KARARIADI 15

Pudadiandi ngu Mawu Ruata dingang i Abram

1Bou e'e i Abram nanarima kawawua, dang nakaringihi Mawu nuhengetang si sie, “Abram, kumbahang mataku, Ia sarung manirung si kau bou silaka, dang mangonggo wawal᷊isi ko l᷊abo si kau.”

2-3Arawe i Abram nangul᷊i, “Mawu Ko Karangetange, Mawu ta nangonggo u ana si sia. Taumata ko sarung mamusaka rarotongku kitang i Eliezer, l᷊angku bou Damsyik.#15:2-3: Taumata … Damsyik, wahasa ngu Ibrani ta mal᷊ahe. Inau apawe gunange Mawu mangonggo u wawal᷊isi si sia?”

4Bou e'e i Abram sau nakaringihi Mawu nuhengetang si sie, “Wal᷊ingewe l᷊ang u ko sarung mamusaka rarotong u e'e, kateho ko ana u sisane ko ese.” 5#Rm. 4:18; Ibr. 11:12Mawu numbawa si Abram sarang l᷊ikuri bou e'e, “Tuhungeko l᷊angi, dang kenangko rekeng manga wituing, i kau sarung makahombang hintou ngu ul᷊ie kere wituing e'e.”

6 # Rm. 4:3; Gal. 3:6; Yak. 2:23 I Abram nangimang su Mawu, dang ual᷊ingu e'e Mawu nanarima si sie kere singkatau ko makal᷊uasi naung-E.

7Bou e'e Mawu sau nuhengetang si sie, “Ia Mawu, ko seng nangaha si kau nusumuwang bou soa ngu Ur su Babilonia, guna ngu mangonggo tana i'i si kau mariadi koau.”

8Kateho i Abram nakina, “O, Mawu Ko Karangetange, kirapawe ia makatitong himoneu tana e'e sarung mariadi koaku?”

9Sasimbahi Mawu, “Al᷊akeko ia sapi kowawine simbau, kambing kowawine simbau l᷊au domba ko ese simbau, umuri sire simbau-simbau tilu taung dang l᷊ai burung sal᷊umpito simbau l᷊au burung paluma simbau.” 10Bou e'e i Abram nangal᷊a manga binatang e'e guna ngu Mawu Ruata. Sapi, kambing l᷊au domba e'e simbau-simbau niwukae nakoa darua, dang apang kompenge e'e, nipiloe mutatingo mutatente dua rei. Arawe manga burung e'e ta niwukae. 11Ghisi ngu binatang e'e nirorokang u manga burung ko tahakang bangke, kateho niuseri Abram.

12 # Ayb. 4:13, 14 Su tempo ngu matangutiti manita sumira, i Abram nikapatikilang mal᷊uma. Singkawawua i sie nirinta ngu taku ko takoae sihinge. 13#Sasu. 1:1-14; Wuk. 7:6Mawu nuhengetang si sie, “Tinaungete, hintou ngu sarung makoa tau raghi su wanua ko wal᷊inge; i sire sarung makoa l᷊ang pai se'e dang sarung sirakeng pauhasu su taunge. 14#Sasu. 12:40-41; Wuk. 7:7Kateho bangsa ko mutahul᷊ang hintou ngu e'e sarung Daku ihukung dang su tempo ngu hintou ngu manintang u wanua e'e, i sire sarung mumbawa rarotong maul᷊i. 15I kau sisane ngu sarung makarating umuri ko marange; i kau sarung mate su purarame, mbuhue il᷊uwing. 16Murating sarang pa u hintou, ana pung u mbuhue sau musul᷊e sarang tampa i'i, ual᷊ingu Ia ta sarung manguseri tau Amori suhoro i sire makoa kere'e kal᷊al᷊aie hakiu mambeng ihukung.”

17Su tempo ngu l᷊ou seng nahuwi, singkawawua nutumimbul᷊i sunggili ko katipunge l᷊au l᷊autu ko kahenange, bou e'e nul᷊umiu apang kakompeng u ghisi e'e. 18#Wuk. 7:5Su tempo e'e l᷊ai Mawu nukoa pudadiandi dingang i Abram. Angkung u Mawu, “Ia mudiandi sarung mangonggo su hintou ngu kal᷊abo u tana i'i, manita bou pusarang dingang u wanua ngu Mesir murating sarang sal᷊uhi Efrat, 19Nasu l᷊ai tana ngu tau Keni, Kenas, Kadmon, 20Het, Feris, Refaim, 21Amori, Kanaan, Girgasi l᷊au Yebus.”

Currently Selected:

KARARIADI 15: PLT

Highlight

Copy