KOE TOHI A NEHUMI 3
3
Koe auha fakamanavahe o Ninive.
1MALAIA ki he kolo bani toto! oku bito kotoabe ia i he gaahi loi moe kaihaa; oku ikai ke mahui mei ai aia kuo fakamalohia; 2Koe ba oe mea ta, moe logoaa moe gatata oe gaahi va‘e saliote, bea moe faga hosi, bea moe hobohobo ae gaahi saliote. 3Oku hiki hake e he tagata heka hose ae heleta gigila moe tao gigila foki; oku toko lahi aubito ae haaga, bea oku toko lahi ae agaaga; bea tae faalaua ho nau kakai mate; oku nau humu ki ho nau gaahi agaaga: 4Koeuhi koe gaahi feauaki lahi aubito ae muitau hoihoifua, ae fine eiki oe gaahi mana loi, aia oku fakatau ae gaahi buleaga i he ene faa feauaki, moe gaahi faahiga kakai i he ene mana loi. 5Oku behe e Jihova oe gaahi kau tau, vakai, oku ou tuu kiate koe; bea teu fakaha ho gaahi taba‘i kofu i ho mata, bea teu fakaha ho telefua ki he gaahi faahiga kakai, mo ho ma ki he gaahi buleaga. 6Bea teu li ae mea fakalielia kiate koe, mo fakauli‘i koe, bea fokotuu koe, koe jiofiaaga. 7Bea e hoko o behe, iloga akinautolu oku jio kiate koe, te nau hola meiate koe, mo nau behe, Kuo fakalala a Ninive: kohai e tegihia ia? teu kumi meife ha kau fakafiemalie kiate koe? 8Oku ke lelei koa ia No, aia nae kakai, bea nae tuu i he lotolotoga oe gaahi vaitafe, aia nae takatakai e he gaahi vai, aia ko hono buke koe tahi, mo hono a nae mei he tahi? 9Ko hono malohiaga a Itiobea mo Ijibite, bea nae tae faa laua ia; ko ho kau tokoni a Buti mo Lubimi. 10Ka nae ave ia, nae alu ia ki he bobula: nae laiki foki a ene fānau valevale i he mua hala oe gaahi hala kotoabe: bea naa nau talotalo ki he ene kau mātua, mo hono houeiki kotoabe nae ha‘i aki ae ukamea fihifihi. 11Ko koe foki te ke kona, e fakafufu koe, ko koe foki te ke kumi malohi koeuhi koe fili. 12E tatau hoo gaahi botu malohi moe gaahi akau koe fiki i hoo uluaki toukai; ka lulululu, e to, io, ki he gutu oia oku kai. 13Vakai ko hoo kakai oku iate koe, koe kau fefine; e fakaava aubito ae gaahi mataba o ho fonua ki ho gaahi fili; e kai e he afi a ho gaahi sogo. 14Utu hoo vai ki he tau, teuteu hoo gaahi kolo tau: alu ki he umea, bea malaki ae lahe, gaohi ke malohi ae ta‘oaga umea. 15E kai koe e he afi i ai; e motuhi koe e he heleta, te ne kai koe ke oji hage koe unufe; fakatoko lahi koe o hage koe unufe, fakatoko lahi koe ke hage koe hee. 16Ko hoo kau tagata fakatau kuo ke fakatokolahi i he gaahi fetuu oe lagi: oku fai ae maumau e he unufe, bea ne buna atu. 17Oku tatau ho gaahi tu‘i moe faga hee, mo hoo kau bule moe faga hee lalahi, aia oku nofo i he gaahi a i he aho momoko, ka ka hobo hake ae laa oku nau buna atu, bea oku ikai ke kei ilo a ho nau botu be oku nau ife. 18Oku mohe hoo kau tauhi, e tu‘i o Asilia: e nofo hoo gaahi houeiki i he efu: kuo movetevete a hoo kakai i he gaahi mouga, bea oku ikai ha tagata oku ne tanaki kinautolu. 19Oku ikai ha fakamoui ki ho volu; oku lahi ho lavea; ko kinautolu kotoabe e fanogo ki hoo ogoogo, te nau baji nima kiate koe: he kohai akinautolu nae ikai ke hoko ki ai hoo agahala mau ai be?
Currently Selected:
KOE TOHI A NEHUMI 3: TWB
Highlight
Share
Copy
Want to have your highlights saved across all your devices? Sign up or sign in
