Yɔn 2

Kana pɔgedire

1Dabeha atã puan ti pɔgedire bɔna Kana en boi Galilii sɔ'ɔlum puan, ti Yezu ma kiŋɛ bini. 2Ba me tum yi' Yezu la a zahereba la mɛ, ti ba me bɔna pɔgedire de'eŋo la puan. 3Pɔgedire daam la en ta ba'ahɛ la, ti Yezu ma wa'am na waaɛ en yeti, “Ba daam la ba'ahɛ mɛ.” 4Ti Yezu lerege en yeti, “Pɔka wa, bala pakɛ fum la mam la ŋwani? Mam saŋa nan ka paaɛ.” 5Ti a ma la yele tuntuneba la yeti, “Iŋɛ ya sɛla woo ti Yezu wan yele ya.” 6Bala ma'a la ti dugerɔ kãra tuyoobe en ze' zi'an la puan, dɛna Yuuduma malema ko'om sua dugerɔ, ti dukɔ woo ko'om wan paaɛ yɔkãra pihiyi' yɛ'ɛha pita' ko'om. 7Ti Yezu bo' tuntuneba la nuurɛ yeti, “Akɛya ko'om pirɛ dugerɔ wa.” Ti ba akɛ ko'om pirɛ dugerɔ la ta paaɛ nuuren na. 8Ti a yele ba yeti, “Nyaa kabegɛ ya ko'om la ta bo' se'em en biheri de'eŋo la yɛla la.” Ti ba kabegɛ ko'om la ta bo' en. 9Ti se'em en biheri de'eŋo wa yɛla la en lem ko'om la en nyaa lebege daam la, a ka baŋɛ daam bumɔ en ze'ele zi'an na (gee tuntuneba la en kabegɛ ta bo' en la mi'). Ti se'em en biheri de'eŋo wa yi' pɔgedita wa na, 10yele en yeti, “Nɛra woo ni tugum tɔrɛ la daam sumɔ la yia, gee ti pooren ba nyaa dikɛ daam be'ero toŋe, bala ma'a ti saama la han nyu tigɛ, gee fum tugum dikɛ ni daam sumɔ la ze'ele mɛ, tara tara la ŋwana ma'a.” 11Yezu en tum dina wa. A yia daalehum n ŋwana, Kana n boi Galilii sɔ'ɔlum puan la, niiɛ a suŋa, ti a zahereba la nam en.

12 # Mat 4.13 Dina n tole la, ti Yezu kiŋɛ Kapɛnum, la a ma, a suurɔ, la a zahereba la, ti ba ta kɛ̃ bilam dabeha fii wa.

Yezu zabɛ Pu'uhegɔ Yire la zuo

(Matu 21.12-13; Maki 11.15-17; Luki 19.45-46)

13 # Yɛh 12.1-27 Yuuduma azɔɛtole malema la wa pɔra mɛ, ti Yezu kiŋɛ Yerusalɛm. 14Ti pu'uhegɔ yire la puan, ti Yezu nyɛ ti nɛreba tari nii, piihi la dayɛma kɔɔha, ti sɛba me zi'a ba teebula zuto tɛɛhena ligeri. 15Ti Yezu pi'ihe mi'ihi maalɛ kpa'aherɛ, sa'ahɛ sɛba woo en iti ŋwana Pu'uhegɔ yire la puan la bahɛ yiŋa, la ba piihi, la ba nii la. Gee ka'ahɛ lige tɛɛhereba la lige kuba la bahɛ; 16Gee yele sɛba en koohere dayɛma la yeti, “Tari ya bana wa yehe ka'lam. Da dikɛ ya mam Sɔ yire wa lebege da'a.” 17#Yoo 69.9 Bilam ti a zahereba la tiɛ yeti, la gulehɛ bɔna ze'elego la puan yeti, “Fum yire wa nɔŋerɛ en kuuri mam.” 18Ti Yuuduma la soke en yeti, “Fum tari la daalehum boni ti fum pa'alɛ se'ere zuo ti fum ita ŋwana wa?” 19#Mat 26.61; 27.40; Mak 14.58; 15.29 Ti Yezu lerege ba yeti, “Gbi' ya Pu'uhegɔ yire wa bahɛ, gee n wan lebehe mɛ dɛ ze'ele dabeha atã puan.” 20Ti Yuuduma wa yele en yeti. “Bihɛ, yire wa mɛa dikɛ la yuuma pihinaahi la ayoobe, ti fum yeti fum wan lebehe mɛ dɛ dabeha atã?” 21Gee Yezu dikeri la a mɛŋa iŋa, makera la Pu'uhegɔ yire la 22En nyaa wa ihege a kum la puan la, ti a zahereba la tiɛ ti a tabelɛ tɔgɛ tugum wa, ti ba malum nam gulehegɔ la, la yelehum la ti Yezu tɔgɛ bo' ba la.

23Yezu en daa ta bɔna Yerusalɛm azɔɛtole de'eŋo saŋa la, nɛreba zo'e zo'e en daa nam bo' a yu'urɛ la, doohe la daalehum sɛ'a ti a tuna la. 24Gee Yezu daa ka dikɛ a mɛŋa bo' ba, se'ere en sɔi la, a mi' asaala woo en ani se'em mɛ, 25dagi se'em en wan yele en se'em yele. A mi' sɛla en boi nɛra woo puan mɛ.

Currently Selected:

Yɔn 2: GBTP

Highlight

Copy