መጽሐፈ መዝሙር 53
53
የሰዎች ክፋት
1ሞኞች በልባቸው “እግዚአብሔር የለም” ይላሉ፤
እንደነዚህ ያሉት ሰዎች የተበላሹ ናቸው፤
አጸያፊ ድርጊቶችንም ይፈጽማሉ፤
ከእነርሱ መካከል መልካም ነገርን የሚያደርግ አንድም የለም።
2አስተዋዮችና እግዚአብሔርን የሚፈልጉ ሰዎች እንዳሉ ያይ ዘንድ
እግዚአብሔር ከሰማይ ወደ ሰው ልጆች ተመለከተ።
3ነገር ግን ሁሉም ባዝነዋል፤
ሁሉም በአንድነት ተበላሽተዋል፤
ከእነርሱ አንድ እንኳ መልካም ነገርን የሚያደርግ የለም። #ሮም 3፥10-12።
4እግዚአብሔር “ክፉ አድራጊዎች ከቶ አያስተውሉምን?
ሰዎች እንጀራን እንደሚበሉ
ክፉ አድራጊዎች ሕዝቤን ይበዘብዛሉ፤
እነርሱም ወደ እኔ ወደ እግዚአብሔር አይጸልዩም።” ይላል።
5እግዚአብሔር የሕዝቡን ጠላቶች ስለ ሰባበራቸው
ከምንጊዜውም ይልቅ በፍርሃት ተጨነቁ፤
እግዚአብሔርም ስለ ጠላቸው ፈጽሞ ያፍራሉ።
6ምነው መዳን ለእስራኤል ከጽዮን በመጣ!
እግዚአብሔር የሕዝቡን ምርኮ በሚመልስበት ጊዜ፥
የያዕቆብ ልጆች ደስ ይላቸዋል፤
የእስራኤል ሕዝብ ሐሴት ያደርጋሉ።
Currently Selected:
መጽሐፈ መዝሙር 53: አማ05
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia, 2005
© የኢትዮጵያ መጽሐፍ ቅዱስ ማኅበር፥ 1997
