KOE TOHI A SAKALAIA 8
8
1 Koe toe laga o Jelusalema. 9 Oku tokoni e he kakai ki hono laga hake, koeuhi oku kau ki ai ae Otua. 16 Oku fekau ke nau fai lelei. 18 Oku fakaha e fiefia mo monuia ia.
1NAE toe hoko foki kiate au ae folofola a Jihova oe gaahi kau tau, o behe, 2Oku behe e Jihova oe gaahi kau tau; naaku fuaa koeuhi ko Saione i he fuaa lahi, bea naaku fuaa koeuhi koia, beau houhau lahi. 3Oku behe e Jihova; kuou foki mai ki Saione, bea teu nofo i he lotolotoga o Jelusalema: bea e ui a Jelusalema koe kolo oku i ai ae mooni; bea koe mouga o Jihova oe gaahi kau tau, koe mouga maonioni. 4Oku behe e Jihova oe gaahi kau tau; e toe nofo i he gaahi hala o Jelusalema ae kakai mātua moe kau fine mātua, bea e taki taha too ha tokotoko i hono nima koeuhi koe nau motua aubito. 5Bea e fonu ae hala oe kolo i he tamaiki tagata, moe tamaiki fefine, oku fakava i hono gaahi hala oia. 6Oku behe e Jihova oe gaahi kau tau; kabau kuo faigataa eni ki he mata oe toega kakai ni, i he gaahi aho ko eni, bea e faigataa ia foki i hoku ao ooku? oku behe e Jihova oe gaahi kau tau. 7Oku behe e Jihova oe gaahi kau tau; Vakai, teu fakamoui a hoku kakai mei he fonua hahake, bea mei he fonua i luluga; 8Bea teu omi akinautolu, bea te nau nofo i he lotolotoga o Jelusalema; bea ko hoku kakai akinautolu, bea ko ho nau Otua au, i he mooni moe maonioni.
9Oku behe e Jihova oe gaahi kau tau; Ke malohi ho mou nima, akimoutolu oku fanogo i he gaahi aho ni, ki he gaahi lea ni, mei he gutu oe kau balofita, aia nae i ai i he aho koia nae to ai ae tuuga oe fale o Jihova oe gaahi kau tau, koeuhi kae laga ae fale tabu. 10He nae heeki ke hoko ae gaahi aho koia, nae ikai ha gaue oku fai e ha tagata, be ha gaue ke fai e ha manu; bea koe mea i he mamahi, nae ikai fiemalie ha taha nae alu atu, be hu mai; he naaku fakafehia ae tagata taki taha kotoabe ki hono kaugaabi. 11Ka koeni, oku behe e Jihova oe gaahi kau tau, E ikai teu hage eni koe gaahi aho i muaage ki he toega kakai. 12Koeuhi e monuia ae hako: e tuku mai e he vaine a hono fua, bea e omi e he kelekele a hono tubu, bea e foaki mei he lagi a hono hahau; bea teu bule ke ma‘u e he toega kakai ni ae gaahi mea ni kotoabe. 13Bea e hoko o behe, hage ko hoo mou hoko koe malaia, i he lotolotoga oe hiteni, e fale o Juta, mo koe e fale o Isileli; e behe be a eku fakamoui akimoutolu, bea te mou hoko koe monuia: oua naa manavahe, ka e tuku ke malohi ho mou nima. 14He oku behe e Jihova oe gaahi kau tau; Hage naaku loto ke tautea akimoutolu, i he fakahouhau‘i au e hoo mou gaahi tamai, oku behe e Jihova oe gaahi kau tau, bea nae ikai teu liliu mei ai: 15Oku behe foki, kuou loto ke fai lelei i he gaahi aho ni, ki Jelusalema, bea moe fale o Juta: oua naa mou manavahe.
16Koeni ae gaahi mea te mou fai; Mou taki taha lea aki ae mooni ki ho mou kaugaabi; fai ae fakamāu i he mooni, moe melino i ho mou gaahi mataba. 17Bea oua naa femahalokoviaki i ho mou loto ki ho mou kaugaabi, bea oua naa manako ki he fuakava loi; he oku behe e Jihova, koe gaahi mea ia oku ou fehia ki ai.
18Bea nae hoko mai ae folofola a Jihova oe gaahi kau tau, o behe, 19Oku behe e Jihova oe gaahi kau tau; Koe aukai i hono fa oe mahina, moe aukai i hono nima, moe aukai i hono fitu, moe aukai i hono hogofulu, e hoko ia koe fiefia, moe nekeneka, moe gaahi katoaga fakafiefia ki he fale o Juta; koia mou ofa ki he mooni, moe melino. 20Oku behe e Jihova oe gaahi kau tau. E toe ha‘u ha kakai mo kinautolu oku nofo i he gaahi kolo kehekehe: 21Bea e alu ae kakai oe kolo e taha ki he kolo e taha, mo nau febeheaki, Ke tau alu fakatootoo ke lotu kia Jihova, bea ke kumi kia Jihova oe gaahi kau tau: teu alu foki mo au. 22Io e ha‘u ae kakai kehekehe moe gaahi buleaga malohi ke kumi kia Jihova oe gaahi kau tau, bea ke lotu hu i he ao o Jihova i Jelusalema. 23Oku behe e Jihova oe gaahi kau tau; I he gaahi aho koia e buke atu e he toko hogofulu mei he gaahi lea kehekehe oe gaahi buleaga, io, te nau buke ae kaba oe kofu oe Jiu mo nau behe, Te tau o mo koe: he kuo mau fanogo oku iate kimoutolu ae Otua.
Currently Selected:
KOE TOHI A SAKALAIA 8: TWB
Highlight
Share
Copy
Want to have your highlights saved across all your devices? Sign up or sign in
