KOE TOHI A SAKALAIA 12
12
1 Ko Jelusalema koe ibu fakailifia ia kiate ia be, 3 bea koe maka mamafa ki hono gaahi fili. 6 Koe fakamoui ogoogolelei o Juta. 9 Koe fakatomala a Jelusalema.
1OKU behe e Jihova, koe tala mamafa ae folofola a Jihova ki Isileli, koia ia oku folahi atu ae gaahi lagi, mo ne ai ae tuuga o mamani, bea ne gaohi eia ae laumalie oe tagata i loto iate ia. 2Vakai, teu gaohi a Jelusalema, koe ibu fakailifia ki he kakai kotoabe oku takatakai iate ia, oka nau ka kabui a Jelusalema, mo Juta foki. 3Bea i he aho koia teu gaohi a Jelusalema, koe maka fakamafajia ki he kakai kotoabe: ko kinautolu kotoabe te nau fua ia, te nau makafokafo ai, ne ogo ha tanaki fakataha ae kakai kotoabe o mamani ke tau‘i ia. 4Oku behe e Jihova, I he aho koia teu ta aki ae fakailifia ae hose kotoabe, bea ta aki ae faha, aia oku heka ki ai: teu fakaa hoku mata ki he fale o Juta, bea ta‘i ke kui ae hose kotoabe ae kakai. 5Bea e behe e he kau bule i Juta i ho nau loto, e malohi ae kakai o Jelusalema, koeuhi ko Jihova oe gaahi kau tau, ko ho nau Otua.
6I he aho koia teu gaohi ae kau bule i Juta, ke tatau moe aiaga afi i he loto fefie, bea hage koe tuhulu vela i he u koane; he te nau fakaauha takatakai ae kakai i he nima toomatau, bea moe toohema: bea e toe kakai a Jelusalema i hono botu be oona, io, i Jelusalema. 7E fuofua fakamoui e Jihova ae gaahi fale fehikitaki o Juta, koeuhi ke oua naa vikiviki mai kia Juta ae nāunāu oe fale o Tevita, moe nāunāu oe kakai o Jelusalema. 8I he aho koia e malu‘i e Jihova ae kakai o Jelusalema; bea koia oku vaivai iate kinautolu i he aho koia, e hage ia ko Tevita; bea hage koe Otua ae fale o Tevita, o hage koe agelo a Jihova i ho nau ao.
9Bea e hoko o behe i he aho koia, teu kumi ke fakaauha ae buleaga kotoabe oku ha‘u ke tau‘i a Jelusalema. 10Bea teu liligi ki he fale o Tevita, bea ki he kakai o Jelusalema, ae laumalie oe ofa, bea moe faa lotu: bea te nau jio kiate au aia kuo nau hoka‘i, bea te nau tagi koeuhi koia, o hage ha taha oku tegihia a hono foha nae taha be, bea te ne mamahi lahi koeuhi koia, o hage koe mamahi koeuhi koe olo-boou. 11E ai ae tagilāulāu lahi i Jelusalema, i he aho koia, o hage koe tagilāulāu a Hatatilimoni i he telea ko Mekitoni. 12Bea e tagi ae fonua, bea fai taki taha e he faahiga; koe faahiga oe fale o Tevita maana, bea mo ho nau gaahi unoho ma anautolu; koe faahiga oe fale o Natani maana, bea mo ho nau gaahi unoho ma anautolu; 13Koe faahiga oe fale o Livai maana, bea mo ho nau gaahi unoho ma anautolu; koe faahiga o Simei maana, bea mo ho nau gaahi unoho ma anautolu; 14Bea moe gaahi faahiga oku toe, koe taki taha maana i hono faahiga, bea mo ho nau gaahi unoho ma anautolu.
Currently Selected:
KOE TOHI A SAKALAIA 12: TWB
Highlight
Share
Copy
Want to have your highlights saved across all your devices? Sign up or sign in
