KARARIADI 13

I Abram nutal᷊ei dingang i Lot

1I Abram nanintang u Mesir dang nakoa sarang simbuka ngu sawunahi, nakoa sarang bahageang u timuhi Kanaan dingang kawinge l᷊au patiku rarotonge, dang i Lot l᷊ai nutumuhu. 2I Abram ko kala kahingang; i sie pia dombae, kambing, sapi, pia l᷊ai sal᷊aka l᷊au wul᷊aeng. 3Kuteu natamaite i sie bou tampa simbau sarang tampa ko wal᷊inge, nakoa sarang Betel. I sie nurating u tampa su tal᷊oara u Betel dang Ai, su tampa ko maal᷊amati su apa i sie horo natana su kema. 4Dang nupararisi u mesba. Su se'e i sie nanumba Mawu.

5I Lot l᷊ai pia walaghenge l᷊au manga l᷊ange dang domba, kambing, l᷊au sapi. 6Ual᷊ingu onasi su tana e'e ta makataung guna ngu katanakeng i sire rua, watu'u binatang papal᷊iharang i sire rua tumaniu maul᷊i. 7Inau nariadite purarendehi su tal᷊oara u manga mul᷊al᷊ukari binatang ngi Abram l᷊au manga mul᷊al᷊ukari binatang ngi Lot. (Su tempo e'e tau Kanaan l᷊au tau Feris mborong natana su tampa e'e.)

8I Abram nangul᷊i si Lot, “I kite ko ana u singge, ko dal᷊ai boko manga taumata ngu l᷊au manga taumataku murarendehi. 9Watu'u e'e mapiang i kite mutal᷊ei. Pamilete bahageang sude'e bou tana i'i ko ikaou. Boko i kau makoa tamai, ia makoa sarang tampa ko wal᷊inge.”

10 # Kar. 2:10 I Lot nutuhung tamai apang ko su tingonge dang nikawuae himoneu patiku u wal᷊ang u Yordan, murating sarang soa ngu Zoar maul᷊i ake'e kere taman u Mawu#13:10: Taman Mawu: manul᷊ara su taman Eden. arako kere tana ngu Mesir. (Kere'e kakakoae su horo u Mawu nupakawinasa manga soa ngu Sodom l᷊au Gomora.) 11Panginsuenge i Lot namile patiku wal᷊ang u Yordan, bou e'e nuwua sarang simbuka ngu raki. Kere'e i sire rua e'e nutal᷊ei. 12I Abram tatapi natana su tana Kanaan, arawe i Lot natana su kema su manga soa su wal᷊ange nurating sarang masandighi u Sodom. 13Soa ngu Sodom e'e nikatanakeng u manga taumata ko l᷊al᷊al᷊ai dang bardosa su saruang u Mawu.

I Abram nangal᷊ing sarang Hebron

14Suapang i Lot natamai, Mawu nuhengetang si Abram, “Bou tampa nirarisikangu e'e, tuhungeko pakapia-pia sarang patiku wukunge; 15#Wuk. 7:5 Ia sarung mangonggo si kau l᷊au su hintou ngu patiku tana ko nikawua ngu e'e tadeau makoa koa u sarang kal᷊iwuenge. 16Ia sarung mangonggo si kau hintou ko maul᷊i-ul᷊i, hakiu takoae sarang singkatau botonge makarekeng si sire. Kere taumata ta makarekeng awu su tana, kere'e l᷊ai hintou ngu ta ikarekeng. 17Su orasi i'i, l᷊ikutete kal᷊abo u tana i'i, watu'u Ia sarung mangonggo tana e'e si kau.” 18Bou e'e i Abram nangal᷊ing u kemae mbuhue natana masandighi u manga kau ko maal᷊amati tampa u pukakal᷊iomanengang su Mamre masandighi u Hebron, dang su se'e i sie nupararisi mesba guna ngu Mawu.

Currently Selected:

KARARIADI 13: PLT

Highlight

Copy