LUKAS 6

Kakina hal᷊i u l᷊ou ngu Sabati

(Mat. 12:1-8; Mrk. 2:23-28)

1 # Sau. 23:25 Pia su sil᷊ou Sabati, su tempo I Yesus nusumahe su simpalang anseri u gandung, manga tumatuhu-E nanipo gandung. I sire nangusu gandung e'e dingang u l᷊ima, bou e'e nikang i sire. 2Pira ngkatau taumata ngu Farisi nangul᷊i, “Nakurawe i kumu l᷊umawang atorang u agama ngi kite nukoa ko nilarang su l᷊ou ngu Sabati?”

3 # 1Sam. 21:1-6 I Yesus nusumimbahi, “Mborong tangkeng nubasa i kumu hal᷊i ko nikoa i Daud, su tempo ngi sie dingang u manga taumatange nahutung? 4#Im. 24:9I Sie nusumu su Wal᷊e ngu Mawu dang nangal᷊a boroti ko l᷊inau mbuae nisumba su Mawu Ruata, bou e'e nikange. Bou e'e boroti e'e nionggoe l᷊ai su manga taumatange, sumbal᷊i tumuhu atorang u agama ngi kite, kitang manga imam botonge kumang boroti e'e.”

5Bou e'e I Yesus nangul᷊i, “Ahusi Taumata makawasa su l᷊ou ngu Sabati!”

Taumata ko pepa l᷊imange simbuka

(Mat. 12:9-14; Mrk. 3:1-6)

6Pia su l᷊ou ngu Sabati ko wal᷊inge, I Yesus tamai nanintiro su wal᷊e pukakal᷊iomanengang. Su se'e pia taumata ko pepa l᷊imange simbuka. 7Pira ngkatau meteri agama dang tau Farisi mo mundea sal᷊a ngi Yesus tadeau botonge mangalaki I Sie. Inau i sire mangkate kapuparhatikange minsang I Sie mupakaul᷊e ngu taumata su l᷊ou ngu Sabati. 8Arawe I Yesus matitong naung i sire. Kuteu I Sie nangul᷊i su tau ko pepa l᷊imange e'e, “Mai rarisi si'i su saruang!” Tau e'e nuwua, bou e'e nurumarisi su se'e. 9Bou e'e I Yesus nukina su manga taumata ko ene su se'e, “Tumuhu agama, apa koateng i kite su l᷊ou ngu Sabati? Mukoa ko mapia arako mukoa ko dal᷊ai? Mangambang taumata arako manilaka?” 10I Yesus nutuhung tamai-mai si sire kaul᷊ie, bou e'e nangul᷊i#6:10: nangul᷊i: pira mbau wohe horo: nangul᷊i dingang u wawal᷊uang. su tau e'e, “Ul᷊uhi l᷊imangu” Tau e'e nangul᷊uhi l᷊imange, dang l᷊imange dingang naul᷊e.

11Arawe manga meteri agama l᷊au manga tau Farisi e'e nuwawal᷊uang kahingang, dang nanita nudidato ngu apa ko koateng i sire si Yesus.

I Yesus namile mapul᷊odua Rasuli

(Mat. 10:1-4; Mrk. 3:13-19)

12Su tempo e'e I Yesus nusumaka sarang wul᷊uri nukal᷊iomaneng, su se'e I Sie nukal᷊iomaneng su Mawu Ruata sihuwi tiwatu. 13Suapang l᷊ou seng nasua I Sie nukui manga tumatuhu-E, bou e'e namile mapul᷊odua su kataunge bou tal᷊oara i sire. I Sie nusigho si sire mapul᷊odua e'e manga rasuli. I sire e'e ko i'i: 14I Simon (Ko nisigho-E l᷊ai i Petrus), dang i Andreas tamahuari dingang i Simon; i Yakobus l᷊au i Yohanes, I Filipus l᷊au i Bartolomeus, 15i Matius l᷊au i Tomas, i Yakobus ana i Alfeus, l᷊au i Simon (ko nisigho si Patriot), 16i Yudas ana i Yakobus dang i Yudas Iskariot ko samuringe nusingking si Yesus.

I Yesus nanintiro l᷊au nupakaul᷊e ngu taumata

(Mat. 4:23-25)

17Bou e'e I Yesus nurumusung bou wul᷊uri e'e dingang u manga rasuli e'e, bou e'e nangiro dang nurumarisi su tampa simbau ko matene. Su se'e pia l᷊ai maul᷊i manga tumatuhu-E ko wal᷊inge dang napene taumata nusumongo bou apang tampa su kaul᷊i u Yudea, Yerusalem, l᷊au bou manga soa ngu Tirus dang Sidon ko su wiwihi u l᷊auri. 18I sire nusumongo guna ngu mundaringihi si Yesus, dang tadeau ipakaul᷊e bou apang saki i sire. I sire ko nikasukang u roh ko dal᷊ai nusumongo l᷊ai dang nipakaul᷊e. 19Kaul᷊i u taumata nutawakal᷊i nanuhung si Yesus, watu'u pia kawasa ko sumuwang bou badang-E ko makaul᷊e si sire kaul᷊ie.

Kal᷊al᷊uasi dang kasasusa

(Mat. 5:1-12)

20I Yesus nutuhung manga tumatuhu-E bou e'e nangul᷊i.

“Kal᷊al᷊uasi si kumu apang taumata ko susa,

watu'u i kumu ko tataho umati Mawu Ruata!

21Kal᷊al᷊uasi si kumu ko nahutung su tempo i'i;

i kumu sarung ipakal᷊aeri!

Kal᷊al᷊uasi si kumu ko kasangie su tempo i'i,

i kumu sarung l᷊umighei!

22 # 1Ptr. 4:14 Kal᷊al᷊uasi si kumu boko ipubunsi, itagakang, ihinakaneng dang ipakamea ual᷊ingu Ahusi Taumata! 23#2Taw. 36:16; Wuk. 7:52Manga nabi su tempo horo nikoa kere'e l᷊ai. Boko hal᷊i e'e mariadi pakal᷊uasite naung i kumu dang pusal᷊ai ngu l᷊al᷊iaghi, watu'u ko l᷊abo wawal᷊isi seng masasadia guna ngi kumu su sorga.

24Arawe kasasilaka si kumu ko kala su tempo i'i;

watu'u i kumu seng nakapundang temange!

25Kasasilaka si kumu ko nal᷊aeri su tempo i'i;

watu'u i kumu sarung mahutung!

Kasasilaka si kumu ko kal᷊igheinge su tempo i'i;

watu'u i kumu sarung masusa naung dang sumangi!

26Kasasilaka si kumu, boko kaul᷊i u taumata mundalo si kumu; watu'u kere'e l᷊ai i upung i sire nundalo manga mahang nabi su tempo horo.”

Kakindaghi su sudu

(Mat. 5:38-48, 7:12a)

27“Arawe si kumu ko kapundaringihi si Sia su tempo i'i, Ia mangul᷊i u tatanata i'i: kindaghite manga sudu'u, dang pukoa ko mapia su taumata ko mubinsi si kumu. 28Al᷊amatite taumata ko mangane si kumu, dang kal᷊iomanenge taumata ko mundal᷊ai si kumu. 29Boko taumata ko mamal᷊eri pipiu simbuka, walate i sie pamal᷊eri l᷊ai pipiu simbuka. Boko kakingkaengu nipal᷊aho, onggo l᷊ai laku'u. 30Boko taumata mundo manga apa si kau, onggote e'e si sie; dang boko rarotongu nipal᷊aho, kumbahang sau al᷊akengu. 31#Mat. 7:12Pukoate su taumata ko wal᷊inge, kere ko ikao i kumu pakikoa si sire.

32Boko i kumu kitang kumindaghi su taumata ko kumindaghi si kumu, apawe wawal᷊isi si kumu? Taumata ko bardosa l᷊ai mang kumindaghi su apang taumata ko kumindaghi si sire. 33Dang boko i kumu kitang mukoa ko mapia su manga taumata ko mukoa ko mapia si kumu, apawe wawal᷊isi si kumu? Taumata ko bardosa l᷊ai mang mukoa kere'e! 34Dang boko i kumu kitang makaonggo pangirangeng doi su apang taumata ko makasul᷊e, apawe wawal᷊isi si kumu? Taumata ko bardosa l᷊ai mang makaonggo pangirangeng doi su taumata ko bardosa, bou e'e sau ipundokange! 35Tuhu hinonge wal᷊ingewe kere'e! Su l᷊ikuri e'e i kumu mambeng kumindaghi u sudu'u dang pukoa ko mapia si sire. I kumu mambeng pangonggo rang, dang kumbahang muharapi sau masul᷊e. Boko kere'e wawal᷊isi sarung ko l᷊abo dang i kumu sarung mariadi manga ana u Mawu Ruata Ko Karangetange. Watu'u Mawu Ruata mapia naung-E su taumata ko wugha mutarimakase dang l᷊ai su taumata ko dal᷊ai. 36Pukakindaghiko i kumu kere I Yamangu l᷊ai ko makindaghi!”

Mamonesi taumata

(Mat. 7:1-5)

37“Kumbahang mamonesi taumata ko wal᷊inge, tadeau i kumu l᷊ai ta iponesi u Mawu Ruata. Kumbahang muhukung u taumata ko wal᷊inge, tadeau i kumu l᷊ai ta ihukung u Mawu Ruata. Ampungete taumata ko wal᷊inge, tadeau Mawu Ruata l᷊ai mangampung si kumu. 38Pangonggoko su taumata ko wal᷊inge tadeau Mawu Ruata l᷊ai mangonggo si kumu; i kumu sarung manarima l᷊aonggo mapene-pene ko seng niukuri pakasima-sima guna ngi kumu. Watu'u ukurang ko ipangukuri si kumu sarung ipangukuri u Mawu Ruata si kumu.”

39 # Mat. 15:14 Bou e'e I Yesus nuwuke si sire papinintu i'i, “Boko tau ko wuta mangaha tau ko wuta ko wal᷊inge, nal᷊ahe i sire rua sarung manawo su goti. 40#Mat. 10:24-25; Yoh. 13:16, 15:20Takoae tumatuhu ko nangilebe l᷊aboe bou meteri. Kateho tumatuhu ko seng nasue sikol᷊ange sarung makoa musul᷊ung meteri.

41Nakurawe i kumu makawua oma ngu kau su l᷊al᷊ung mata ngu ana u simbau'u, arawe balaki su matau ta ipandungang i kumu? 42Kirapa i kumu makahabari su ana u simbau, ‘Mai anu, ia mangal᷊a oma ngu kau e'e bou matau,’ arawe su l᷊al᷊ung u matau sisane pia balaki ko ta nikawua ngi kumu? Ei tal᷊umpangki! Pasuwangko horo balaki su l᷊al᷊ung u matau sisane. Mbuhue i kumu makawua mal᷊ahe dang botonge mupasuwang u oma ngu kau bou mata ngu ana u simbau'u.”

Kau l᷊au wuange

(Mat. 7:16-20, 12:33-35)

43“Kau ko matuwo ta muwua ngu wua ko dal᷊ai. Kere'e l᷊ai kau tatuwonge ko dal᷊ai, ta muwua ngu wua ko mapia. 44#Mat. 12:33Apang kau ikakil᷊al᷊a bou wuange. Nggal᷊umue ko mal᷊ahoro ta muwua wua ngu ara, dang rindulu ko mal᷊ahoro ta muwua wua ngu anggori 45#Mat. 12:34Taumata ko mapia mupasuwang u manga hal᷊i ko mapia, watu'u naunge napene u ko mapia. Taumata ko dal᷊ai mupasuwang u hal᷊i ko dal᷊ai, watu'u naunge napene ko dal᷊ai. Ual᷊ingu apang ko nihabari u mohong e'e ko nusumuwang bou naung.”

Base u wal᷊e ko pande l᷊au base u wal᷊e ko bodoki

(Mat. 7:24-27)

46“Nakurawe i kumu mukui sia, ‘Mawu, Mawu,’ kateho ta mukoa apang ko daku niul᷊i si kumu? 47Dingang i sai ikasul᷊ung i kite taumata ko sumongo si Sia, l᷊au mundaringihi didato-Ku, dang mukoa e'e? Boko kere'e Ia mupakal᷊ahe si kumu. 48I sie musul᷊ung u taumata su tempo nupararisi u wal᷊e, nukal᷊i mal᷊al᷊ung-l᷊al᷊ung, bou e'e nukoa pondasi su wawo u watu. Su tempo ngu pia luwa dang ake u sal᷊uhi nahino su wal᷊e e'e, wal᷊e e'e ta nukumanoa, watu'u seng nipararisi su wawo u pondasi ko matoghasi. 49Arawe taumata ko mundaringihi didato-Ku dang ta mukoa, e'e ko musul᷊ung u singkatau ko nupararisi wal᷊e takoae pondasi. Boko l᷊uwa nahino su wal᷊e e'e, singkakonda mahaka; dang nangilebe l᷊abo rusange!”

Currently Selected:

LUKAS 6: PLT

Highlight

Copy