Maki 2

Yezu tibɛ kɔɔreŋɔ

(Matu 9.1-8; Luki 5.17-26)

1La wa iŋɛ la dabeha fii wa ti Yezu lebe Kapɛnum na, ti nɛreba wum ti a kule na. 2Nɛreba la ba' lagehɛ zo'e gaŋɛ mɛ mikera ti fole ka bɔna la fii me, ta paaɛ bɔ'ɔ la nuuren. Ti Yezu tɔgera yelehum la bɔ'ɔra ba. 3Bala ma'a ti nɛreba banaahi zɛ kɔɔreŋɔ wa'am Yezu zi'an na. 4Gee nɛreba la n mikere ti fole ka bɔna ti ba wan ta'am tari en paaɛ Yezu zi'an la zuo, ti ba zom ta lakɛ bɔ'ɔ la tɔ zi'an ti Yezu zi'an la, nyaa dikɛ kɔɔreŋɔ la en ga' ku suŋɔ zuo la, doohe bilam sigehe en Yezu nɛŋan. 5Yezu n nyɛ ba sakerɛ la, a yele kɔɔreŋɔ la yeti, “N dayua, n saalum fum be'em bahɛ.” 6Ŋwana ti gɔnmi'ineba basɛba en zi' bini nyaa sɔkera ba mɛhi ba suya puan yeti, 7“Ŋwani ti nɛra ena wa tɔgera ŋwana? A tuuri la Yinɛ! Ani wan ta'am saalum nɛra be'em bahɛ han dagena Yinɛ ma'a?” 8Bilam bilam ti Yezu pun baŋɛ sia puan ban ti'iheri se'em ba suya puan. Ti a yele ba yeti, “Ŋwani ti ya sɔgeha ya mɛhi sɔgehi ana ya suya puan? 9De dinɛ n tɔi, n yele kɔɔreŋɔ wa yeti, n saalum fum be'em bahɛ bii ihege vaaɛ fum suŋɔ kina? 10Gee lan wan iŋɛ se'em ti ya mina ti mam Asaala Dayua wa tari kpe'eŋo timpaberɛ wa zuo ti n saalum nɛra be'em bahɛ n ŋwana.” Gee nyaa yele kɔɔreŋɔ la yeti, 11“N yeti fum, ihege ze'ele,vaaɛ fum suŋɔ kule.” 12Ti kɔɔreŋɔ wa vaaɛ ihege ze'ele bilam bilam. Vaaɛ a suŋɔ kiŋɛ ba woo nininta yehe. Ti la iŋɛ ba za'a waabe pakerɛ, ti ba na'ahera Yinɛ yeti, “Tu ka tabelɛ nyɛ yele dina wa taaba!”

Yezu yi' Levi

(Matu 9.9-13; Luki 5.27-32)

13Yezu lebe kiŋɛ la Ateko nuuren ti nɛrekuuŋɔ lagehɛ a zi'an na ti a pa'ala ba. 14Yezu n kinɛ yɛ'ɛha la, nyɛ Alifeyusi dayua Levi, ti a zi'an kuba to'ohego debila puan, ti a yele en yeti, “Dɔla mam.” Ti a ihege dɔla en.

15Yezu ta bɔna la Levi yire ti yu'uŋɔ dia saŋa paaɛ. Ti sɛba woo n to'ohe kuba, la be'emduma zo'e zo'e bɔna bini, lagum zi'a la Yezu la a zahereba la. Nɛrebana taaba wa zo'e mɛ lagum dɔla Yezu. 16Ti Farasiiduma, la gɔnmi'ineba la n nyɛ ti Yezu diti la kubetɔ'ɔhereba la be'emduma la, ti ba yele a zahereba la yeti, “Ŋwani ti a naaɛ la kubetɔ'ɔhereba la be'emduma dita?” 17Yezu n wum ŋwana la, ti a yele ba yeti, “Sɛba ka n bɛ̃'ɛri ka eere tiba, han dagena sɛba n bɛ̃'ɛri. Mam ka wa'am na ti n yi' la tuuntɔɔ duma, gee be'em duma.”

Nɔlurɛ sokere

(Matu 9.14-17; Luki 5.33-38)

18Saŋa kayima ti Yɔn zahereba, la Farasiiduma la bɔna nɔlure puan. Ti nɛreba wa'am na soke Yezu yeti, “Ŋwani ti Yɔn zahereba la Farasii zahereba la luta nuurɛ gee ti fum zahereba la ka luta?” 19Yezu lerege ba yeti, “Pɔgedire de'eŋo saama kan ta'am lu' nuurɛ pɔgedire puan, bii ba wan nyaŋɛ? Pɔgedita la n nan boi pɔgedire de'eŋo la puan la ba la, ba kan ta'am lu' nuurɛ. 20Gee la kinɛ na ti pɔgedita la kan ta bɔna la ba, bilam ti ba nyaa wan lu' nuurɛ. 21Ya mi' ti nɛra ka dikeri tanpaalɛ ligera fukɛka. A han iŋɛ bala, tanɛ kɛka la wan ahegɛ gee bahɛ tanpaalɛ la, ti anhegere dina nyaa wan gana za'a. 22Nɛra me ka dikeri daam n kele su'ura talankɛka puan. A han iŋɛ bala, daam la wan tahɛ talaŋa la, ka'ɛ, ti talaŋa la me aahum bahɛ yoo. Gee ba dikeri daam n kele su'ura la talaŋa paalega puan.”

Vo'ohego dabeherɛ yetɔgum

(Matu 12.1-8; Luki 6.1-5)

23Vo'ohego dabeherɛ deyima, ti Yezu la a zahereba dɔla ki va'am puan tɔla. Ti ban kinɛ la, ti a zahereba la pɔhɛ kɔ'ɔra ki la ɔbera. 24Ti Farasiiduma la yele Yezu yeti, “Bihɛ, ŋwani ti ba ita sɛla n dagi ba iŋɛ vo'ohego dabeherɛ la?” 25Ti a lerege ba yeti, “Yamam ka tabelɛ kãalɛ Deviti n yuum iŋɛ se'em, kom yuum nyɔkɛ en la a nɛreba la? 26#Malm 24.9 Deviti yuum kɛ̃' la Pu'uhegɔ yire la puan, se'em ma'a ti Abiata dɛna malema nɛŋa daana la, ta obe boroboro se'ere n de tuulum boroboro, ti nɛra yoo ka suna ti a obe, han dagena malema daana la ma'a. Gee Deviti obe mɛ, gee bo' a nɛreba la n dole en la.” 27Ti Yezu yele ba yeti, “Yinɛ iŋɛ vo'ohego dabeherɛ la bo' la asaala, gee dagi asaala bo' vo'ohego dabeherɛ. 28Bala, Asaala Dayua wa n sɔi vo'ohego dabeherɛ la.”

Currently Selected:

Maki 2: GBTP

Highlight

Copy