MATIUS 22
22
Papinintu sal᷊iwang u kawing
(Luk. 14:15-24)
1I Yesus sau nudidato su tingo ngu taumata maul᷊i dingang u papinintu, 2I Sie nangul᷊i, “Boko Mawu Ruata mamarenta, kakakoae kere papinintu i'i: Pia singkatau ratu nukoa sal᷊iwang kawingu anae ko ese. 3Ratu e'e nundoi manga paparentange pal᷊al᷊eng panginsomahi manga taumata ko ninoti sarang sal᷊iwang e'e. Kateho apang i sire ko ninoti nandiri nusumongo. 4Bou e'e ratu e'e sau nundoi manga paparentange ko wal᷊inge. I sie nutumanata si sire: ‘Puhabari si sire apang ko ninoti e'e: Meda ngu sal᷊iwang seng nasadia. Sapiku dingang manga anae ko kapiange seng mbuae nihata. Kaul᷊ie seng nasadia. Maite songo sarang sal᷊iwang kawing!’ 5Kateho manga taumata ko ninoti takoae ko nupandung. I sire nakoa sarang hal᷊i u simbau-simbau singkatau nakoa sarang awuhi, singga sarang tampa puhal᷊ikang i sire; 6dang l᷊ai i sire ko wal᷊inge naname manga paparentang u ratu e'e mbuhue nududu l᷊au namate si sire. 7Su tempo ngu ratu e'e nakaringihi hal᷊i e'e, i sie nuwawal᷊uang dal᷊ai-l᷊ai. I sie nundoho ngu sordadonge pamate si sire apang ko namate e'e dang panutung soa ngi sire. 8Bou e'e i sie nukumui apang paparentange, mbuhue nangul᷊i, ‘Sal᷊iwang u kawing seng nasadia, arawe kaul᷊i u apang notiku ta nutatahino. 9Dakoe tamai sarang apang l᷊al᷊eng su soa, dang punoti apang kaul᷊i u taumata pasongo su sal᷊iwang u kawing i'i.’ 10Kuteu manga paparentange e'e nusau nul᷊umal᷊eng. I sire nakoa sarang apang l᷊al᷊eng ko l᷊abo, mbuhue nangomol᷊i manga taumata ko nipusombang i sire tamai se'e, ko mapia l᷊au ko dal᷊ai. Kuteu napene'e tampa pusal᷊iwangeng e'e su sake.
11Bou e'e ratu e'e nusumu nutuhung apang sake. I sie nakawua pia tau simbau su sal᷊iwang e'e ko ta nul᷊oho pakeang u sal᷊iwang. 12Bou e'e i sie nukina su tau e'e, ‘Anu, kirapa i kau sarang nakasu si'i wal᷊inge dingang u l᷊aku u sal᷊iwang?’ Tau e'e ta nakasimbahi. 13#Mat. 8:12, 25:30; Luk. 13:28Bou e'e ratu e'e nangul᷊i su manga paparentange, ‘Hapusi l᷊aeri l᷊au l᷊ima ngu tau i'i, dang rume i sie su l᷊ikuri, su tampa ko marundung. Pai se'e sarung pia sangi l᷊au singsara.’ ”
14Bou e'e I Yesus nanginsue papinintu e'e kiri'i, “Maul᷊i ko nikuiang, kateho kitang singkodo ko napile.”
Hal᷊i u mamaehi balasteng
(Mrk. 12:13-17; Luk. 20:20-26)
15Bou e'e manga tau Farisi natamai nughaghighili kirapa i sire tadeau makaakal᷊i si Yesus dingang haghi ngu kakina. 16Kuteu i sire nundoi manga tumatuhu i sire sarang koa I Yesus dingang u pirangkatau taumata bou simbuka ngi Herodes. I sire e'e nangul᷊i si Yesus, “Tuang Guru, i kami matitong i Tuang ko matul᷊iri. I Tuang manintiro mal᷊ahe-l᷊ahe apang hal᷊i kao u Mawu Ruata guna ngu taumata, ta mundia ngu tingihi sai-sai. Watu'u I Tuang ta mutatuhung ghahi u taumata. 17Ual᷊ingu e'e, kenang ko I Tuang puhabari si kami: Tumuhu atorang u agama ngi kite, apa botonge mamaehi balasteng su Kaisari arako ta?”
18I Yesus matitong pandung i sire ko dal᷊ai e'e, inau I Sie nangul᷊i, “Ei manga taumata ko pal᷊antikari! Nakurawe i kumu mangakal᷊i si Sia? 19Kenang andaghi si Sia doi ko ipake i kumu guna ngu mamaehi balasteng!”
Bou e'e i sire nangonggo doi sal᷊aka simbau si Sie. 20I Yesus nukina si sire, “Gambari l᷊au areng i sai i'i?”
21“I Kaisari,” nisimbahi sire.
Kuteu I Yesus nangul᷊i si sire, “Boko kere'e, onggoe si Kaisari apang koa i Kaisari, dang su Mawu Ruata apang koa u Mawu Ruata.”
22Su tempo ngi sire nakaringihi ko nil᷊ahe e'e, i sire naherang. Kuteu i sire natamai nanintang I Yesus.
Hal᷊i u puwawangung bou papate
(Mrk. 12:18-27; Luk. 20:27-40)
23 #
Wuk. 23:8
Su silou e'e l᷊ai, pia pirangkatau tau Saduki nusumongo si Yesus. I sire i'i ko bou simbuka ngu taumata ko pia titong i sire uare takoae taumata ko nate sau muwangung. 24#Sau. 25:5“Tuang Guru,” angkung i sire. “I Musa nanintiro kiri'i: Boko singkatau ko ese mate, dang i sie takoae ana, tuaringe mambeng pukawing dingang u wal᷊unge e'e tadeau makanggile hintounge su tau ko nate e'e. 25Pia i sire pitu tamahuari natana su si'i. Ko iyakang nukawing bou e'e nate takoae ana. Kuteu wal᷊unge e'e nitintang guna ngu tuaringe. 26Tuaringe e'e mang l᷊ai nate takoae ana. Hal᷊i ko musul᷊ung nariadi l᷊ai su tuaringe katilunge dang naturusi sarang ko kapitunge. 27Panginsuenge kowawine e'e nate l᷊ai. 28Ho, boko kere'e su tempo ngu taumata nate sau ipuwangung, nakoa kawing i sai tau kowawine e'e? Watu'u i sire pitu kaul᷊ie nukawing si sie.”
29I Yesus nusumimbahi, “I kumu seng nunsal᷊a sipiri, watu'u i kumu ta nakahingang wisara ngu Buki Susi, dang l᷊ai kawasa ngu Mawu Ruata. 30Watu'u boko taumata sarung sau muwangung, i sire seng ta sau mukawing, kateho i sire sarung muwiahi kere manga malaikati su sorga. 31Mborong ta paghisa i kumu nubasa apang ko nihabariu u Mawu Ruata bou hal᷊i u taumata ko nate sau nipuwangung? Mawu Ruata nangul᷊i, 32#Sasu. 3:6‘Ia Mawu ngi Abraham, Mawu ngi Ishak dang Mawu ngi Yakub.’ Mawu Ruata wal᷊inge Mawu ngu taumata ko nate. I Sie Mawu ngu taumata ko wiahi!”
33Suapang manga taumata maul᷊i e'e nakaringihi
l᷊al᷊ahe I Yesus, i sire mangkatewe naherang u tintiro-E.
Parenta ko kahimotongange
(Mrk. 12:28-34; Luk. 10:25-28)
34Su tempo ngu tau Farisi nakaringihi I Yesus nukoa tau Saduki ta nakadidato ngu apa, i sire nukomol᷊i. 35#Luk. 10:25-28Singkatau bo i sire, meteri agama, nanuka mangakal᷊i si Yesus dingang simbau kakina. 36“Tuang Guru,” angkunge, “parenta sude'e kahimotongange su l᷊al᷊ung u atorang u agama?”
37 #
Sau. 6:5
I Yesus nusumimbahi, “Kindaghite Mawu Ruata ngu dingang kal᷊abo u naung u, dingang u kaul᷊i u jiwa ngu, l᷊au dingang u kaul᷊i u sipirangu. 38E'e parenta ko kahimotongange dang kal᷊abokange! 39#Im. 19:18Parenta karuange ko musul᷊ung u ko kahimotongange e'e: Kindaghite sinsul᷊ung u kere i kau kumindaghi u watangengu. 40Kaul᷊i u atorang u agama ko nionggo i Musa l᷊au tintiro ngu manga nabi nituhu su parenta darua e'e.”
Ratu Mananal᷊amati
(Mrk. 12:35-37; Luk. 20:41-44)
41Su tempo ngu manga tau Farisi mborong kapukomol᷊i su se'e, I Yesus nukina si sire, 42“Apa su titong i kumu hal᷊i u Ratu Mananal᷊amati? Hintou ngi sai I Sie?”
“Hintou ngi Daud,” nisimbahi sire.
43“Boko kere'e,” I Yesus nukina, “Nakurawe Roh u Mawu Ruata nungonggo u kasasua si Daud tadeau pusigho su Ratu Mananal᷊amati e'e ‘Mawu’? Watu'u i Daud nangul᷊i,
44 #
Mzm. 110:1
‘Mawu nangul᷊i su Mawuku:
kangiangte su kuaneng-Ku,#22:44: kangiangte … kuaneng-Ku: Tumuhu adati tau Yahudi, ko inggilenang u adati dang kawasa kumangiang su simbuka kuaneng.
sarang Ia mukoa apang roka-U sumulung si Kau.’
45Inau boko i Daud musigho si Ratu Mananal᷊amati e'e ‘Mawu’, kirapawe I Sie hintou ngi Daud?”
46Takoae manga singkatau nakasimbahi si Yesus. Dang nanita bou silou e'e, takoae ko wahani makina manga apa l᷊ai si Sie.
Currently Selected:
MATIUS 22: PLT
Highlight
Share
Copy
Want to have your highlights saved across all your devices? Sign up or sign in
