YOHANES 4
4
I Yesus dingang kowawine bou Samaria
1Manga taumata ngu Farisi nakaringihi himoneu I Yesus nakarea dang nanahani lebe maul᷊i tumatuhu bo i Yohanes. 2(Tuhu hinonge I Yesus sisane ta nanahani kateho kitang manga tumatuhu-E.) 3Su tempo ngi Yesus nakatitong himoneu apang tau Farisi seng nakaringihi hal᷊i e'e, I sie natamai bou Yudea nusul᷊e sarang Galilea. 4Su l᷊al᷊ung u l᷊al᷊al᷊eng-E e'e I Sie mambeng l᷊umiu Samaria. 5#Kar. 33:19; Yos. 24:32Kuteu I Yesus nurating u soa simbau su Samaria arenge Sikhar, masandighi u wanua ko l᷊inau nionggo i Yakub su anae i Yusuf. 6Se'e pia pahighi ngi Yakub. I Yesus tumaniu nawau watu'u l᷊al᷊al᷊enge, ual᷊ingu e'e I Sie nukumangiang su wiwihi u pahighi. Tempo e'e patehang manga pukul᷊i mapul᷊odua kal᷊ihae, 7-8dang manga tumatuhu I Yesus seng nakoa sarang soa nul᷊uang kang. Bou e'e pia singkatau kowawine ngu Samaria nusumongo nanimba ake. I Yesus nangul᷊i si sie, “Ma, botonge Ia mundo inung?”
9 #
Ezr. 4:1-5; Neh. 4:1-2 Ko wawine ngu Samaria e'e nusumimbahi, “I Tuang taumata ngu Yahudi, ia tau Samaria; nakurawe I Tuang mundo inung si sia?” (Watu'u manga taumata ngu Yahudi takoae wuhie dingang u tau Samaria.)#4:9 manga tau Yahudi takoae wuhie dingang u tau Samaria: arako tau Yahudi mandi mupake wohosi ko nipake u tau Samaria.
10I Yesus nusumimbahi, “Kiko i kau matitong u l᷊aonggo u Mawu Ruata dang matitong ko i sai kapundoe inung si kau, i kau sisane sarung mundo inung si Sie, dang I Sie sarung mangonggo ake u wiahi si kau.”
11Angkung tau kowawine e'e, “I Tuang takoae tatimba, dang pahighi i'i mal᷊al᷊ung kahingang. Bou apa i Tuang makarea ake ko wiahi? 12I Yakub i upung i kami, nangonggo pahighi i'i si kami#4:12 i kami: arako i kite. I sie sisane nangal᷊a ake inunge bou i'i; kere'e l᷊ai manga anae dang manga binatang papal᷊iharange. Apa su naung I Tuang I Tuang ko lebe l᷊abo bo i Yakub?”
13I Yesus nangul᷊i, “Taumata ko manginung ake i'i sarung sau marou, 14arawe taumata ko manginung ake ko sarung Daku ionggo, i sie seng ta sarung marou sarang kal᷊iwuenge. Watu'u ake ko sarung Daku ionggo e'e sarung makoa mata ngu ake su l᷊al᷊ung puwawiahie ko mamusi sumuwang dang mangonggo si sie puwuwahi ko kahingang dang ko kakal.”
15Tau kowawine e'e nangul᷊i, “Tuang, onggol᷊e ko ia ake e'e, tadeau ia l᷊ai seng ta marou; dang seng ta musul᷊e sau mangal᷊a ake sarang i'i.”
16I Yesus nangul᷊i, “Dakoe, kuie kawingu, bou e'e mai pusul᷊e sarang i'i.”
17Tau kowawine e'e nusumimbahi, “Ia takoae kawingku.”
“Mang tingari didatongu,” angkung I Yesus. 18“Watu'u i kau seng pakal᷊ima nukawing, dang ko ese ko nul᷊al᷊ahiking dingangu su orasi i'i wal᷊inge kawingu.”
19Tau kowawine e'e nangul᷊i, “Su orasi i'i ia matitong I Tuang singkatau nabi.” 20“I upung i kami manumba Mawu Ruata su wul᷊uri i'i, arawe bangsa ngi Tuang nangul᷊i himoneu ko kitang su Yerusalem tampa u taumata manumba su Mawu Ruata.”
21I Yesus nangul᷊i si sie, “pangimangte”, paghisa temponge taumata sarung manumba si Yamang, wal᷊inge su wul᷊uri i'i dang wal᷊inge l᷊ai su Yerusalem. 22I kumu manga tau Samaria manumba apang ko ta nikatitonang i kumu, arawe i kami tau Yahudi manumba si Sie ko nikatitonang i kami, watu'u kasasal᷊amati nusumongo bou taumata ngu Yahudi. 23Kateho temponge sarung sumongo, dang seng nusumongo, himoneu dingang u kawasa ngu Roh u Mawu Ruata kaul᷊i u taumata sarung manumba si Yamang kere Mawu Ruata ko tingari sintuhu ko nikao i Yamang. 24Watu'u Mawu Ruata e'e ko Roh, dang kitang dingang u kawasa ngu Roh u Mawu Ruata manga taumata makapanumba si Yamang kerewe I Sie ene.
25Tau kowawine e'e nangul᷊i si Yesus, “Ia matitong Ratu Mananal᷊amati (ko nisigho si Kristus) sarung sumongo. Boko I Sie sumongo, I Sie sarung muhabari patiku si kite.”
26Angkung I Yesus, “Ko Ia I Sie. Ia ko su orasi i'i kapudidatonge dingangu.”
27Su tempo e'e manga tumatuhu I Yesus nusul᷊e. I sire naherang nakawua si Yesus kapudidatonge dingang u singkatau kowawine. Kateho takoae sarang singkatau bo i sire ko nukina su tau kowawine e'e, “Mama apa kaou?” arako nukina si Yesus, “Nakurawe I Tuang kapudidatonge dingang u tau kowawine e'e?”
28Kuteu kowawine e'e nanintang u bunsarie su se'e, bou e'e nutumal᷊ang sarang soa dang nuhabari su manga taumata pai se'e, 29“Maite putuhung taumata ko seng nuhabari si sia kaul᷊i u apang ko seng daku nikoa. Apa seng I Sie e'e Ratu Mananal᷊amati?” 30Kuteu manga taumata e'e l᷊ai nanintang u soa, bou e'e natamai nakoa sarang koa I Yesus.
31Tintal᷊a e'e manga tumatuhu-E nuhawu si Yesus kumang. I sire nangul᷊i, “Tuang Guru sal᷊amati kumang.”
32Kateho I Yesus nusumimbahi, “Si Sia pia kang, ko ta nikatitonang i kumu.”
33Kuteu manga tumatuhu-E nanita nukakina, “Apa pia taumata numbawa kang-E?”
34Bou e'e I Yesus nangul᷊i, “Kang-Ku e'e ko tumuhu kao I Sie ko nundoi u Ia, dang manginsue hal᷊i ko nisarakang-E si Sia. 35I kumu nangul᷊i. ‘Kate pa u wul᷊ang tempo ngu manipo.’ Kateho Ia mangul᷊i si kumu: Tuhungete manga anseri ko seng naririhi, seng temponge itipo! 36Taumata ko manipo seng manita manarima u wawaehi dang kapangomol᷊i wuange guna ngu puwawiahi ko kahingang dang ko kakal. Kuteu taumata ko nusuang l᷊au ko manipo seng kaul᷊ie botonge mahul᷊iaghi singkahindo. 37Papinintu i'i nuhino l᷊ai, ‘Singkatau nusuang, ko wal᷊inge manipo.’ 38Ia nundoi si kumu tarai panipo sarang awuhi ko ta nihal᷊ikang i kumu; taumata ko wal᷊inge seng nuhal᷊i dara se'e dang i kumu manarima u l᷊uange bou hal᷊i i sire.”
39Maul᷊i tau Samaria tataho u soa e'e nangimang si Yesus, watu'u tau kowawine e'e nangul᷊i, “I Sie nuhabari si sia kaul᷊i u apang ko seng daku nikoa.” 40Kuteu suapang manga tau Samaria e'e nusuma I Yesus, i sire nundo singapang botonge tadeau I Sie matana dingang i sire. Inau I Yesus natana dua l᷊ou l᷊iwuenge su se'e.
41Bou e'e mborong natamba nangilembo maul᷊i l᷊ai taumata nangimang si Yesus ual᷊ingu apang ko nitintiro-E si sire. 42I sire nangul᷊i su tau kowawine e'e, “I kami mangimang su orasi i'i, wal᷊ingewe l᷊ai ual᷊ingu apang ko niul᷊iu si kami, kateho ual᷊ing i kami sisane seng nakaringihi si Sie, dang natitong himoneu I Sie mang tingari Mananal᷊amati u dunia.”
I Yesus nupakaul᷊e ngu ana u mul᷊ahal᷊i su istana
43Nal᷊iu dua l᷊ou bou natana su Sikhar, I Yesus natamai sarang Galilea. 44#Mat. 13:57; Mrk. 6:4; Luk. 4:24I Yesus sisane seng bou nangul᷊i, “Singkatau nabi ta adateng su wanuange sisane.” 45#Yoh. 2:23Kateho su tempo I Sie nurating u Galilea, apang taumata pai se'e kaul᷊ie mal᷊uasi nanarima I Sie, watu'u su sal᷊iwang L᷊ou ngu Paska i sire ene su Yerusalem, dang seng nakawua kaul᷊i u apang ko nikoa I Yesus.
46 #
Yoh. 2:1-11
Bou e'e I Yesus nusul᷊e sarang Kana su Galilea, pia pai se'e I Sie mbuae namal᷊u ake nakoa anggori. Su soa e'e pia singkatau mul᷊ahal᷊i su pamarenta, ko pia ana e'e masaki su Kapernaum. 47Suapang i sie nakaringihi himoneu I Yesus seng nusumongo su Galilea bou Yudea, i sie natamai sarang koa I Yesus dang nundo si Yesus patamai sarang Kapernaum tadeau pupakaul᷊e ngu anae ko seng masandighi mate. 48I Yesus nangul᷊i su mul᷊ahal᷊i su pamarenta e'e, “Manga i kumu ta nakawua kaul᷊i u tatia ko makal᷊aherang, i kumu ta mangimang.”
49Tau e'e nusumimbahi, “Tuang kaehong tamai su horo u anaku mate.”
50I Yesus nangul᷊i si sie, “Dakoe tamai ana u seng naul᷊e.”
Tau e'e nangimang didato Ngi Yesus, bou e'e i sie natamai. 51Su l᷊al᷊eng manga paparentange nasongo sarang koa-E dingang nuhabari, “Ana i Tuang seng naul᷊e.”
52Bou e'e I Sie nukina si sire pukul᷊i pira ana e'e naul᷊e. Angkung i sire, “Kahuwi patehang manga pukul᷊i simbau kal᷊ihae nailang l᷊ahange.” 53Bou e'e iyamang u ana e'e nakatinaung himoneu su tempo e'e I Yesus nangul᷊i si sie, “Ana u seng naul᷊e.” Kuteu i sie l᷊au manga ghe'e nangimang si Yesus.
54E'e ko makal᷊aherang karuange nikoa I Yesus su Galilea suapang I Sie nusumongo bou Yudea.
Currently Selected:
YOHANES 4: PLT
Highlight
Share
Copy
Want to have your highlights saved across all your devices? Sign up or sign in
