Matu 4

Yezu Magehegɔ

(Maki 1.12-13; Luki 4.1-13)

1 # Hib 2.18; 4.15 Ti Fa'a Sia la nyaa tari Yezu kiŋɛ muuen ha, ti Sagena la makɛ en. 2Ti Yezu zagehɛ a mɛŋa dabeha pihinaahi wuntɛɛŋa la yu'uŋɔ. Ti kom nyaa tuura en. 3Ti pumpã'afum daana la wa'am a zi'an na yele en yeti, “Fum han dɛna la Yinɛ bia, bo' kuga wa nuurɛ ti ba lebege boroboro.” 4#Tii 8.3 Gee Yezu lebehe en yeti, “La gulehɛ yeti,

‘Asaala ka vɔi la boroboro ma'a,

gee yelefum sebo woo en ze'eti Yinɛ nuuren na.’ ”

5Ti Sagena la tari Yezu kiŋɛ tuulum tiŋa la puan puan, ta tari en zom pu'uhegɔ yire la zuin zuin ha ta yagelɛ mɔpile nyu'a zuo, 6#Yoo 91.11-12 gee yele en yeti, “Fum han dɛna Yinɛ bia, ze'ele ka'lam lobe fum mɛŋa bahɛ tiŋa ha. Gee la gulehɛ yeti,

‘Yinɛ wan bo' a suŋereba nuurɛ fum zuo,

ti ba kɔkɛ hɔ ba nu'uhen,

ti fum na'arɛ kan ŋmɛ' kugere.’ ”

7 # Tii 6.16 Ti Yezu lebehe en yeti, “Le yɛ'ɛha, la gulehɛ yeti, ‘Da makɛ Daana la en de fum Yinɛ la bihɛ.’ ”

8Le yɛ'ɛha ti Sagena la tari Yezu ta zom zoore en wugɛ paaɛ paaɛ zuo, pa'alɛ en sɔ'ɔlum duma woo en boi timpaberɛ wa zuo, la ba suhɛ; 9gee yele en yeti, “Bana za'a n wan dikɛ bo' fum, fum han wan lu tiŋa na'ahɛ mam.” 10#Tii 6.13 Ti Yezu lebehe en yeti, “Fɔregɛ mam zi'an ha, Sagena wa! Se'ere en sɔi la, la gulehɛ yeti,

‘Na'aha Daana la en de fum Yinɛ la, ma'a,

gee tuna bɔ'ɔra eŋa ma'a.’ ”

11Bilam ti Sagena la bahɛ en, ti Yinɛ suŋereba en bala wa'am na kpemehe en.

Yezu pɔhɛ a tuuma

(Maki 1.14-15; Luki 4.14, 15)

12 # Mat 14.3; Mak 6.17; Luk 3.19-20 Yezu en ta wum ti ba nyɔkɛ Yɔn pagɛ mɛ la, a yehe mɛ kiŋɛ Galilii. 13#Yɔn 2.12 A bahɛ Nazareti mɛ, gee kiŋɛ ta kɛ'ɛra Kapɛnum en lɛm ateko la, bɔna Zebulun la Nafetali sɔ'ɔlum puan la, 14ti la bahɛ ti Yinɛ nɔtɔgeha Azaaya en purɛ se'em la wa'am asira na.

15 # Aza 9.1-2 “Zebulun la Nafetali tihi wa

en boi ateko sore zuo wa, bɔna Yɔɔdan yakenɛ, Galilii en de sɛba en dagi Yuuduma wa,

16nɛresɛba n daa zi' lika puan la

nyaa nyɛ la niifum kãtɛ,

Yamam sɛba nama en daa boi yɔɔen la,

niifum nyaa niiɛ bo' ya.”

17 # Mat 3.2 Pɔhɛ saŋa kaŋa, ti Yezu pɔhɛ muula yeti, “Tee ya, gee saazuo sɔ'ɔlum la lɛm na.”

Yezu yi' a yia zahereba

(Maki 1.16-20; Luki 5.1-11)

18Yezu en eere kaara Galilii kulaa la, a nyɛ la nɛra la a suuɔ. Simɔn se'em ti ba yi'ira Pita, la Anduru en de a yibega la, ti ba bahera ba yuka ko'om la puan, se'ere n sɔi la, ba dela zim nyɔgereba. 19Ti a yele ba yeti, “Doohe ya mam, ti en iŋɛ ya ti ya tara nɛreba kina n zi'an na.” 20Bilam bilam ti ba bahɛ ba yugehi la gee doohe en. 21Ti en ze'ele bilam yɛ'a la, a nyɛ nɛra la a suuɔ, Yemesi en de Zebedii dayua la, la a suuɔ Yɔn, ti ba boi uureŋɔ puan la ba sɔ Zebedii maala ba yugehi, ti a yi' ba. 22Bilam bilam ti ba bahɛ uureŋɔ la, la ba sɔ la, gee doohe en.

Yezu tɔgɛ bo' Nɛrekuuŋɔ

(Luki 6.17-19)

23 # Mat 9.35; Mak 1.39 Ti Yezu dɔla Galilii za'a pa'ala nɛreba zamehegɔ yiya puan, gee muula Yinɛ sɔ'ɔlum faarɛ yɛla, gee tibera teem la bã'ahi se'ehi woo en tari nɛreba la. 24Ŋwana ti a yu'urɛ to'e Siriya tiŋa za'a, ti ba tara bã'duma woo, sɛba n tari teem yima yima, induma, kulekpa'bɛ'ɛhi en tari sɛba, sɛba en luti kilenki'ire, la kɔɔrenɔ wa'am a zi'an na, ti a tibɛ ba za'a. 25Ti nɛrekuuŋɔ dɔla a poore ze'ele Galilii, Dekapolise en de (Tihi pia la puan), Yerusalɛm, Yudiya, la Yɔɔdan yakenɛ ha.

Currently Selected:

Matu 4: GBTP

Highlight

Copy