KOE TOHI A MAIKA 7
7
1 Oku lāuga ae Jiaji koe mea i hono toko jii, 3 mo hono lahi oe kovi. 5 Ka oku ikai te ne falala ki he tagata ka ki he Otua. 8 Oku ne ikuna hono gaahi fili. 14 Oku fakafiemalie‘i ia e he Otua, aki ae gaahi talaofa, 16 moe veuveuki oe gaahi fili, 18 bea mo ene aloofa.
1OIAUE eku mamahi! he oku ou hage kuo oji ae tanaki oe gaahi fua oe faahita‘u mafana, hage koe toega kalebi oe toukai: oku ikai ha fuhiga kalebi ke kai: nae holi hoku loto ki he uluaki toukai. 2Kuo auha ae kau maonioni mei mamani: bea oku ikai ha kau agatonu i he kakai: oku nau toitoi kotoabe ki he toto; oku nau taki taha tuli a hono tokoua moe kubega.
3Koeuhi ke nau fai fakamatoato i he kovi aki ae ogo nima oji be, oku eke e he houeiki, bea eke moe fakamāu ki he mea foaki; bea moe tagata maoluga oku ne fakaha hono loto kovi; bea behe, oku nau ufiufi ia. 4Koe lelei lahi iateki nautolu oku hage koe akau talatala be: koia oku fugani agatonu oku majila i he a talatala: oku hoko mai ae aho o ho kau leo, bea mo ho aahi; koeni, e hoko e nau bubutuu.
5Oua naa mou falala ki he kaumea, oua naa mou falala ki ha takimua: leohi ae mataba o ho gutu, meiate ia oku faaki ki ho fatafata. 6He oku fakaogokovi‘i e he foha a ene tamai; oku tuu hake ae taahine ki he e ene fa‘e, ae taahine i he fono, ki he ene fa‘e i he fono; koe gaahi fili oe tagata, ae kau tagata i hono fale. 7Koia teu haga kia Jihova; teu tatali ki he Otua o eku fakamoui; e fanogo mai kiate au a hoku Otua.
8Oua naa ke viki kiate au, e hoku fili: o kau ka higa teu toe tuu hake: o kau ka nofo i he bouli, e hoko a Jihova, koe māma kiate au. 9Teu kataki ae houhau o Jihova he kuou fai agahala kiate ia, ke oua ke ne fakamatala maaku, mo fai ae fakamāu koeuhi ko au; te ne omi au ki he māma, bea teu mamata ki he ene maonioni. 10Bea e toki mamata ai a hoku fili, bea e ufiufi i he ma aia nae behe mai kiate au, Komaa a Jihova ko ho Otua? e jio a hoku mata kiate ia: koeni, e malaki hifo ia o hage koe belebela i he gaahi hala. 11I he aho koia e laga ho gaahi a, i he aho koia e hiki ke mamao ae fono. 12I he aho koia e ha‘u ia, io, kiate koe mei Asilia, bea mei he gaahi kolo kuo teu, bea mei he botu malohi o a‘u ki he vaitafe, bea mei he tahi ki he tahi, bea mei he mouga ki he mouga. 13Ka ne ogo ia e lala ae fonua koeuhi ko kinautolu oku nofo ai, koe fua oe nau faiaga.
14Fafaga‘i a hoo kakai aki ae mea ta, ae kakai o ho tofia, aia oku nofo gaogao i he vao akau i he lotolotoga o Kameli: tuku ke nau kai i Besani mo Kiliati, o hage koe gaahi aho i mua. 15O fakatatau moe gaahi aho o hoo ha‘u mei he fonua ko Ijibite, teu fakaha kiate ia, ae gaahi mea fakaofo.
16E mamata e he gaahi buleaga, bea te nau ofo i he e nau malohi kotoabe: te nau ai ho nau nima ki ho nau gutu; e tuli a ho nau teliga. 17Te nau emo ae efu, hage ha gata, te nau gaolo mei ho nau gaahi luo hage koe kelemutu oe fonua: te nau manavahe kia Jihova ko ho tau Otua, bea te nau ilifia koeuhi ko koe. 18Kohai ha Otua oku hage ko koe, ke fakamolemole ae hia, bea ke laka atu i he agahala i he toega o hono tofia? oku ikai te ne ma‘u a hono houhau o taegata, he oku ne fiefia i he aloofa. 19E toe foki mai ia, te ne manavaofa kiate kitautolu; te ne ikui e tau gaahi hia; bea te ke li e nau gaahi agahala kotoabe, ki he loloto oe tahi. 20Te ke fakababau ae mooni kia Jekobe, bea moe aloofa kia Ebalahame, aia naa ke fuakava ki he e mau gaahi tamai talu mei he gaahi aho i mua.
Currently Selected:
KOE TOHI A MAIKA 7: TWB
Highlight
Share
Copy
Want to have your highlights saved across all your devices? Sign up or sign in
