LUKE 17
17
1 Oku ako e Kalaisi ke oua e fakahala. 3 Ke fefakamolemoleaki. 6 Koe malohi oe tui. 7 Ke oua naa mahalo e he ene kau akoga Oku nau aoga. 11 Oku ne fakamaa ae kilia e toko hogofulu. 22 Oku ne lea ki he buleaga oe Otua, moe haele mai ae Foha oe tagata.
1BEA toki behe eia ki he kau akoga, E ikai mafai ke taofi ae hoko oe gaahi fakahala: ka e malaia ia oku hoko mei ai ia! 2Oku lelei kiate ia o ka ne tau-buga‘i aki ia ae maka momoji i hono kia, bea li ki he moana, i he ene fakahala‘i ha toko taha iate kinautolu ni oku jii.
3Mou vakai kiate kimoutolu: Kabau e fai agahala kiate koe e ho kaiga, valoki ia; bea kabau e fakatomala, fakamolemole ia. 4Bea kabau e fai agahala eia kiate koe o liuga fitu i ha aho, kae tafoki ia kiate koe o liuga fitu i ha aho, mo behe eia, Oku ou fakatomala; ke ke fakamolemole ia. 5Bea behe e he kau abosetolo ki he Eiki, Fakalahi e mau tui. 6Bea behe e he Eiki, Ka ne mou ma‘u ae tui ke tatau moe foi tega‘i musita, te mou lea ki he akau koe sukamino ni, Ke mataaki fuu hake koe, bea to koe i he tahi; bea e talagofua ia kiate kimoutolu. 7Ka kohai iate kimoutolu oku ai ene tamaioeiki, oku keli be tauhi manu, e behe leva ki ai, oka ha‘u ia mei he goue, Ha‘u koe o nofo hifo ke kai? 8Kae ikai behe mua ki ai, Teuteu haku ohomohe, bea ke nonoo koe, o tauhi au, kae oua keu kai mo inu; bea hili ia te ke toki kai koe mo inu? 9Oku fakafetai eia ki he tamaioeiki koia, koeuhi ko ene fai ae gaahi mea kuo fekau kiate ia? Oku ou behe, oku ikai. 10Bea ke behe foki akimoutolu, oka oji hono fai oe mea kotoabe kuo iekau kiate kimoutolu, mou behe, Koe kau tamaioeiki taeaoga akimautolu: kuo mau fai aia nae totonu be ke mau fai.
11Bea behe, i he ene alu ki Jelusalema, nae fonoga atu ia i Samelia mo Kaleli. 12Bea i he ene hu ki he botu kakai e taha, nae fakafetaulaki kiate ia ae kau tagata kilia e toko hogofulu, bea nau tutuu mamao atu: 13Bea naa nau kalaga le‘o lahi, o behe, Jisu, Eiki, ke ke aloofa mai kiate kimautolu. 14Bea i he ene mamata, naa ne behe kiate kinautolu, Mou o, o fakaha akimoutolu ki he kau taulaeiki. Bea behe, i he e nau alu nae fakamaa akinautolu. 15Bea nae foki mai ho nau toko taha, i he ene mamata kuo fakamoui ia, o ne fakamalo aki ae le‘o lahi ki he Otua, 16O fakafoohifo ia ki hono va‘e, i he fakafetai kiate ia: ka koe Samelia ia. 17Bea lea a Jisu, o beheage, Ikai nae fakamaa ae toko hogofulu? ka kofaa ae toko hiva? 18Oku ikai iloa ke foki mai ha taha ke fakamalo ki he Otua, ka koe muli ni be. 19Bea ne behe kiate ia, Tuu hake, bea ke alu: kuo fakamoui koe e hoo tui.
20Bea i he eke ae kau Falesi kiate ia, be e hoko afe ae buleaga oe Otua, nae leaage eia kiate kinautolu, o behe, Oku ikai hoko ae buleaga oe Otua moe fakaogona ki ai: 21Bea e ikai te nau behe, Vakai heni! be, Vakai hena! he ko eni, oku iate kimoutolu ae buleaga oe Otua. 22Bea behe eia ki he kau akoga, E hoko mai ae gaahi aho, te mou holi ai ke mamata ki ha aho e taha oe Foha oe tagata, ka e ikai te mou mamata ki ai. 23Bea ka nau ka behe kiate kimoutolu, Vakai heni; be, Vakai hena: oua naa alu atu, be muimui ki ai. 24He oku hage koe aji mai ae uhila mei he botu lagi e taha, bea ulo o a‘u ki he botu lagi e taha, e behe foki ae Foha oe tagata i hono aho. 25Ka e tomua kataki eia ae gaahi mea lahi, bea e liaki ia e he toutagata ni. 26Bea hage koe fai i he gaahi aho e Noa, e behe foki i he gaahi aho oe Foha oe tagata. 27Naa nau kai, mo inu, naa nau mali unoho, bea foaki ke mali, o a‘u ki he aho nae hu ai a Noa ki he vaka, bea oho mai ae vai, o fakaauha akinautolu kotoabe. 28Bea hage foki koe fai i he gaahi aho o Lote, naa nau kai, mo inu, naa nau fefakatauaki, naa nau to goue, bea nau laga fale; 29Ka i he aho koia nae alu atu ai a Lote i Sotoma, nae uha afi moe maka vela mei he lagi, o fakaauha akinautolu kotoabe. 30E behe be foki i he aho e fakaha ai ae Foha oe tagata. 31Bea ko ia ia e i he tua fale i he aho koia, ka oku i loto fale ene mea, ke oua naa alu hifo ia ko hono ave: bea ko ia e i he goue, ke oua foki naa liu mai. 32Manatu‘i ae unoho o Lote. 33Ko ia ia e kalofaki ene moui, e mole ia iate ia; ka ko ia ia e tuku ene moui, e ma‘u eia ia. 34Oku ou tala kiate kimoutolu, I he bo koia e ai ae tagata e toko ua i he mohega be taha; e ave ae toko taha, ka e tuku ae toko taha. 35E fakataha ae fefine e toko ua o momoji; e ave ae toko taha, ka e tuku ae toko taha. 36E ai ae tagata e toko ua i he goue; koe toko taha e ave, ka e tuku ae toko taha. 37Bea naa nau leaage, o behe kiate ia, Eiki, kofaaia? Bea behe eia kiate kinautolu, Iloga ae botu e i ai ae agaaga, e katoa ki ai ae faga ikale.
Currently Selected:
LUKE 17: TWB
Highlight
Share
Copy
Want to have your highlights saved across all your devices? Sign up or sign in
