Matu 14

Yɔn Ko'sɔɔra la kum

(Maki 6.14-29; Luki 9.7-9)

1Sankaŋa puan, ti Hɛrɔd en de timbihera la wum Yezu yele mɛ, 2nyaa a yele a tuntuneba yeti, “Ena wa dela Yɔn Ko'sɔɔra la. A ihege mɛ a kum la puan. Ŋwana zuo ti pansina wa tuna a puan la.” 3#Luk 3.19-20 Se'ere en sɔi la, Hɛrɔd pugum nyɔkɛ Yɔn mɛ, ba' en, dikɛ en iŋɛ paka deo puan, doohe Hɛrɔdiya en de Hɛrɔd suuɔ Filipi pɔga la zuo. 4#Malm 18.16; 20.21 Se'ere en sɔi la, Yɔn yeti Hɛrɔd mɛ saŋa woo ti, “La kihi mɛ ti a fã a suuɔ pɔga di.” 5La Hɛrɔd en daa pun bɔta ti a ku Yɔn la, a daa zoti la nɛrekuuŋɔ la dabeem, se'ere en sɔi la, bamam nam ti Yɔn dela nɔtɔgeha. 6Gee Hɛrɔd dɔgum daarɛ en wa paaɛ, ti Hɛrɔdiya poyua wa' nɛrekuuŋɔ la nɛŋan, ti Hɛrɔd puurɛ pee paaɛ paaɛ, 7ti la paaɛ en, ti a biŋe nuurɛ la pɔtɛ ti a wan bo' en sɛla woo ti a soke en. 8Ti pugela la ma ɛbegɛ en ti a yeti, “Dikɛ Yɔn Ko'sɔɔra la zuo iŋɛ lapɛrega puan bo' ze'ele ka'lam bo' mam.” 9Ti Naba wa suure sagum, gee en diŋɛ biŋe a nuurɛ la, la a saama la en zi' dɛla taaba la zuo, ti a bo' nuurɛ ti ba ta tari ku na. 10Gee nyaa tum ti ba kiŋɛ ta fike Yɔn zuo paka deo la puan na. 11Ti ba tari zuo la, la lapɛrega puan na bo' pugela la, ti ka tari ta bo' ka ma. 12Ti Yɔn zahereba la wa'am na dikɛ a iŋa la ta laaɛ gee kiŋɛ ta yele Yezu.

Tuha anuu diihego

(Maki 6.30-44; Luki 9.10-17; Yɔn 6.1-14)

13Yezu en wum dina la, a bahɛ bilam mɛ gee kiŋɛ ta kɛ̃ uureŋɔ kiŋɛ zi'an ti nɛreba ka bɔna bilam a ma'a. Gee nɛrekuuŋɔ la en wum bala la, ba yehe la ba tihi puan kiŋɛ la nama doohe a poore. 14Yezu en ze'ele uureŋɔ la puan sige na la, a nyɛ nɛrekuuŋɔ la mɛ, zɔ ba nimbu'ɔ, gee tibɛ sɛba en wa'am na la nɛreba sɛba n bɛ̃'ɛri la. 15Yinɛ en ta luta la, ti a zahereba la paaɛ a zi'an yele en yeti, “Ka'lam dela muɔ puan, gee ti yinɛ me luta, bahɛ nɛrekuuŋɔ wa ti ba yiregɛ kiŋɛ timbibehi puan la ba ta'am da' dia bo' ba mɛhi.” 16Gee Yezu yele ba yeti, “La dagi ba kiŋɛ, yamam bo' ba sɛla ti ba di.” 17Ti ba lerege en yeti, “Tu ka tari sɛla ka'lam, han dagena boroboro banuu la zim i yi' ma'a.” 18Ti Yezu yeti, “Tari ya ba na bo' mam ka'lam.” 19Gee bo' nɛrekuuŋɔ la nuurɛ ti ba zi'ire muɔ la zuo, gee nyaa to'e boroboro banuu la zim iyi' la, gorege bihɛ saazuo gee purɛ sum, gee nyaa figehe boroboro la bo' a zahereba la, ti a zahereba la me to'e tɔta nɛrekuuŋɔ la. 20Ti ba za'a di ta tigɛ, gee ti ba doohe lagehɛ sɛla ti ba di gee gee la, ti ba pirɛ pitɔ pia la tuyi'. 21Sɛba en di la wan paaɛ wuu buraahi tuha anuu, ti pɔgehi la kɔma ka pa'ahɛ.

Yezu kini ko'om zuo

(Maki 6.45-52; Yɔn 6.15-21)

22Bilam bilam ti a bahɛ ti a zahereba la zom uureŋɔ tole nɛŋa yakera ko'om la yakenɛ deyima la ha, gee ti a leen keehe nɛrekuuŋɔ la. 23N keehe nɛrekuuŋɔ la ba'ahɛ la, a zom la zoore zuo a ma'a ta pu'uha. Ti yinɛ ta ma'ɛ ti a kelum bɔna bini a ma'a, 24gee bala ma'a ti ko'mi'ihi en tu'uhɛ uureŋɔ la, ti ku nan zaaɛ la doone, se'ere en sɔi la, sabeeo la lobere tu'uha ba mɛ. 25Ze'ele gogo kaareŋa anaahi bulika yu'uŋɔ yu'uŋɔ ti Yezu kina ko'om la tu'uha a zahereba la . 26Gee a zahereba la en nyɛ en ti a kini ko'om la zuo la, dabeem en kɛ̃' ba paaɛ paaɛ, ti ba yeti, “A dela kukɔ!” Gee kaahɛ la dabeem. 27Gee bilam bilam ti Yezu tɔgɛ bo' ba yeti, “Da bahɛ ya ti ya paleŋa ɛgera, la dela mam, da tari ya dabeem.”

28Ti Pita lerege en yeti, “Daana, la han sirum dɛna la fum, bo' nuurɛ ti en kiŋɛ ko'om la zuo wa'am fum zi'an na.” 29Ti Yezu yele en yeti, “Wa'ana.” Bala ti Pita ze'ele uureŋɔ la puan pɔhɛ kina ko'om la zuo tɔɔra Yezu. 30Gee en nyɛ sabeeo kãtɛ la, ti dabeem sãɛ en, ti a pɔhɛ muhera, nyaa kaahɛ bahɛ na yeti, “Daana faaɛ mam!” 31Bilam bilam ti Yezu tiɛ a nu'o gurɛ en, gee yele en yeti, “Fum sakerɛ pɔ'ɛ ya, ŋwani ti fum bu'ura?” 32Ban zom uureŋɔ la zuo la, sabeeo la go'e mɛ. 33Ti sɛba en boi uureŋɔ la puan la, na'ahɛ en gee yɛta yeti, “Yelemɛŋerɛ fum sirum dela Yinɛ Dayua.”

Yezu tibɛ Genesarete bã'duma

(Maki 6.53-56)

34Ban yakɛ yakenɛ la, ba kiŋɛ la Genesarete. 35Tiŋa la nɛreba en ta baŋɛ en la, ba muulɛ mɛ kaaɛ tiŋa la, tari bã'duma za'a wa'am a zi'an na, 36gee belum en ti ba kalum a fuo la nɔgbanɛ. Sɛba woo en kalum ku la, nyɛ ba tibega mɛ.

Currently Selected:

Matu 14: GBTP

Highlight

Copy