Aromduma 14

Da gakeri ya taaba

1 # Kol 2.16 To'ohe ya sɛba en ka kpe'em ba sakerɛ puan la, gee dagi ya ŋmɛ'ɛra nɔkɛ'ɛma la ba, yɛla zuo. 2Sɛba nam la ba dita ban paaɛ sɛla woo, ti sɛba me en ka kpe'em la, dita vuurɔ ma'a. 3Sɛba en diti sɛla woo la, da biha sɛba en ka diti bala la yoo, ti sɛba en ka diti la me da gakera sɛba en diti sɛla woo la, se'ere en sɔi la, Yinɛ to'ore ba woo mɛ. 4Fum dela ani gakera ayima yamehi? Ba mɛŋa Daana la nɛŋan ti ba wan ba zɛ'a bii ba lu. Ba me wan zɛ'a, se'ere en sɔi la, Daana la wan bahɛ ti ba zɛ'a.

5Sɛba bihɛ la dabeherɛ deyima ti de dɛna tuulum dabeherɛ gana dabeherɛ deyima, ti sɛba me biha dabeha la za'a ti a dɛna buyina. Bahɛ ya ti ba woo tari ba suya puan ban ti'ihɛ se'em la. 6Sɛba en looe dabeherɛ se'ere la, iti bala bɔ'ɔra la Daana la, ti sɛba me en diti sɛla woo la me diti na'aha la Daana la, doohe la ba ni bo' Daana la fara gee di la. Ti sɛba me en ka diti sɛla woo la me lɔkeri na'aha la Daana la, la ban ni bo' Yinɛ fara de zuo la.

7Tu ka vɔi bo' la tu mɛhi, tu ka kiiri tu mɛhi kum. 8Tu han vɔna, tu vɔi bo' la Daana la, tu han le ki mɛ, tu dela Daana la dinɛ. Bala, tu vɔi mɛ, bii tu ki mɛ, tu dela Daana la dinɛ. 9Ŋwana zuo ti Kiresta ki, gee le vo'e, ti a dɛna Daana bo' ki'induma la vɔpa. 10#2 Kor 5.10 Ŋwani ti fum gakera fum suuɔ? Bii ŋwani ti fum zɛɛna fum suuɔ? Tu za'a wan ze'ele Yinɛ gakerɛ kuka la nɛŋan mɛ. 11#Aza 45.23 Se'ere en sɔi la, la gulehɛ yeti,

“Mam en vɔi wa, Daana la n yeti, dune woo wan kpa' tiŋa bo' mam,

ti zɛleŋa woo wan dikɛ pɛka bo' Yinɛ.”

12Bala zuo, tu za'a wan ta yele tu yele tu yele bo' Yinɛ .

Da bahɛ ti ayima pirɛ lu

13Bala zuo, da bahɛ ya ti tu gakera taaba, gee tu ku puti'irɛ ti tu kan dikɛ sɛla beŋe, bii gu' se'em sore. 14Mam mi', gee ti Daana Yezu me bahɛ ti n baŋɛ ti, sɛla ka boi dɛna galeŋɔ lɔkɔ ku mɛŋa, gee ku de galeŋɔ lɔkɔ bɔ'ɔra la se'em daana en ti'ihɛ ti ku dela galeŋɔ lɔkɔ la. 15Fum suuɔ han nyɛ pɔgeleŋɔ doohe fum en diti sɛla puan, fum ka le kina la nɔŋerɛ. Da bahɛ ti fum diti sɛla sagum se'em ti Kiresta ki bo' en la. 16Bala zuo, da bahɛ ti sɛla en ani suŋa bo' fum la, ba ta tɔgera bu be'em sore. 17Se'ere en sɔi la, Yinɛ sɔ'ɔlum la puan dagi la dia la nyua, gee tuuntɔɔ vom, suma'ahum la nyɛɛma Fa'a Sia la puan. 18Se'em woo en tuni dɔla sadɔɔ kuna bɔ'ɔra Kiresta, Yinɛ nini tigɛ la a daana mɛ, ti saaleba me to'e en . 19Bala, bahɛ ya ti tu dole ya la ninmu'urɛ yele sɛ'a en bo'ori tu suma'ahum, gee mɛta tɔ. 20Da bahɛ ya ti dia zuo, sagum Yinɛ tuuma. Sɛla woo sirum dela tuulum, gee la me dela tuure bo' ya ti ya bahɛ ti nɛra lu doohe yan diti sɛla la. 21La ani suŋa ti tu da di dia, bii nyu daam, bii iŋɛ sɛla en wan bahɛ ti fum suuɔ lu. 22Sakerɛ se'ere ti fum tara la, tara dɛ fum ma'a, fum la Yinɛ tiŋasuka. Sum boi mɛ la sɛba en ka nyɛ se'ere zuo ti ba wan gakɛ ba mɛhi doohe bamam en bihɛ ti sɛla dagi be'em. 23#Tait 1.15Gee sɛba en bu'uri la, sageni la ba mɛhi, ba han di diihe sise'ehi, beni zuo, ba ka tuni la sakerɛ. Sɛla woo en ka ze'ele sakerɛ puan na, dela be'em.

Currently Selected:

Aromduma 14: GBTP

Highlight

Copy