KOE TOHI A SAKALAIA 2
2
1 Koe mea i he ene tokaga‘i a Jelusalema oku fekau atu ai e he Otua ke fakafuofua ia. 6 Ae kuhui a Saione. 13 Koe talaofa e i ai ae Otua.
1NAAKU toe haga hake hoku mata, beau jio, bea vakai, koe tagata nae i hono nima ae afo koe fua. 2Bea naaku fehui kiate ia, Ko hoo alu ena kife? Bea naa ne behe mai kiate au, Ke fua a Jelusalema mo vakai be oku fefe hono māukubu, bea fefe mo hono loloa oia. 3Bea iloage nae alu atu ae agelo aia naa ma talanoa, bea alu atu moe agelo e taha ko hono fakafetaulaki. 4Bea ne behe mai kiate ia, Lele mo lea ki he tagata talavou na, o behe, E kakai a Jelusalema o tatau moe gaahi botu kakai oku ikai a‘i, koeuhi ko hono toko lahi oe kakai moe faga manu i ai: 5E oku behe e Jihova, Teu hage au koe a afi oku takatakai iate ia, bea ko au koe nāunāu i hono lotolotoga.
6E! E! hola mei he fonua i he botu tokelau, oku behe e Jihova! he kuou fakamovete akimoutolu o hage koe matagi ki he feituu e fa oe lagi: oku behe e Jihova. 7E Saione, fakamoui koe, akoe oku nonofo moe ofefine o Babilone. 8He oku behe e Jihova oe gaahi kau tau, Koe mea i he nāunāu kuo ne fekau atu au ki he gaahi buleaga aia nae maumau‘i keo: he koia oku ala kiate kimoutolu oku ne ala ki he kano‘i mata uli o hoku mata. 9He, vakai, teu tube‘i hoku nima kiate kinautolu, bea e vete akinautolu e he e nau kau tamaioeiki: bea te mou ilo ai kuo fekau au e Jihova oe gaahi kau tau.
10E taahine o Saione hiva mo fakafiefia: he oku behe e Jihova, vakai oku ou ha‘u, bea teu nofo i ho lotolotoga oou. 11Bea e lahi ae buleaga e kau mo Jihova i he aho koia, bea nau hoko ko hoku kakai; bea teu nofo i ho lotolotoga oou, bea te ke ilo ai kuo fekau au kiate koe, E Jihova oe gaahi kau tau. 12Bea e ma‘u e Jihova a Juta, ko hono tofia, i he fonua maonioni, bea te ne toe fili a Jelusalema. 13Ke logo hifo ae kakai kotoabe i he ao o Jihova! ke kuo tuu hake ia mo hono afioaga maonioni.
Currently Selected:
KOE TOHI A SAKALAIA 2: TWB
Highlight
Share
Copy
Want to have your highlights saved across all your devices? Sign up or sign in
