱስ አሳዘኑት።
42እነርሱም እጁን አላሰቡም፥
ከጠላቶቻቸው እጅ ያዳነበትን ቀን፥
43በግብጽ ያደረገውን ተኣምራቱን፥
በጾዓን አገር ያደረገውን ድንቁን።
44 #
ዘፀ. 7፥17-21። ወንዞቻቸውንም ወደ ደም ለወጠ፥
ምንጮቻቸውን እንዳይጠጡ።
45 #
ዘፀ. 8፥20-24፤ ዘፀ. 8፥1-6። ዝንቦችንም በላያቸው ሰደደባቸው፥ በሉአቸውም፥
በጓጉንቸርም አጠፋቸው።
46 #
ዘፀ. 10፥12-15። ሰብላቸውን ለኩብኩባ፥
ምርታቸውንም ለአንበጣ ሰጠ።
47 #
ዘፀ. 9፥22-25። ወይናቸውን በበረዶ፥
በለሳቸውንም በአመዳይ አጠፋ።
48እንስሶቻቸውን ለበረዶ፥
ሀብታቸውንም ለመብረቅ ሰጠ።
49የቁጣውን ንዳድ በላያቸው ሰደደ፥
መቅሠፍትን መዓትንም መከራንም
በክፉዎች መላእክት ሰደደ።
50ለቁጣው መንገድን ጠረገ፥
ነፍሳቸውንም ከሞት አላዳናትም፥
ሕይወታቸውንም ለመቅሰፍት አሳልፎ ሰጠ።#78፥50 ግሪኩ “እንስሶቻቸውንም በሞት ውስጥ ዘጋ” ይላል።
51 #
ዘፀ. 12፥29። በኩሮቻቸውን ሁሉ በግብጽ፥
የድካማቸውንም መጀመሪያ በካም ድንኳኖች መታ።
52 #
ዘፀ. 13፥17-22። ሕዝቡን ግን እንደ በጎች አሰማራቸው፥
እንደ መንጋም በምድረ በዳ መራቸው።
53 #
ዘፀ. 14፥26-28። በተስፋም መራቸው አልፈሩምም፥
ጠላቶቻቸውንም ባሕር ደፈናቸው።
54 #
ዘፀ. 15፥17፤ ኢያ. 3፥14-17። ወደ መቅደሱም ተራራ አገባቸው፥
ቀኙ ወደ ገዛችው ወደዚህች ተራራ፥
55 #
ኢያ. 11፥16-23። ከፊታቸውም አሕዛብን አባረረ፥
ርስቱንም በገመድ አካፈላቸው፥
የእስራኤልንም ወገኖች በድንኳናቸው አኖረ።
56 #
መሳ. 2፥11-15። ነገር ግን ልዑል እግዚአብሔርን ፈተኑት፥ ዐመፁበትም፥
ትእዛዙንም አልጠበቁም፥
57ተመለሱም እንደ አባቶቻቸውም ከዱ፥
እንደ ጠማማ ቀስትም ተገለበጡ፥
58በኰረብታ መስገጃዎቻቸውም አስቈጡት፥
በተቀረጹ ምስሎቻቸውም አስቀኑት።
59እግዚአብሔርም ይህን ሰምቶ ተቈጣ፥
እስራኤልንም ፈጽሞ ተወ፥
60 #
ኢያ. 18፥1፤ ኤር. 7፥12-14፤ 26፥6። የሴሎምን ማደሪያ ተዋት
በሰዎች መካከል ያደረባትን ድንኳኑን፥
61 #
1ሳሙ. 4፥4-22። ኃይላቸውን ለምርኮ፥
ሽልማቱንም በጠላት እጅ ሰጠ።
62ሕዝቡንም በጦር ውስጥ ዘጋቸው፥
በርስቱም ላይ ንዴቱን ገለጠ።
63ጉልማሶቻቸውን እሳት በላቸው፥
ልጃገረዶቻቸውም የሰርግ ዘፈን አላዩም።
64ካህኖቻቸውም በሰይፍ ወደቁ፥
መበለቶቻቸውም አላለቀሱላቸውም።
65ጌታ ከእንቅልፍ እንደሚነቃ ተነሣ፥
በወይን ኃይል እንደተበረታታ ጀግና፥
66ጠላቶቹንም በኋላቸው መታ፥
የዘለዓለምን ውርደት አከናነባቸው።
67የዮሴፍንም ድንኳን ተዋት፥
የኤፍሬምንም ወገን አልመረጠውም፥
68የይሁዳን ወገን ግን መረጠ፥
የወደደውን የጽዮንን ተራራ።
69መቅደሱን እንደ አርያም ሠራ፥
ለዘለዓለምም በምድር ውስጥ መሠረታት።
70 #
1ሳሙ. 16፥11፤12፤ 2ሳሙ. 7፥8፤ 1ዜ.መ. 17፥7። ዳዊትንም ባርያውን መረጠው፥
ከበጎቹም መንጋ ውስጥ ወሰደው፥
71ከሚያጠቡ በጎችም በኋላ፥
ባርያውን ያዕቆብን
ርስቱንም እስራኤልን ይጠብቅ ዘንድ ወሰደው።
72በልቡ ቅንነት ጠበቃቸው፥
በእጁም ብልሃት መራቸው።
Currently Selected:
መዝሙረ ዳዊት 78: መቅካእኤ
Highlight
Share
Copy
Want to have your highlights saved across all your devices? Sign up or sign in
