1 Korintiduma PƆHEGA
PƆHEGA
Pɔɔl Yia Korintiduma Gɔŋɔ wa gulehɛ ti la maalɛ la Kiresta kɔma vom la ba sakerɛ yɛla n boi lageŋɔ la puan. Lageŋɔ wa dela lageŋɔ seko ti Pɔɔl pi'ilum ku. Sankaŋa la, ti Korinti wa dɛna la Giriki tinkãtɛ. Ti Arome timbihega tigere la iŋɛ Korinti ti a dɛna Akaiya sɔ'ɔlum tinkãtɛ. Nɛre ba mi' ba yele la, ban tiregeri se'em koohego yɛla puan, ban ŋmɛ'ɛri nyu'ɔ se'em ba buuri malema puan, ti ba yaluntuuma kɔ'ɔm niiɛ peelumen se'em, la ba pu'uhegɔ malema yima yima yɛla la.
Pɔɔl en de Yezu tuntuna la nini en mu'ɛ la yelesɛ'a dela bɔgehegɔ, la yaluntuuma sɛ'a en boi lageŋɔ la puan la, la gã'a, pɔgedire la sire ele yɛla, puti'irɛ gakerɛ yɛla, lageŋɔ ma'a ma'a pu'uhegɔ yɛla, Fa'a Sia la bo'olum la vo'ore yɛla. Pɔɔl kɔ'ɔm pa'ali mɛ la ninmu'urɛ faarɛ yelehum la, la sɔgeha ana wa.
Korinti zuo pia la butã la puan, Pɔɔl pa'alɛ ti, nɔŋerɛ en de bo'olum sɛba n gani za'a ti Yinɛ dikɛ bo' a nɛreba, lugedina ta'am dɛna ze'sɛka ti nɛreba zo'e zo'e mina.
Yelesɛ'a n boi gɔŋɔ wa puan
Pɔhega yɛla boi la 1.1-9
Bɔgehegɔ en boi lageŋɔ la puan boi la 1.10—4.21
Yaluntuuma, la yire vom yɛla boi la 5.1—7.40
Kiresta kɔma la bageditiba yɛla boi la 8.1—11.1
Lageŋɔ vom la pu'uhegɔ malema boi la 11.2—14.40
Kiresta la sakereba vo'ore yɛla boi la 15.1-58
Bo'olum sebo ti ba yeti ba dikɛ bo' Yudiya Kiresta kɔma boi la 16.1-4
Pɔɔl ma'a yɛla, la Kilehego boi la 16.5-24
Currently Selected:
1 Korintiduma PƆHEGA: GBTP
Highlight
Share
Copy
Want to have your highlights saved across all your devices? Sign up or sign in
Gurenɛ New Testament © The Bible Society of Ghana, 2020.