E MATIU 3
3
1 Koe malaga a Jone mo ene gaue, bea mo ene babitaiso. 7 Oku ne valoki ae kau Falesi. 13 Koe babitaiso a Kalaisi i Joatani.
1HE gaahi aho koia nae ha‘u a Jone koe Babitaiso, o malaga i he toafa o Jutea, 2O behe, Mou fakatomala: he oku ofi ae buleaga oe lagi. 3He ko eni ia nae lea ki ai ae balofita ko Isaia, o behe, Koe le‘o oe toko taha oku kalaga i he toafa, Mou teuteu ae hala oe Eiki, fakatonutonu hono gaahi aluaga. 4Bea nae kofu ae Jone koia aki ae fulufulu‘i kameli, moe noo kili‘i manu i hono nootaga vala; bea ko ene mea kai, koe he‘e moe mea hua melie oe vao. 5Bea nae toki alu kiate ia a Jelusalema, mo Jutea kotoabe, moe botu fonua kotoabe nae tuu ofi ki Joatani, 6Ke babitaiso iate ia i Joatani, o vete e nau gaahi agahala.
7Ka i he ene mamata kuo ha‘u ae toko lahi oe Falesi moe Satusi ki he ene babitaiso, nae behe eia kiate kinautolu, Ae fanau ae gata fekai, kohai naa ne valoki akimoutolu ke buna mei he houhau e ha‘u? 8Koia mou fakaha ae gaahi fua oku gali moe fakatomala: 9Bea oua te mou behe i ho mou loto, Koe mau tamai a Ebalahame: he oku ou tala atu kiate kimoutolu, oku faa fai e he Otua ke fakatubu i he gaahi maka ni ae fānau kia Ebalahame. 10Bea koeni, kuo tuku ae toki ki he tefito oe gaahi akau: koia, koe akau kotoabe oku ikai tubu ai ae fua lelei, e ta hifo ia, bea laku ki he afi. 11Koe mooni oku ou babitaiso akimoutolu aki ae vai ki he fakatomala: ka ko ia oku muimui iate au oku lahi ia iate au, oku ikai tāu mo au keu too hono tobuvae: bea e babitaiso eia akimoutolu aki ae Laumalie Maonioni moe afi. 12Oku i hono nima a hono i, bea te ne fakamaa aubito hono hahaaga, o tanaki a hono uite ki he feleoko; ka e tutu eia ae kafukafu aki ae afi taemate.
13Bea toki ha‘u a Jisu mei Kaleli ki Joatani kia Jone, ke babitaiso iate ia. 14Ka nae taofi ia e Jone, o behe, Oku gali mo au keu babitaiso iate koe, bea oku ke ha‘u kiate au? 15Bea lea a Jisu kiate ia, o beheage, Tuku ke fai eni: he oku tāu mo kitautolu ke fai ki he maonioni kotoabe. Bea ne toki tuku ke fai ia. 16Bea kuo babitaiso a Jisu, nae alu hake leva ia mei he vai; bea vakai, kuo mavaeua ae lagi kiate ia, bea mamata ia ki he Laumalie oe Otua oku maliu hifo o hage koe lube, o tuu mai kiate ia: 17Bea iloage, koe le‘o mei he lagi, nae behe, Ko hoku Alo ofaaga eni, aia oku ou fiemalie lahi ai.
Currently Selected:
E MATIU 3: TWB
Highlight
Share
Copy
Want to have your highlights saved across all your devices? Sign up or sign in
