KOE TOHI A SAKALAIA 4
4
1 Oku fakaha i he fakatātā ki he tuuga māma koula, ae lelei oe ai tuuga e Selubebeli. 11 Koe fakatatau oe ogo akau koe olive, koe toko ua ia oku fakatabu‘i.
1BEA nae toe ha‘u ae agelo naa ma talanoa mo au, o ne fafagu au, o hage koe fafagu ha taha oku mohe. 2Bea naa ne behe kiate au, Koeha oku ke jio ki ai? Bea naaku behe eau, Kuou jio, bea vakai, koe tuuga māma koe koula haohaoa be, moe aiaga lolo i oluga, mo hono tuuga māma e fitu i ai, moe tafeaga lolo e fitu ki he tunga māma e fitu, aia oku i hono botu ki oluga: 3Bea oku tuu vaofi mo ia ae ogo akau koe olive, koe taha i he botu toomatau oe aiaga lolo, bea koe taha i hono botu fakatoohema. 4Koia neu beheage ai ki he agelo naa ma talanoa mo au, E hoku eiki koeha ena? 5Bea nae behe mai e he agelo naa ma talanoa mo au, Oku ikai te ke ilo be koeha ae gaahi mea na? Bea naaku behe, E hoku eiki, oku ikai. 6Bea toki tali mai eia o ne behe kiate au, Ko eni ae folofola a Jihova kia Selubebeli, o behe, Oku ikai ko ha mea i ha kau tau be i ha malohi, ka i hoku Laumalie ooku, oku behe e Jihova oe gaahi kau tau. 7Kohai koe, E mouga maoluga? E fakalafalafa hifo koe i he ao o Selubebeli: bea e omi eia ae maka tauoluga ki ai i he mavava moe kalaga, o behe, Ke i ai ae aloofa, ke i ai ae aloofa. 8Nae hoko foki ae folofola a Jihova kiate au, o behe, 9Kuo ai ae tuuga oe fale ni e he nima o Selubebeli; bea e fakaoji ia foki e hono nima oona, bea te mou ilo kuo fekau mai au e Jihova oe gaahi kau tau. 10He kohai kuo ne manuki ki he aho oe mea jii? he te nau fiefia, mo mamata ki he fua fakatonutonu i he nima o Selubebeli. Bea koe toko fitu na koe foi fofoga ia e fitu o Jihova, aia oku fealuaki fano i mamani kotoabe.
11Bea naaku beheage ai e au kiate ia, Koeha ae ogo akau olive, aia oku i he toomatau oe tuuga māma, bea mo hono toohema oia? 12Bea naaku toe beheage ki ai, Koeha ae ogo vaa olive ena, aia oku liligi atu mei ai ae lolo, i hono tafeaga koula e ua? 13Bea nae behe mai eia kiate au, Oku ikai te ke ilo be koeha ae gaahi mea na? bea neu behe, A hoku eiki oku ikai. 14Bea ne toki behe mai eia, Koe toko ua ena, kuo bani bea oku na tutuu i he ao o Jihova o mamani kotoabe.
Currently Selected:
KOE TOHI A SAKALAIA 4: TWB
Highlight
Share
Copy
Want to have your highlights saved across all your devices? Sign up or sign in
